終於等到米舖自助餐既今日，

原來最高潮既係交換禮物！

很久沒有玩過這個遊戲了，

即拆是最過癮的事情。

同阿基搞爛Gag搞得好開心！

我覺得唔係人人都識搞Gag，

爛唔爛就見人見智，最緊要開心姐！

「雞骨草」同埋「冬蟲夏草」都有關係！

短宣的籌備上輕鬆許多了！

也許只是心態的問題，因為沒有解決過什麼。

還有4天就到了今年最後一個短宣行程了！

今年的異象可以算是超額完成嗎？

我只希望可以看到下一步神要我完成的事。

先天下之憂而憂，後天下之樂而樂。

「你要專心仰賴耶和華，不可依靠自己的聰明。」

幫我剪了7年頭髮既髮型師月結婚咯！

佢仲話搵我做兄弟，我都有認真考慮過架！

佢話請我去飲，我都有考慮過真係去架！

朋友，我諗我無認真當過佢係朋友，

但我地隨時都可以成為朋友。

我諗，而家就係試驗信心既時候！

亞伯拉罕！我要你的信心！

學日文已經4個月了，真正溫習就只有一次。

好喜歡福田小姐，佢講既廣東話好搞野！

佢個人又好搞笑，不過下一個月未必仲係唔係佢教。

我好歡意一個日本字「怪」{hin}，福田小姐成日講。

衝埋呢個星期，我就可以返返上去大陸啦！

雖然上去係事奉，但我覺得會係我真正享受同埋休息既時候。

大家加油呀！為福音既緣故，做到最好吧！

Mattel既路，已經唔生疏；

不過一個人上去，都係第一次。

我諗當中唔係話老闆好信我，

相信只係因為佢上晝去唔到，

當然老闆應該都係信得我過既！

唔同人有唔同面口，

好彩既就會遇到個知書識禮唔計較既人；

唔好彩既就句句都姪住你，對眼生係頭殼頂。

好彩，我今次係好彩姐。^^

做左Mattel D野就覺得自己真係似做緊玩具，

Vtech D 玩具可玩性真係低左D，

或者係我已經唔需要學ABC同埋Red、Green、Blue。

我有RF遙控車仔玩下就已經好開心咯！

而家整緊RF，其實個D Coding已經搞掂；

不過之前比左9V Supply落Circuit，

好似話有2A電流Draw左出黎。

而家個Transmitter壞左，又唔知係邊粒野燒。

希望EE 幫我搞掂啦！雖然我都已經極力嘗試Debug。

我發覺我呢份人真係太唔小心‥‥‥

費時失事。唉~

由上星期忙到今日，感覺好唔掂！

連星期6、日都係冇得休息，唉~><。

搞部電腦搞到今日都仲係搞緊，勁‥唔好意思。

搞IR Barbie搞埋今晚後，聽日都仲係要改Program。

搞清遠短宣既籌備到而家都仲有好多野未確定。

仲有好多返左工之後要搞既交件未搞，要還既錢未還。

人生，唔應該係咁架喎！=..=

今日最滿足，就係自己搞掂個RF既發射遙控器，勁興奮！

以後我都可以改IR或者RF既野咯！好開心！

呢份工好就好在有新既野學同埋做！正！

如果好Paid一D福利又好一D就會更岩心水囉！

仲有，如果有人發起爭取5天工作而遊行！我一定會去！！

星期6，Free到爆！一個老闆都冇返！

真係吹水吹到上天花板都冇人理。

IR Barbie 個Program只係改左少少野，

應該都幾Prefect架啦掛！

下晝去幫阿希補習，佢既集中力仲係爭少少。

希望幫佢補習真係幫到佢啦！

我諗我真係要係幫佢補習呢件事上面做多少少野。

平日忙忙地，搞到補習都冇咩準備。

夜晚原本爭扎去唔去練歌，

定係幫鄰居去深水保買電腦零件。

因為我最先應承左kylie，同埋呢個係事奉；

所以我都係選擇去練歌。

最多聽日完曬教會野再出去買。

夜晚既敬拜真係好享受，

係屋企真係好難有咁放既敬拜。

學左跳舞，用黎敬拜真係幾開心！

我要學像大衛係神面前極力跳舞！

全個人去敬拜，真係好滿足。

一步一步邁向神比我既異象，

希望一生一世都可以被使用。

究竟係因為呢個老闆好？

定係因為基督徒所以好？

可能因為祈左禱而變好。Thx~

整個星期都提心吊膽，

驚唔知幾時先搞好IR Barbie。

因為我知個Project差唔多要放，

但係個Program好大個Bug！

搵又搵唔到‥‥‥無奈。

Debug左幾日，覺得冇咩進展好啥時間；

諗住重新寫過應該會好過Debug。

但係重新寫過先發現原來以前咁叻，

一時間原來真係好難重頭寫過。

呢幾日老闆都冇吹過我，

可能佢都知我已經好心急。

尋日老闆同我傾過個Project，

我拍心口話最遲星期6比個OK既Program佢。

今日搞78500個Program都用左唔少時間，

個Bug都搵唔到又試唔到出黎，

真係唔知可以點樣Debug！

最後都搵到少少頭緒，希望解決到個問題啦！

仲有個78503連Voice Demo都未出！

開左3日OT，今日終於有收成啦！

IR Barbie個Program Work得幾好！

IR個Debounce應該都幾令仔！

輕鬆D先至做到野！做到好有成功感！

希望個IR唔會變得太近同埋唔會再收錯啦！

尋日約左可立既弟兄姊妹打邊爐，

差D真係去唔到，去到都已經唔早。

不過都開心既！不過都好累呀！

開口中！何姑娘真係大左肚！恭喜曬！

返左呢份工！個人既時間真係少左。

有D過去既野，真係好似過去曬咁。

唔講真係唔記得，我要搵返D時間返黎！

早D訓，聽日都係唔好遲。^^

原來有d野唔係憑信心就掂架！

今日搞左個Program成日，得個桔。

聽日真係唔知點同老闆交代‥‥‥

Beyond：「總有挫折打碎我的心‥‥‥」

真係有D做到想死既感覺，

好想放棄，好想有人打救一下。

唔夠經驗就係唔夠經驗，

唔夠技術就係唔夠技術。

我需要求極大既智慧同埋毅力。

關心妍：「或許你，努力過後仍然失望‥‥‥

你要記得你價值不少‥‥‥

忘記背後，努力面對以後‥‥‥

不想去放棄，才叫有自由‥‥‥」

黃貫中：「只要有手又有腳，我地洗乜死！」

聖經：「不要為明天憂慮，因為明天自有明天的憂慮；

一天的難處，一天當就夠了。」

我諗，做唔到野，起碼返工都準時D啦！死仔！

今日Wind-Shop黃金，D Ram真係平到笑呀！

如果你部腦係係用DDR2既Ram既話，快D入返一兩條咯！

1G都只不過係$150，我諗呢個應該係最低價位。

遲D係唔係出DDR3呀？應該係轉制式既提示。

IR Barbie，我真係好想殺左你！

睇左幾日示波器，個頭真係好暈，

而且自己好清楚，咁樣睇法都係於事無補。

決定左啦！聽日重新寫過個Program！

一日，我相信一日可以搞掂你！

仲唔要OT！

Just Do It!