真係好耐好耐好耐冇打過日記啦！應該係由上個禮拜６同約翰組燒野食個日開始。

個日個狀態都好一般，不過ｄ人都好踴躍下搞到我都冇得懶。有眉花佢地４個、詠然同佢兩個姓黃既同學、６個約翰組既組員包括埋阿龍加承恩鄰居肥仔、再加同心圈４個另外神學生淑儀同埋清姐。哇！都有廿人！估唔到都搞得幾大，我幾驚ｈａｎｄｌｅ唔到。同心圈都搞左好多好多野！佢地買野食又霸爐，又看野又透埋爐。我？淨係同約翰組同埋ｄ新朋友玩咋。不過都真係要好多精力。帶佢地去放箏，其實我都唔識放，最緊要又冇咩風，最後都冇邊個放得成。佢地就去踢波個ｄ，我跑到幾累。燒野食都唔係想燒，不過就好想食。講真丫！我都冇咩ｍｏｏｄ去同佢地玩架啦！不過阿明又好野喎！佢提出自我介紹跟住玩遊戲，講真個句我都唔敢帶頭，不過佢好勇咁帶左而且諗埋遊戲，而且最尾個氣氛都幾好添！我真係覺得阿明好勁！佢真係好唔同，佢以前只會提出不足同埋意見，不過而家佢落手做埋，好叻！ｒｕｂｙ同盼恩都好好咁同ｄ女仔去傾計，我就冇咩可以同ｄ女仔講架咋！哈！食到咁上下就去左踢波，約翰組同眉花佢地都玩得幾好幾埋，應該都會熟左ｄ架啦！唔錯！唔錯！希望可以ｋｅｅｐ到繼續落去啦！

返到屋企都夜，不過見到阿媽就有感動想同佢傳福音。我問佢關於佢既信仰既野，又講下自己個ｄ。不過我發覺佢信得真係好多記號，佢係佢既神所經歷仲多過我同埋好似仲大過我所經歷既咁！後尾講講下都講唔埋，有時仲炒大獲添！最尾傾到成４點幾，跟住第２朝崇拜仲遲埋到。係教會而家我就淨係成日打鼓，好似少左做關顧既工作咁喎！

星期１　３８１　ｍｉｄｔｅｒｍ，好彩個ｍｉｄｔｅｒｍ唔係好難，而且我都好似幾識咁，佢出得都幾易。考完試我就去左同ｓｈａｒｏｎ，係上ｇｅ既時候識既一個讀ｆａｓｈｉｏｎ既一個女仔，去睇電車男。同佢第一次出街亦都可能係最後一次。講真我真係當識朋友咁出街架咋！ｄｄ都冇諗過拍拖既階段，我知道佢唔岩我既。睇完戲之後仲行街添！不過冇錢買衫。

星期２原本係要返ｐｏｌｙ見ｐｒｏｆｅｓｓｏｒ，不過一黎又遲起身，二黎又冇帶電話，返到去都冇見到ｐｒｏｆｅｓｓｏｒ又搵唔到朱展。返去淨係上網同埋ｐｒｉｎｔ左下晝教ｍａｔｈｓ要用既ｎｏｔｅｓ同埋ｅｘｅｒｃｉｓｅ咋！因為病呀！所以去左ｐｏｌｙ睇醫生，１５蚊都幾抵既。之後就去可藝喇！今日得２個人上堂，真係‥‥‥好挫折，不過我又唔覺得自己失敗既，只係知道自己或者講數學仲未能夠有足夠既吸引力吸引學生。好似話佢地有活動咁喎！

星期３上晝上ｆｙｐ　ｗｒｉｔｉｎｇ　ｓｋｉｌｌ，之後就上ｇｅ，就同埋ｓｈａｒｏｎ一齊上，應該係最後一次一齊上ｇｅ　ｌｕ！不過ｆｏｒ　ｍｅ　ｉｔ　ｄｏｅｓｎ’ｔ　ｍａｔｔｅｒ，佢可能都會有１少少唔捨得掛！哈哈！之後去左食最後的ｔｅａ，為左答謝佢個份ｎｏｔｅｓ令我可以ｐａｓｓ個ｆｒａｍｅ，所以我都請左佢食呢個ｔｅａ，１２蚊咋！ｐｏｌｙ　ｄ　ｔｅａ都幾抵食而且都幾好味架！返屋企原本都想溫下３６２因為聽日ｍｉｄ，不過聽日又要ｐｒｅｓｅｎｔ不過連ｐｏｗｅｒｐｏｉｎｔ同埋份資料都未睇過，所以都係做左個ｐｒｅｓｅｎｔ先。不過做完都冇時間溫書ｌｕ。係打俾個同學佢將佢識既講左俾我聽一次咁大把囉！都成２點先訓。聽日仲要６點起身添！對我黎講係一個大挑戰！

今日，好彩都起到身，大概８點鐘返到ｐｏｌｙ啦！都仲有個半鐘溫，不過ｄ同學９點先返到黎，最不過都係份卷都冇出到我地溫個ｄ。冇訐啦！呢科，我夾埋都上唔夠一個鐘，之前堂堂都走曬！接住即刻就ｐｒｅｓｅｎｔ喇！講真，我都未整理好要講ｄ咩，都係趁ｐａｒｔｎｅｒ　ｐｒｅｓｅｎｔ既時間去整理，好彩都過到骨，似乎仲唔錯咁！哈！真係好好彩！

食飯後去ｈｅａ左１粒鐘先再上堂，訓左上半堂，下半堂阿ｓｉｒ係咁飛ｎｏｔｅｓ，一改風格，可能個ｄ野真係廢架啦！之後佢講佢以前既野。佢阿媽阿爸刃６０幾歲先生佢，佢讀書個陣就要做ｐａｒｔｉｍｅ，同埋佢知道自己一定要羅獎學金先交到學費。佢話佢畢業既時候已經夠錢買樓俾佢阿媽！同埋佢個ｐｒｏｆｅｓｓｏｒ唔係講英文好似係講ｓｐａｎｉｓｈ個ｄ，佢聽唔明就自己係ｌｉｂｒａｒｙ搵書睇，睇左好多書都唔明，最尾搵左一本千年古書終於明白曬咁話。仲教我地要點ｔｉｐ　ｄ阿ｓｉｒ出題目，佢話ｄ　ｐｒｏｆｅｓｓｏｒ只可以出直拳橫拳勾拳幾度板虎，因為凌空轉體個ｄ係冇意思既。考試卷係要係一個鐘頭做得完，所以ｄ題目只可以係ｄ有ｎｉｃｅ　ａｎｓｗｅｒ既個ｄ，黎黎去去都係得幾個板虎，背熟左ｄ　ｓｒｔｅｐ想唔羅ａ都難。佢話佢萬試萬靈。

講真，好難係大學搵到一個ｐｒｏｆｅｓｓｏｒ教人點考試架啦！佢就好似遵理個ｄ名師咁！星期６我應該返唔到小組咯！好似都未試過咁！不過因為有ｍａｋｅ　ｕｐ　ｃｌａｓｓ教返今日死到直既３６２，所以我都係放低小組喇暫時。好彩盼恩殷切咁承擔左，好彩有佢。我真係希望可以追得返曬之前唔識既野！

搭車個時打左俾歡歡，都真係成個月冇打過俾佢喇！而且收到佢５封信都未回，唔打真係良心過意唔去啦！不過之前又忙，今日輕省左咁多正好就係打俾佢喇！同佢傾左１個鐘到啦！佢聽日跑１５００米，叫我幫佢祈禱。哈！我好似好好彩咁！可以岩岩好係佢需要人代禱既時侯打俾佢。

聽日唔洗返學呀！不過都要去可立教小朋友。希望聽日ｏｋ啦！最近都唔係咁穩定呀！

尋日冇打日記添！而家打返。

尋日原本都係話返３６２，不過都係起唔到身！如果下個禮拜都起唔到既話呢！咁就玩完喇！因為下個禮拜３６２既ｍｉｄ　ｔｅｒｍ！係喎！都未溫ｄ　ｍｉｄ　ｔｅｒｍ添！仲以為自己好得閒。

返到去都點幾喇！做３８１既ｌａｂ，做到２點半就走喇！因為要去可立功輔，不過好似好衰咁！明明個ｌａｂ就係未做完既！

今日對住佢地都有ｄ難ｃｏｎｔｒｏｌ呀！好勉強好勉強。葉泓軒真係好唔掂！成日係度攪攪震，何銘恆都係幾麻煩。曾麗詩ｄ態度，令我對佢都冇之前咁有好感喇！反而高子晴同埋曾詠豪係比較乖ｄ既。今日我都好認真咁鬧何銘軒，不過冇咩ｐｏｉｎｔ。嘻。由於叫左佢地做２個禮拜既功課佢地都未做，所以今日都冇教書，要佢地做返！不過佢地都係有好多唔識，咁冇計啦！可能係我出得難左ｄ。講真，葉泓軒係數學方面係叻ｄ，不過高子晴係比較肯學個個。

何姑娘入黎同我地班大清潔，即係逐個鬧呀！我就回報話：何銘恆話唔見左本手冊，呢２個禮拜都冇做功課；葉泓軒好冇禮貌，仲成日同佢地玩；彭志健成日講ｄ好似粗口既野；曾麗詩就淨係想知答案多過點樣做；高子晴都ｏｋ，好左好多，係有時冇咩禮貌；曾詠豪就同佢地３個玩。咁何姑娘就逐個叫佢地出黎鬧喇！我唔心痛，只係我覺得何姑娘點解可以做到呢種威嚴架呢！佢好似唔係好大聲鬧架咋喎！

之後佢地都係乖左ｄ既，不過曾麗詩仍然都係冇個個學野既心，令我真係失望。何銘恆，可能佢係想人鬧下佢。

之後就趕返去教會教約翰組喇！遲左２０分鐘，盼恩都到左喇！承恩浩然佢地一開始係度傾計，我就話係地黎呢度係溫書唔係傾計既，傾計就返屋企，咁佢地就唔再傾喇！真係專心溫書喇！好明顯，教完可立對我既事奉好有幫助，有返ｄ威嚴。佢地肯認真溫書既學習氣氛都好好，我都好滿意，以後都可以咁認真就好喇！

夜晚１點同輝落左街踩單車，先踩去兆康，再過工廠區，之後沿ｉｖｅ同可排踩返良景。唔錯唔錯！幾好玩！

今日原本就真係想返３６２既，不過真係太懶，唔肯起身，搞到又１２點先返到ｐｏｌｙ。返去既時候係車度都溫得好好，唔錯啦！明左好多好多呀！返到去變左半個專家。今日ｔｅｓｔ都識唔少，係爭ｄ　ｎｏｔｅｓ冇講既先至唔識。無愧ｍｉｄ　ｔｅｒｍ。

放學去左買ｈａｒｄｉｓｋ，１６０ｇ　ｍａｘｔｏｒ，６３０蚊！我真係捨得！自己得個千幾，買成６００幾蚊野！我真係唔用腦！連ｌｏａｎ都未借到最緊要！

返到屋企先知我個火牛冇個條ｓａｔａ２既電源線！真係死！咁我就唔可以裝ｗｉｎｄｏｗｓ　ｘｐ既６４ｂｉｔ喇！

今日９點半先起身，成１０點先出門口，返到去都成１１點囉！遲左半個鐘。今日ｓｈａｒｏｎ打過電話黎ｍｏｒｎｉｎｇ　ｃａｌｌ不過我太夜訓喇！都係聽唔到！哈！

返到去聽ｆｙｐ　ｗｒｉｔｉｎｇ　ｓｋｉｌｌ，我覺得不知幾有用，我英文差丫嘛！聽完都有信心ｄ去做ｆｙｐ　ｒｅｐｏｒｔ，而且其實中７個時已經好想知一個ｆｏｒｍａｌ　ｒｅｐｏｒｔ應該點寫架啦！

之後同阿ｐａｕｌ振振去左食飯，拿拿聲又趕去上ｇｅ喇！明明就係約左ｓｈａｒｏｎ既，不過都唔知佢坐邊，咁就求其搵個位坐住先喇！羅ｎｏｔｓ既時候就見到ｓｈａｒｏｎ啦！講真，其實我見到又認得佢既，不過我呃自己話唔知係唔係姐！坐左半堂，等ｂｒｅａｋ先過去搵佢。坐係隔離，都有ｄ野講下既，不過暫時都係講ｇｅ。上完之後佢話陪我去ｒｅｇ　ｇｅ，真係好彩，唔係我真係可能會唔記得！神真係愛我喇！之後同佢去左新ｃａｎ食ｔｅａ，講真我都真係幾飽架啦！我覺得ｓｈａｒｏｎ對我其實印象都唔錯，不過我無意發展呀暫時！哇！咩我諗得咁快架！哈！ｓｈａｒｏｎ，多一個朋友姐！

食完ｔｅａ就去上３６１，今日真係知道曬佢ｕｐ乜喇！不過聽日就ｍｉｄ　ｔｅｒｍ　ｔｅｓｔ，都唔知佢出成點，返到屋企到而家又溫得唔係好多，聽日要再ａｄｄ多ｄ　ｏｉｌ喇！

哇！詠然可能可以帶到兩個女仔返小組呀！仲有眉花佢地都會黎ｂｂｑ！真係正！怕就怕唔知ｈａｎｄ唔ｈａｎｄｌｅ到咋！神呀！幫幫我地手丫！我今日或者講呢兩個禮拜都ａｄｄ左好多ｉｄｅａ係我ｄ約翰仔個腦度，希望佢地可以吸收到啦！聖靈呀！求你揀選約翰組的少年人啦！

ｍｓｎ同以前既灰姑娘即今日既ｃａｔｈｙ　ｃｈａｔ，同佢講左好多信仰既問題，不過佢既生命有太多既苦毒啦！佢唔信耶穌係存在既！佢成日話ｎｏ　ｇｏｄ！ｎｏ　ｇｏｄ！主呀！幫下佢啦！幫下佢啦！讓佢知道你係真架啦！同樣俾我知道一ｄ證據丫！唔好意思，我真係好想見到。

今日都好生性咁９點半起左身，１０點出門口，１１點半先返到去ｐｏｌｙ，就教朱展８０５１喇！我咁用心教不過一ｄ都感覺唔到佢有用心學，我既本能都禁住自己要教識佢，不過佢就話自己睇下先，跟住我先唔想再教佢，不過我同佢一組呀！我好驚佢搞唔掂，講真！

見ｐｒｏｆｅｓｓｏｒ，經過ｐｒｏｆｅｓｓｏｒ講一講，我就更加對朱展不滿，因為我連少少佢個ｐａｒｔ既野都未見到！我覺得佢真係唔係好掂！我真係好想負責埋！不過我知我咁諗就已經入左個陷阱。係既，我係要信佢既，不過佢都要有ｄ野俾我信先得架！不過記返佢係ｌｉｂａｒｙ搵書，佢應該都有心既。不過我要快ｄ搞掂我個ｐａｒｔ先得！塞住大家把口。

同朱展食飯感覺到個種冷，都唔知ｕｐ乜好！淨係可以講ｒｅｐｏｒｔ，不過又成日踩親佢條尾。不過大佬，佢諗ｄ野同埋做野既進度真係慢左ｄ丫嘛！求神赦免。

食完飯睇阿ｐａｕｌ少佢地做ｆｙｐ，人地已經有ｄ野睇啦！如果同ｐａｕｌ少做我個個你話幾好呢！不過我要加油，大不了做埋朱展個ｐａｒｔ架姐！同ｐａｕｌ少真係好傾過同朱展好多好多，起碼大家都識ｄ丫嘛。朱展？唔識又唔虛心，仲要同我同一組！佢教到我我都服佢丫，又唔係！

ｍａｎａｇｅｍｅｎｔ上得３個字就撇喇！因為要返可藝教書。今日遲左好多先開始呀！佢地好鬼慢先上黎。今日先教左佢地一元二次方程，佢地都覺得幾難咁，我都係略略咁講下仔，不過都有ｄ人明既，好少數囉！其實都唔係話難，個ｃｏｎｃｅｐｔ佢地係明既，同埋背左兩句就天下無敵架喇！我仲諗緊下堂仲講唔講一元二次方程好。跟住我又講左指數，佢地都好似識咁，因為阿ｓｉｒ已經教左丫嘛！不過俾完ｄ數佢地做然後睇返，佢地原來跟本就唔識。不過我試下係佢地張紙度同佢地溝通啦！今日有４個撇左，有一個新加左落黎。呢班仔都有得教既，希望佢地生下性咁啦！

夜晚上神學概論，學到好多野，最重要原來我成日傳福音所用既方法係唔正確既。我唔應該試圖證明上帝既存在，因為我地唔能夠證明到。而聖經本身係對ｄ信左既人講既而唔係對唔信既人講。好多好多既問題，令我對神學同埋一ｄ思想有好多好多既興趣。又有一樣野係好重要既，就係原來神學係要由一個信靠既基礎開始，而唔係由神學得出信神既理由。錯曬，我一開始就錯曬！

係喎！成日都講做左既野，都冇講有咩冇做添！原本話同表妹傾ｍｓｎ架嘛！不過可能太遲返啦所以見佢唔到。講真今日都幾忙下！今日收到蓮妹封信。我爭埋爭埋都唔少信！哈！

原來我尋日冇寫到日記喎！尋日返學校上３８１ｔｕｔｏｒ，不過１個鐘既ｔｕｔｏｒ只係上左半粒鐘因為遲到。之後就食飯之後冇上３６２既ｔｕｔｏｒ就去左ｌｉｂａｒｙ搵書，竟然撞到朱展，其實佢都幾有心做呢個ｆｙｐ既。我借左一本寫ｊａｖａ　ｇａｍｅ既書同埋一本ｖｂ既書。之後ｐｉｎｋ打電話黎，叫我食飯，咁我就去喇！都好耐冇見咯！見到佢，覺得冇咁驚嚇喇！可能真係都慣左啦！跟住佢話佢條仔阿威都黎喎！咁我原本諗住同佢講下信仰都取消左喇！可能都要係遲ｄ先！去左荃灣度食，記得就好似係鴻福茶餐廳，或者因為知道名威會黎啦！大家都冇咩講到野，不過又唔係話冇講既，又唔覺得怪既。食完飯阿威就黎到喇！講真，阿威，好似真係馴左，雖然係之前我只係見過佢兩次咁大把。我都有用基督既恩賜同佢傾計架，有善既笑容就梗架啦！我問佢做咩工呀咁，佢都答得我好詳盡喎！我會覺得佢係好少同人溝通既而且佢係好渴望同人溝通添。阿ｐｉｎｋ真係可以同佢傾多ｄ計。

返到屋企同思慧ｍｓｎ，發現留言錄音個ｆｕｎｃｔｉｏｎ好得意。同佢都冇咩傾架，不過佢又好似幾鐘意同我傾咁喎！

夜晚就睇ｖｂ本書整左個ｐｒｏｇｒａｍ，幸運七，都幾得意。希望我快ｄ可以寫到個ｃｏｎｔｒｏｌ　ｐｒｏｇｒａｍ啦！

今日９點半起身，好快咁梳洗就出門口喇！落街踩單車嘛！係ｄ斜路難踩少少姐！返到去５８分。哇！都算準時啦！祟拜都未開始。

耶小，雖然我既準備真係小得可憐，不過我都求神與我同在，愈係事奉我愈明白神同在既事奉係唔同好多既！ｏｋ啦！今日一開始就同佢地講下夢，畫下夢，佢地都有少少興趣咁啦！之後就入約瑟個故事喇！講佢被勾引跟住俾人屈同埋坐監。可能個故事本身有ｄ趣味啦！佢地又幾投入架喎！而且好似係第一次冇打喊路俾我睇添！不過見到係海恩悶ｄｄ囉！我講故事佢地都識笑下既，同埋問佢地問題佢地都肯應下，教完都有ｄ滿足感架！因為我今次講夢，玩既遊戲都係夢既分享，就係呢個咁引導性既題目，令到佢地好雀躍喇！

同約翰組開會傾ｂｂｑ個ｄ野，我開開下都覺得好似我出左ｄ喎！好似盼恩又縮返小小咁。我都驚重蹈覆轍，不過又好見到自己一出又可以出得好犀利，我感覺到自己同約翰組同在添！咁講可能誇左ｄ，不過我同約翰仔又ｆｄ左囉！開完會食埋飯就同佢地去左踼波，鉅華都有去。ｏｋ啦！雖然都係唔知踢乜！不過真係ｏｋ啦！都開心既！

踩單車返屋企，整埋個單車鎖個個扣，就玩電腦等到６點半出門口去食阿婆餐壽宴喇！同媽咪同埋大家姐去，二家姐就自己去。去到阿詩蔚同埋程芳就已經係咁請野我地食喇！睇到佢地既生命真係係好開心既！我地都俾佢地感染，講真咁重視既招待真係會令人好溫暖。諗起教會添！跟住我地就出去行街街喇！

出左去都係行黎行去咋！講真我都未能夠明白點解做大既要買禮物俾小朋友，不過諗返自己，有人買野俾自己又真係會覺得佢就係錫我既！雖然係膚淺，不過同小朋友溝通就係要用返小朋友既方法同埋角度喇！我地去左間ｄｅｓｎｙ精品店，大家姐就送野俾我地喇！我地一人揀左枝筆，雖然我唔係好重視，不過我好感覺到個份心意同埋佢係錫我既大家姐。有時候，自己都係咁膚淺，或者人人都係咁膚淺。

媽咪今日唔肯影相，唔知做咩呢？佢都冇將原因同我地講。同埋佢今日好似都唔係咁開心，可能真係有ｄ野喎！我既兩個表妹，真係好得意同埋好好玩！我真係好鐘意佢地。佢地生係一個好好既家庭，有ｄ錢咁衣食豐足，原來我對好好既定義係咁架咋喎！覺得佢地真係好幸福。今日同兩個表妹交換左ｍｓｎ。哈哈！講真，大家都好似好鐘意程芳咁，似乎就係忽略左詩蔚喇！不過我都做唔到ｄ咩，唯有同佢ｍｓｎ啦！講時講，冇見９個月，詩蔚已經亭亭玉立喇！佢都幾高下，當然未夠我高啦！

返到屋企望下架單車，好滿足，都好好彩，冇俾人偷到，忍唔住仲影左張相添。

今朝９點半起身同輝去元朗傳生度羅單車，１０點到到元朗，去左「雲吞皇」食早餐加午餐。１１點鐘度就到傳生度喇！一架單車超正！另一架就女仔ｄ。傳生梗係準備左超正個架俾我啦！同輝去左一間單車舖，原來而家ｄ單車舖興自助打氣架喎！第一次學識打單車氣。

由輝帶路終於過左個繁忙既元朗！講真，我真係掩飾唔到我可以擁有一架咁正既單車！我成日都奸笑，因為我太開心喇！不過我都驚輝會唔好受。講真可能會有少少呷醋既，不過佢好清楚佢架單車已經符合左最低既ｒｅｑｕｉｒｍｅｎｔ，就係可以轉坡！

我同輝由元朗一直踩到返良景，跟住輝意猶未盡，聊我兜返轉，咁我地就踩，原本話踩到石排，不過我地猶有餘興，繼續向前踩，直踩到屯門碼頭。到個時先知原來已經係２點２喇！咁就極速踩返教會，不過都唔極速架啦因為我都要等下輝。去到教會樓下２點７，盼恩打黎，不過我都冇接因為都就到喇！不過係樓下，我連單車都唔識鎖呢！用左５分鐘先搞掂，上到去佢地已經開始緊個破冰，阿邦帶。我當然冇怪佢地，只係有少少唔好意思，不過都冇將個唔好意思表現出黎。玩超級無敵大電視，ｏｋ啦！

望祈帶敬拜，佢自己都唔係好唱，不過好出奇咁大家都好肯唱，唔知食左ｄ咩黎！不過都感謝主啦！呢ｄ場面真係唔係咁易見到。跟住就到盼恩帶訊息，訊息係講耶和華係亮光係拯救仲係性命既保障。佢地都係冇咩反應啦！不過盼恩都帶得好好架啦！而且好明顯佢係準備十足啦！

完左約翰組就開同心圈喇！我地同心圈呢２個月既目標係重整小組，帶一人返小組，呢兩樣都係好好既目標。講真原本都打算放棄既我經過牧師同埋清姐對小組既重視之後，都令我對小組重新擺返個希望落去。係既，同心圈係約翰組同埋葡萄園既橋樑，係令小組與小組之間更和諧既一個小組。呢個係我諗既，唔知算唔算係神俾既異象喇！講真，其實大家都好需要一個健康既小組，只係之前大家經歷太多既唔開心而且可能真係人數太少令到我地搵唔到另外既關顧同埋被關顧既機會。真係希望神係中間大大既作工啦！另外有個禱伴計劃，就係希望兩個一一組組成禱伴互相支持同埋祈禱。我覺得同盼恩好有默契咁都係想用抽籤既方法去ｐａｉｒ　ｕｐ，或者大家原因都係唔同既，不過當時我記得清楚眼神既交流。我覺得同盼恩係有默契左既，不過唔知佢會唔會好難忍到我既唔成熟呢！

小組之後就踩返屋企喇！點知撞到通哥，佢行路，咁我都唯有推車啦！我地一路行一路傾，有講小組又有講樂器個ｄ野，跟住通哥仲請我飲豆漿添！我扲埋架單車返屋企，先發覺唔知鎖邊好！就打俾輝，佢話佢係屯門碼頭釣緊魚，咁我就當然地踩過去啦！今日都真係成日都係踩單車。踩到去見到佢地喇！釣左陣魚，都釣唔到，就悶喇！又去踩單車，落樓梯既時候隻腳踩唔實個腳踏，就俾個腳踏ｈｉｇｈ到刮損左。跟住踩得太快又ｄｕｐ得太勁真係爭ｄ就炒，好彩都未有事！踩左陣返去就再釣過，最尾釣到兩條，一條林哥，一條好似叫鯰魚。

釣完就踩返去良景食宵夜，食完就返屋企ｌｕ！返到屋企沖埋涼睇左下耶小份教材就訓喇！

今日成點半先起身，不過今日係難得既ｄａｙ　ｏｆｆ，所以都冇咩所謂啦。起身都冇食野上左網一陣再沖埋個涼就出門口去可立教補習ｌｕ。搭８先出門口，等左２個字巴士，搭１１先上車，不過搭半就到黃大仙，都唔錯！

去到都算係準時啦！佢地班野見到我都好開心咁款，不過今日我係要俾下馬威既一日，佢地唔知就梗係開心啦！遲ｄ就知唔係講笑喇！ｌｏｃｋ完書接佢地班野過班房，佢地係個課室門口已經好嘈，我就要求佢地要安靜，不過佢地唔理我。唔緊要既，我話佢地唔安靜就唔俾佢地入課室，佢地都係理所當然咁ｉｇｎｏｒｅ我，仲叫我快ｄ俾佢地入去。我企得好硬，雖然仲有人係度嘈，不過我都耐心咁等。終於有人出聲叫佢地唔好嘈喇！我等佢地真係完全唔出聲我先開門，第一個回合係我嬴左！成個過程我諗有１０分鐘。

入到去佢地都係係度嘈，的而且確我知呢場丈係有排打既。我俾佢地嘈下，我就準備我ｄ野。跟住就開始叫佢地羅ｄ野出黎，今日我都ｆｅｅｌ到我既口吻係俾以前都認真既。今日教３位數乘２位數，不過我知佢地應該都係識計架啦！所以我都冇點正式教，我直頭叫佢地做數。好明顯，葉泓軒同曾詠豪係識既，其他就難講ｄ。跟住係黑板教佢地計左次就開始我個遊戲，星球大戰喇！一人擁有一個星球，有地球啦！木星啦！等等啦！佢地都幾開心，仲係度揀邊個星球係佢地既。不過其實邊個星球都唔係最重要，因為一陣輸左都係人地架啦！

個遊戲係咁既，一人一個星球啦！跟住就會編定由邊個打邊個。攻人地既一方就寫出一個３位數，被打既一方就寫個兩位數，跟住就鬥快計，邊個計得又快又準就可以羅埋人地個星球喇！佢地不知玩得幾開心，都發揮到佢地個潛能添！真係好難見佢地計得咁投入同埋有效率！呢個遊戲算係好成功啦！我話玩完佢地都仲話要計！

今日葉泓軒好曳，其實不嬲都係咁架啦！不過由而家開始我係唔會再縱容同埋容許架啦！我今日罰左佢坐係最後既自閉位，佢開頸唔肯，不過我認真叫左佢幾聲佢就坐喇！佢有好幾次都作反，不過我都好認真唔係同佢玩咁同佢講，佢都好趣，畢竟佢都係叻仔黎既，佢都識睇面色既。總算俾左個下馬威佢啦！不過最好就係佢地自己識做，咁我就唔洗咁樣對佢地啦！

今日何銘恆都唔知做咩，好似好唔開心，悶悶不樂咁！佢就好鐘意聊人玩，睇到佢真係好無心向學。我好認真同埋溫柔咁同佢講左幾句。同佢講佢都６年級，下年你要入中學唔係好似翜地咁４年級。佢話佢自己冇得救架啦咁！我話點會呢！我好想幫下佢，同佢傾下，俾ｄ信心佢。不過補習班既時間就係唔到我放咁多時間落去。

高子晴今日好乖喎！我都真係忍唔住要讚下佢。仲俾左６個印仔佢添！佢今日禮貌態度做功課既效率都好好，讚完佢我覺今日搵到我既愛將喇！做老師，有一個愛將原來真係咁緊要既！

曾麗詩，對住我真係好冇禮貌！點解會咁架？！講真我幾鐘意呢個小朋友，雖然只係合眼緣，不過佢既表現真係扣曬分囉！我點先可以令到佢知道功課係要認真做架呢？人地又係女仔，佢又係，點解人地可以咁勤力，佢就咁懶呢？

曾詠豪呢隻仔幾好既幾正直既，不過有時候係奸少少會隱瞞對自己冇利既野姐。

彭志健，係一個好唔認真既仔，不過我對住佢就會特別既認真，真係非常之認真！我可以講係鬧佢架！不過我有ｐｏｉｎｔ先鬧架咋！可能就係因為佢做錯既野都係我有ｐｏｉｎｔ可以鬧架啦！所以我特別認真。

馮文豪，佢今日終於做到似返一個導師啦！真係幾開心同埋滿足！不枉我上個星期練習左咁多次同埋咁認真去改變同埋思考！感謝主！冇你我冇呢個咁大既信心！

今日８點起身，用算係快既速度出門口，終於９點半返到ｐｏｌｙ上到３６２，感謝主保守，畢竟尋晚都唔係話早訓。今日上堂雖然都遊左３成，不過都有３成係明佢ｕｐ乜既。上佢堂其實都明明地丫，希望繼續上知呢科講咩架啦！

晏晝同阿ｓｉｎｇ同振振去左唱ｌｕｎｃｈ　ｋ，同振振唱ｋ同同朱展唱一樣唔係咁好受，不過唔知人地係咪都覺得同我唱好難頂架呢？畢竟人地阿ｓｉｎｇ唱得咁好都冇話佢地，我唔係咩新鮮蘿蔔皮就係度嫌３嫌４。

上３８１，都係明明地啦！不過都真係要靠自己睇下ｄ　ｎｏｔｅｓ先掂架啦！咁真係要睇下先好呀！

冇上３６１　ｌａｂ，又去左食ｔｅａ。我地真係靠自己追得到就冇咩所謂，最驚追唔到咋！