尋晚既女雙，真係好失望，輸得好徹底。
都好！因為我個時真係想快d有得訓@@"
今日朝又遲到啦！
呢期開始遲返到，雖然都係10分鐘內。
上晝好他條，11點同事搵我幫佢手搞佢個Program，
我見佢個客既Guideline係星期5前就慢慢搞。
下晝同事話個Program要今日起貨，
佢仲同我講我個客之前個Program都要今日起貨！
即係得幾個鐘要改好曬兩個Program！真係想我死！
尋晚已經夠夜訓，今晚仲要係阿麻生日食飯；
用盡力終於係8點前搞掂到個Program，支力到屎！
走既時侯真係有d情緒，壓抑唔到。
今晚同阿爸個邊既親戚食飯又ok好氣氛啵！
真係好少同親戚講咁多野！好少同佢地講笑。
以前既我唔鐘意應唔鐘意酬，大家亦好少見。
人大左，方都係應該大d，今日都ok開心。
聽日仲要執埋少少手尾，應該要早d訓啦！知嘛？
尋晚，真係唔多想訓，又唔多想上網；
呢排都係咁，坐係梳化到等時間過。
不過尋晚無線播「第四十九屆世界乒乓球錦標賽」，
吸引左我睇，愈睇就愈吸引。
睇中國既運動員比賽，你唔會期待有令女睇；
不過佢地既球技，令過好多令女！
睇住佢地去爭冠軍，真係覺佢地好型！
愈睇你會愈發覺，你會係心裏而支持佢地；
佢地失左無謂既波你會皺曬眉頭，
或者連追幾球你都會有不禁嗌一聲：「勁！」
尋日個場女單決賽，真係睇到好多野。
睇呢場波唔係睇佢地有幾多料，
因為佢地兩個都有實力去爭到呢個冠軍，
不過佢地既心理變化幾乎直接反映係塊面上面。
所以睇佢地表情，基本上足以睇完成場波。
李曉華本身大分贏緊2比0，
但係郭躍追到2比1，
李曉華由呢鋪開始就開始遊魂，
佢根本都唔知自己做緊乜，
基本野都打唔到出黎。
之後打平3比3打最後一場。
最尾都係由郭躍後追之勢壓倒李曉華。
我本身對乒乓球一D好感都冇，
不過睇完之後真係好想打好乒乓球，
亦明白到一個道理：
一些人專心研究某一樣東西，
努力的去鍛鍊以至爐火純青，
之後出來比賽是十分精彩且有意義的。
我很渴慕他們可以身懷絕技的互相較量，
係比賽場上用盡全力專心一意去爭勝，
我覺得呢樣野係我一生命中係冇出現過既！
我諗我開始明白咩叫世界盃，咩叫奧運！
我亦決定向天諾下戰書，
係7月尾向佢挑戰乒乓球！
呢2個月我一定要比d心機去練，
叫教會乒乓球之寶通哥教我乒乓球。
有興趣較量乒乓球的歡迎提出挑戰！
今晚12:45有佢地兩個打女雙爭冠軍，
我梗係希望佢地兩個可以贏啦！
郭躍！李曉華！加油！
星期6去左大圍羅返張EPS同埋Visa卡，
係大圍叫到街邊有人Sale冷氣機清潔劑，
又話屈臣氏有賣又話平左$68，
咁岩細佬前幾日又話要買就買左。
睇左家姐漏低屋企既《香港消遙遊》，
去左入面介紹係上水既「廣成冰室」。
原來上水唔係得火車站同埋「上水廣場」，
仲有好多舊既地方色彩同埋文化。
去左上水新成街既《廣成冰室》，
唔覺得好似書所講有時差；
不過真係好明白咩叫出名，係幾乎要排隊。
我一個人搵位容易好多，
不過下次都係搵埋其他人一齊試下會興奮d。
跟本書既建議叫左個滑蛋碎牛三文治同埋紅豆冰，
冇得跟餐，兩樣都要分開計不過我豪比佢。
難得試野，錢係呢個時候係冇意思既。
滑蛋碎牛三文治份量用料十足，火炭個d冇得比；
紅豆冰最緊要既紅豆冇得挑剔，唔係大快活可以飲到。
坐我對面既係一位夫婦，
佢地對我份滑蛋碎牛三文治既價錢好有興趣，
因此打開了話題，我告訴了他們書的介紹。
原來對面位師奶係自細係上水大，
由細細個就食呢間「廣成冰室」既野大。
好似話呢間野係由1966年開業，
我個時係邊？可能仲係我阿爺既精子既精子入面。
而家呢對夫婦已經住係對面海，
不過每個禮拜6佢地都係係呢間冰室嘆下午茶；
佢地兩個人，叫左3個下午茶套餐！So Crazy!
我食完冇咩做就走喇，臨走前講左句：
「你地慢慢嘆！」
我的確覺得佢地真係好嘆，佢地係享受緊。羨慕。
係新成街、新發街，有好多舊式既舖頭，
對我黎講個d舖頭係冇咩特別，
不過對我一直對上水只有火車站同埋上水廣場既印象黎講，
係一個算得上係突破既突破。
係過火車站既天橋前面，我目擊一宗騙案。
其實係好多人同我一齊係呢個騙局裏面，
不過不人出半句聲，騙徒成功得手仲可以慢慢行。
一個著住功夫衫既人係街邊用筷子砌緊個椿，
我見到佢呢身打扮諗住有野睇就企左係度。
佢砌呢個椿足足砌左起碼一粒鐘，
我睇半個鐘先見到佢將個笑子椿砌左出黎。
佢首先叫人行近d，話佢三師兄弟今日要表演，
(不過一直只見佢一個人)
佢話未齊人，佢話佢師兄係武痴，一陣會係個椿上面打。
又話會用少林絕技二指襌係個椿上面倒立。
(到最尾冇見到佢聲稱有既師兄亦冇人倒過立)
跟住話佢師兄未到所以表演其他野。
佢話用一個口令就可以變仔雀仔出黎，
佢用一塊好舊既手巾扮魔術師咁揚揚下，
大家都好專心睇佢揚左好耐冇見到任何野。
跟住佢就用條手巾摺左隻雀仔出黎，
拍左一下扮曬隻雀係跳咁，個野係有少少咁多似既。
之後又話用口令，隻雀就會識飛咁好生猛，
跟住擺左係水樽上面就轉話題喇！
(最尾隻手巾雀仔仍然係係個水樽上面)
佢話佢要表演d功夫仔，話要用二指襌係塊石到篤個窿，
(最尾佢都係冇係可頭上面篤過任何窿)
係篤之前佢打左幾下拳，之後叫人試下d石頭係唔係真。
佢就用舊可掉落地到，咁岩掉散左佢砌左成個鐘既筷子椿，
(真係唔知佢特登定唔小心喇，
咁d人就好順理成章忘記佢師兄會出表演二指襌啦)
最尾佢話拉開兩舊石，又打一輪就拉，真係拉開左。
(我諗佢真係手快我眼慢，真係懷疑係唔係同一塊石)
器玉到，佢話佢今日係幫師傅既武館宣傳；
佢係個袋度拎左d穴位圖、咩時晨打咩位置，
仲有一本好似《少林足球》既武林祕給，
我諗每個香港人見到都會諗起《少林足球》。
佢話佢呢本野係送比有心學既人，
叫有心學既人伸手去羅。
講真一句，我有諗過羅，當然最終冇羅到。
有8個人伸左手去羅，之後條友就叫羅左既人Mou低，
話渣個手做個朋友先，個8個緊係冇所謂咪渣渣羅！
渣完佢話要表示下d誠意，請佢飲支水有冇問題；
d人見一支水姐，梗係話冇問題啦！
佢叫左個後生仔羅兩蚊出黎，放落佢衫袋；
之後條友叫佢羅返兩蚊，比左本祕給佢。
之後叫個阿伯比d表示，佢話請師夫食餐飯得唔得？
個阿伯羅左張一百蚊出黎，又放左佢衫袋；
(我相信呢個阿伯係妹黎既，因為佢講左唔少野)
條友話你唔鐘意可以羅返去架！唔係我羅去架啦喎！
個阿伯冇話唔捨得，條友都比返一百蚊同埋本祕給個阿伯。
跟住又到另一個男人，佢羅左兩舊水出黎放落佢袋；
(我相信呢個就係受害者，
係死係自己既自尊底下既受害者)
講返同一句，你唔鐘意你就羅返去。
呢次條友冇比返錢個男人，只係比左祕給佢。
好明顯係一個騙局，
不過係受害者聲稱自願既騙局，
而且受害者同騙徒係岩岩成為朋友既騙局。
呢個騙局，我覺得條友真係高招！
果然係武林絕技！D男人真係可憐！
我都係受害者，佢呃左我個幾鐘，
冇二指禪，雀仔唔識飛又冇口令，
冇功夫睇，就連佢師兄令唔令仔都唔知。
不過諗諗下原來我一早都中左另一個騙局，
個支咩冷氣機清潔劑‥‥‥
佢一句野都唔洗講就呃左我一舊水，
我枝冷氣機清潔劑同本武林祕給都係同一間公司既出品，
「願者上釣有限公司」。
今日返工好輕鬆，好似冇咩憂慮咁。
上晝改左個Program，再幫Sales寫左個Program；
下晝真係好Free，自己搵左D 野焊。
遲左半個鐘收工，不過係全公司最早走既一個。
夜晚同天諾同埋佢細佬食飯，
都好耐冇聚舊，雖然只係幾個禮拜冇見。
今日唔係兩個人既飯局，講得冇咁Free，
不過OK啦！遲D再約過。
而家最近都係得工作咁！我要享受下人生先得！
病
好辛苦
早抖
今日滿心歡喜返到公司，感覺真的很輕鬆。
老細給了我一個新的電路圖，
於是便要更改Program遷就了。
我一直也覺得自信十足，很簡單而已吧！
只是，一個Reset制就令我摸不著頭腦。
由3點半開始，為一個Reset制試了許多不同的方法；
老細要4點就交給Client了。
由3點半到7點半，足足4個鐘頭我仍然搞不掂！
中間的Dealine也改動了很多次，
4點、4點半、7點、7點半‥‥‥
最後也不是我搞掂的，是我的同事。
感覺十分錯敗，想死。
原來在Reset前沒有關掉聲音輸出，
以致Sleep之後就Wake up不起來。
雖然同事沒有親口說出來，
但我知道應該就是這個問題。
同事安慰我這些事情是經常出現的，
不需要介懷。但我就是介懷。
面對Deadline，我的腦袋根本動不了。
想死的感覺，爆腦的感覺，好像面對世界末日那樣。
當然現在回想起來沒那麼嚴重，
但我深深明白到什麼是Deadline。
Deadline就是定下了時間，以致可用的時間一直減少；
而時間減少就會令完成目標的緊迫性增加，
因此令壓力也會增加。
如果腦袋判斷剩下的時間不足以完成，
又或者自己還不知道需要多少時間才可完成，
也許這時腦袋就會產生「放棄的指令」了。
如果事情是沒有放棄的選擇性，
為了減壓也許就會選擇放棄生命了。
耶穌沒有預先告訴我們他回來的日期時間，
一來他說他不知道，只有父知道；
另外他也說是因為神願意萬人得救。
我想，也許也是他不願意人放棄傳福音，
也不想給人產生急迫以致胡亂行事。
總之沒有Deadline，也許就是一件好事，
不需要問神何時回來了吧！(雖然根本沒有人問我)
唔通呢個世界真係唔夠多情人節？
七夕、元宵、西方情人節、白色情人節‥‥‥
仲要「我愛你日」？
其實，今日都係OR成立既紀念日。
除左我，呢個世界可能已經冇人記得啦！
OR，係上年教會組成既一隊Band。
雖然落敗，但最緊要係一個start；
只怕冇人可以Continue。
今日返教會遲到，不過主日學學到好多野！
耶穌神人二性，完全的人性與神性；
三位一體竟曾經為人贖罪而暫時分開；
世上還有那一種愛比這捨己更大呢？
今天又介紹一首歌，我好喜歡；
係今日睇明珠台聽到的English Song。
今天遲到了5分鐘。
星期6要比平日早出門口了，
因為小巴等客也可以等20分鐘。
回到公司跟同事吹水到10點，
搬運公司搬野我先過去新公司再Hea；
總之Hea左成個上晝，同同事熟左好多。
今日成個公司既氣氛絕對係玩！同埋興奮！
下晝開始執拾自己的文件。
正如之前所說，
只有一份文件和一部電腦的我又是非常得閒。
揀到個位又大又寬敞又開揚，
絕對係一個好位！
新公司Software Engineer的位多了6個！
現在還在招聘中！
請個女Engine得唔得呀老細？(我真係好想講！)
我諗老細會答：我都想！
哈哈！
星期一就要第一次試Program比個客，一切順利吧！
新公司比舊公司的形象變多了，
現在比人感覺真的很Pro！正！
今日真的很開心！
6點就放工，一落樓又像昨天般下大雨；
好彩住屯門既老細車我返屋企，
唔係黃色暴雨又冇遮就真係唔知點算！
同約翰組幾個傾計，真係好開心！
以後傾多D，雖然而家唔係你地導師。^^
「一日為師，終生為父。」唔記得邊個同我講。嘻。
今日公司同事大家都執拾自己的文件，
因為明天就搬新公司了，搬過對面街。
所以3點鐘就停工，大家都好忙，除左我；
因為我只有一部手提電腦同埋一個File。
3點15分就Hea，Hea到5點半即走，
其他同事應該OT執野到78點。
離開公司時即下大雨，冇遮。
成身濕曬，但為趕去懇親會也不理了。
回家即沖個涼，再趕去酒樓。
今年的堂慶比往年去墟陷和難控制吧！
有3份之2的賓客都不是主內的弟兄姊妹，
也許因為大家對台上面的回應也比較不熱烈。
但只要身在現場，就知道大家是多麼的興奮！
我帶了爸爸、媽媽和家姐到懇親會，
我也盡地主之誼的少有的陪伴他們左右。
雖然很想四處去與其他的賓客認識，
但我只希望家人不會被冷落。
在唱詩歌、祈禱時，我見爸爸竟低頭認真；
我知道這懇親會讓他重拾了30多年前小學的時光，
那時他就讀基督教的學校。
我真的很希望他們聽完這次的福音後，
聖靈會親自觸摸他們，讓他們得見神的榮美。
呼召的時候，我想起一句聖經：
「因為你將這些事向聰明通達人就藏起來，向嬰孩就顯出來。」
雖然我未能有耶穌這種喜樂，
但我知福音的隱藏或顯現也必然有著神的心意。
這次的懇親會不僅把家人帶進教會，
也把福音和教會的事帶回了家。
感謝主！
感謝天諾推介黃貫中的歌給我又邀我去Let's Fight的Band Show！
昨天一聽便愛上了，《狂人習作》！
其實已經知道阿Paul出了這隻Album很久，
只是我的誤解了他的歌都會之前像《香港一定得》那種無意義的吠歌。
我從《狂人習作》中看到了Beyond的作風與影子。
雖然音樂是砰砰聲，但令人很投入；
雖然歌詞用了很多口語，但這就是我們！
在他的歌裏，看見很多基督教的東西；
有正面也有反面的對基督教一些東西的看法，
也許這就是因為朱茵對他生命的影響。
當我想到他的歌詞裏的說話都指向朱茵時，
我感受歌詞別有一番意義。
《踩界》「踩界」
《原罪犯》「舊約的詩歌」「雅歌」「阿當食禁果」
《逃》「逃過人間 逃不過聚散」
其他歌都真係非常之正！阿Paul真係好Man！
Rock，的確係Man D！
《阿博二世》成首歌都好正！
《彩色世界》「誰不想早點悔改」「誰不想靠目前改變未來」
《深紫色高爭鞋》「你話你住響附近 可惜我就係未想訓」
《使乜死》「我地使乜死」我地信耶穌架嘛！哈哈~
「就算我們Under Pay 你做先我實跟你」
「只要有手又有腳 我地使乜死」
上次Let's Fight個Show聽Live的《無得比》一樣正！
這首歌就是讓我有阿Paul的歌是指向朱茵的想法，
是一個非基督徒跟一個基督徒女朋友一起的心聲。
《無得比》「就是遇到你 我再不想當兒嬉」
「神會愛你 我靈魂更愛你」
「像我歌中的靈感充滿你」
「共你熱戀可抵擋冰天雪地 共你擁抱能忘掉名利」
我極力推介！黃貫中！
