星期6跟同事Daniel到了華麗食Lunch。(他也是個基督徒)
一直聊也是傳福音、教會、事奉甚麼的，
在談話內容裏，彷彿有很多得著。
原本他是邀我到他的家庭教會裏聚聚，
但我以自己晚上也有小組聚會而婉拒了。
原來星期6那天是媽媽生日的日子，
晚上最終也沒有返教會小組。
乘車時跟媽媽分享想搬出去的決定，
當然這不會是一朝一夕的事，
但我已經決定了，半年後，我會計算代價。
趁未入席，到了商務用了15分鐘就買了3本書！
《我想一個人住》
一本真人真事小說，
講述一個OL一個人獨自在日本生活的經歷。
《知日部屋》<--而家睇緊呢本
一本Blook，是由一個網上Blog選材而成，
分析許多日本的文化和大眾誤解。
《圖說聖經》
我Like佢d圖片架咋！
第2本因為d圖而買既關於信仰既書。
去左Mega Box，淨係食左餐飯同埋食左糖水囉！
冇行街‥‥對冇閒錢既我都好既‥‥有d遺憾囉不過。
可立Gathering又試係得返3個人，好彩Michelle後補姐！
個榴槤飄香的確係正！好好味！哈哈
Grace既個3個朋友的確好Din囉！
我好似冇識過D咁Din既人，不過應該幾好玩既。
不過真正可以同我做到朋友既人，
一定係可以好Deep咁同我傾到計既人。
收到封信，只係寫左幾隻字，係一封絕交信。
「不要給我見到你‥‥‥恨透你‥‥‥冇計傾」
我冇唔開心，只係唔識處理；
可以既話，我真係好想上帝同我講返句野。
尋日返到屋企成點，因為好遲先離開阿傑屋企。
佢個日本女朋友真係好掂，有機會我都要識返個！Kaka
同阿傑行暈成個黃埔同埋紅碪咁濟，
1黎為左傾下計，2黎係幫佢女朋友既Notebook配火牛。
的確搬出黎住咩都係錢呀！
不過我都真係好想試下呢種咁現實既處境。
一直係屋企住，我驚我會唔識大囉！
對住個日本人，原來都有D難開口。
雖然明知佢係識識地英文，
但係D英文係突然有D難講出口囉！
不過慢慢都Ok，哈，我覺得好似係另一個世界咁囉！
試過佢女朋友d手勢，煮野都係有板有眼。
雖然唔係話非常之好食，不過係我未曾食過既新味道囉！
入得廚房出得廳堂既同屋女友，我都想有。嘻。
佢餐飯足足煮左幾個鐘，
係因為我地出左去幾次搞到佢要煮好等我地。
去日本生活同埋工作，的確係我既夢。
唔知點解真係好嚮往日本，總之係一個感覺。
如果我要去日本真係唔容易呀！
究竟有咩方法同埋途徑呢？我係會努力架！
真係好Like佢女朋友，因為感覺好新鮮。
見到我個Fd為佢女朋友既付出、努力同埋上進，我覺得‥‥‥
覺得佢呢個人生真係好特別囉！
「曾話過，我活著便精彩！」
尋晚已經覺得條頸好似有少少陰D陰D痛。
今日起身發覺自己右邊後腦、右邊喉嚨、右邊頸，
分別都好似有D針咁吉下吉下同埋扯住扯住痛。
每分鐘大概吉4、5下！Randomly咁痛囉！
落車都冇心機買早餐，直接行返公司。
同個同事訴苦，佢話可能係D神經痛；
可能成日對住部電腦又坐得唔好咁話。
我知應該就唔係喇！
我諗到兩個Possible Reason：
一係就因為呢幾日訓Sofer搞成咁，
二就係因為身體入面有D野出左問題！@@
我真係有D驚係第2樣，
因為我之前好早都覺得自己身體有D野。
今日一路做野一路比人吉，好辛苦呀！
放左工返到良景本身都諗住睇醫生，
不過黎x成咁廢，我驚佢敷衍我。
面對咁既情況我當然係祈禱希望神醫治，
不過唔知點解我既信心比我以前為人祈禱既少。
各位好朋友幫忙為我祈祈禱丫！
今日諗，如果我真係有D咩事咁會點呢？
第一樣諗到既係，我唔要再去追我整機械人既夢想，
我要畫下畫、創作一下，擅用一下我既藝術天份。
因為我怕我真係等唔到整到機械人出黎既日子。
今日以前做大班既同事搵我，有一排冇見Lu。
佢幾年前識左個日本妹仲拍埋拖。@@"
而家佢女朋友仲搬左黎香港做野！
我個Fd話可以幫我搭路。@@"
(設計對白：佢又知我想識個日本妹？)
因為我同事知我想去日本發展機械人，
所以佢話可以幫我同佢女朋友講下睇下有咩途徑。
首先，我諗我要學下日文先！
有邊個又想學呀？一齊報名丫！
尋晚訓唔著覺，被一D情緒困擾住。
「好想好想搬出去一個人住。
或者我真係適合一個人住。
一個人住既話可以做到好多想做既野。
呢個屋企感覺唔到係屬於我既。」
其實尋晚冇咩唔開心既事發生過，
只係一D時不時出現既想法換黎既情緒。
我覺得我要試下一個人住既滋味，
雖然知道一定會有孤獨既時候，
但我都希望學習一下承受。
我想有更多時間去比自己過自己既生活，
我唔想再過一D好似有仲等緊唔知幾時可以自由既感覺既生活。
唯一而又最大既阻力莫過於錢，
唯有勤力返D做返好個10 1 奉獻啦！
而家汗流浹背，抹左3次汗但係d汗都係係咁標！
因為岩岩同通哥同埋佢個Fd阿超去左跑步，
唔知通哥係唔係想展示佢多年鍛鍊既成果，
今日跑既個條路線係比平時長左一倍！
佢個Fd爭d頂唔順，我地足足跑左成半個鐘。
通哥係邊個？我係邊個面前都會咁樣介紹：
佢就係係教會教我打鼓同埋彈結他既個位。
因為佢教我既呢兩樣野係令我搵到自信，
而佢亦都一直由始至終咁無條件付出關心我。
因為我學鼓同埋學結他都係佢無條件既付出，
所以我一直都致力去將呢兩樣得著分享比人。
通哥係我一個好好既榜樣，
我希望像通哥一樣去為人無條件付出，
這就是神教導我們對人地既愛吧！
今日好早起身，完全唔係自己既意思。
發左個夢，夢到好多教會既人；
一起身，就記得今日係每月一次既早禱會。
阿明仍然係最早開門個個，佢真係勁！
我好知道今日，我要係教會取「油」。
今日打鼓，真係出奇地打得比自己能力仲要好！
明明尋日自己打既時候都仲係好擔心，
今日一返到鼓位就好似已經無曬呢D不安喇！
當然我都知道好多地方處理得唔好，
好似第一首歌夾唔到佢地唱既Beat，
同埋最尾個首打得有D亂同埋太自我中心。
不過最尾個首真係有聖靈感動，
驚訝的是手腳自己的以很快的頻率震，
當然仍然係打緊鼓，我都只係順住佢既震幅去夾敬拜；
感覺係：好正囉！
今日祟拜之後B女想學鼓，我就教佢啦！
佢竟然前後用左大概15分鐘就打到基本拍。暈。
比我咪仲有天份！我都用左成個星期去練先打到。
佢仲要聽埋個重拍！
呢樣我都用左幾個Week既星期日係昱姐既循循善誘下先聽到。
不過教得識人真係好開心！
因為我相信每個人心底裏都係想玩音樂！
我發覺好多人都台舉我，我自己知自己事。
別人眼中既我可能比我自己睇自己好幾倍！
死啦！係唔係我份人太假呢？哈哈！
第4輪既汗已經留完啦！可以去沖涼！
沖完就訓覺，唔係聽日唔夠精神！超支力呀而家！
放工已經死命趕，趕返教會客串帶小組。
今日用左d 片同埋圖片幫助，
我諗咁樣應該係更具體同埋應該冇咁悶掛！
仲記得之前係文化博物館學到既野，
就係要令學生既腦唔單止有知識，仲要有感受。
教會都好耐冇開過乒乓波台啦！
今日打返都仲係爭d，比浩然炒蛋。=..=
阿邦都比活然炒，不過之後阿邦又炒返浩然。哈哈。
要練好d 乒乓波呀！究竟有咩辦法呀？
返到屋企訓著左，起身8點拿拿聲返教會小組。
今日既小組既Topic真係幾深，「血與油」；
呢一課好適切叫我再次認真面對自己既信仰。
完全的救恩，我從來不認識什麼是完全的救恩；
現在明白了，就是「血」與「油」。
曾經我得著過完全的救恩，
我的耳珠、手拇指、腳拇指曾沾上血，
我的耳珠、手拇指、腳拇指也曾沾上油；
但現在油已乾了。
晚上故意獨自行路回家，思想了很多東西。
也許我知道我對耶穌有什麼抱怨，
對信仰有什麼埋怨，有什麼令我冷淡下來。
工作也許只是我的一個避處。
我想，我就是已經沒有耐性等侯了，我想放棄。
「我的燈需要油，求主常賜下，使我燈永遠發亮光。」
尋晚同清姐傾事奉，我都好耐冇同清姐傾計啦！
好耐之前就發覺，搵唔到同清姐可以好舒服傾計既情境；
同傳道人傾計，始終傾信仰既野都係比較貼切。
最近晏晝非常肚餓，但係已經食左早餐架啦！
同事話，可能用腦用得太多。
係呀！而家一返工個腦真係唔洗停；
個腦真係用到有d空，不過都好滿足。^^
日日都同Ada Email，佢係Vtech既同事；
日日都追我交Program咁濟，不過都好客氣。
今日用普通話講電話，同事讚我講得好好。
今日個Program既進度好好呀！
一日仲搞掂埋個Voice demo program！勁！
我都幾Like而家日日都有目標去做野，
又好Free好自由，唔洗等老細指東指西；
自己有個project跟，呢種方式做野好岩我。^^
有時Ot自己都覺得好抵，有時真係想搞埋先走！
最近成個生命滿曬好似都係工作，
日日打日記除左工作都真係冇咩好打啦！><
今日去左探阿婆，有一句說話真係想講講唔出：
「多謝你細細個個時湊大我照顧我。」
我知我細細個冇咩親戚鐘意，不過阿婆就好照顧我。
面對佢有病，我喊唔出，因為唔記得細個佢既付出；
不過我卻係好感激，我感覺佢真係好錫我，
唔似得阿爺個邊d人淨係鐘意大舊。
阿婆話而家冇一日唔同，一痛就係打緊仗。
我唔能夠好深明白呢句話有幾痛；
但係，阿婆，加油呀！
OtO到成8點先走，真係做唔切呀！
今日真正同個客Contact，Ada，
佢講第一句同埋最尾個句係廣東，
其他都係國語。
我同佢講講下仲唔小心講左英文。
今日改Program改左好多次，
個Program太大，而家要搞好多野先掂！
聽日又黎搏殺過！
今日同事問我：
「呢份工係唔係比之前個份辛苦好多呢？」
「係呀！以前等收工，而家係咁Ot。」
有個同學同我講我：
「一齊轉工丫！」
「唔啦！因為我搵我我想做既野，
而且呢度真係學到我想學既野。」
總之OT都好過TO！(TO=Technical Officer)
我諗呢份工每日都會有唔少Deadline，
真係要學下快手d，我要專業d！
夜晚同鉅華幫兩個懇親會結既果子做栽培，
兩個後生仔，阿健同埋阿毛。
我等左好耐教會有新既年青人啦！
之前都係旺婦女，今次鉅華真係幾醒目！
佢地兩個都係做麵包，同我以前同行。
我發覺我今日真係講左幾多野，
我諗真係餓得太耐，太耐冇識新既朋友啦！
今日係公司晏晝自彈自唱詩歌《源來的你》。
好奇怪呀哩？
因為公司竟然有結他仲要冇人識彈，
而且公司連埋老細真係唔少基督徒，
所以可以夾埋band都得呀遲d。
諗諗下，今日都幾開心幾突破！Yeah!
