新一年，新目標，新計劃，新希望！（我仲轉埋新日記）

• 我要同神有親密既靈修關係！
• 我要完成教會舊約讀經計劃！
• 我要每星期返足祈禱會！
• 我要盡我所能完成ＦＹＰ！
• 我要用一個月時間到異地宣教！

主在我的身上是這樣計劃麼？我願求你的旨意。

今日成點先至起身，不過約左可立ｄ導師點三係藍田等囉！遲大到。我買左４個黑森林蛋糕、４個芒果蛋糕、３個班戟同埋３個芒果布甸作為上次遲到既懲罰。我３點幾先到，遲左個大到。所以係街市買埋３０蚊三寶先上黎。哈哈！原來佢地原本想屈我請食自助餐，不過佢地見到ｄ三寶就成功俾我收買左。哈哈！不過講真我請得都開心既。開會都唔係好集中。

夜晚返左祈禱會，因為義人禱告的力量是大有功效的。昱姐都有返！勁！今晚祈禱大家都好開心好正！感謝主！義人禱告的力量是大有功效的！阿明既祈禱真係進步左好多咯！神真係一個聽祈禱既神！今日既祈禱真係好投入，同埋真係好有方向。寶華禱告都真係好有恩膏。我感受到聖靈。

尋日同輝、ｍｉｕ出左去城門水瑭釣魚。首先我地係新墟食左靚早餐，之後就去買包留返做午餐，跟住就去買左支９５蚊平到笑既桿同埋買左ｄ蝦同埋蟲。跟住去搭西鐵到荃灣西再轉９４ｓ小巴去城門水瑭喇！我地係水瑭兜左個圈都搵唔到位落，之後靠住阿ｍｉｕ小小直覺同埋小小歷奇既知識終於搵到個ｏｋ既地方釣喇！

我地膽粗粗搵左個地方落腳，阿ｍｉｕ好快就開波喇！我第一次用桿，咩都唔識，靠輝教路喇！第一次用桿，第一次用令圈，第一次用蝦，第一次拋桿，第一次就拋得咁遠，哈哈。釣左成日都冇咩料到，已經祈曬禱架啦！不過個符碌ｍｉｕ又好野喎！咁都俾佢釣到條鯪魚，都幾大條架！我同輝就打龜！

尋晚非常之夜訓，唔見左粒相機電心情真係非常之唔好！係屋企叉住都唔見喎！你話死唔死？不過自己衰去左ｐ２ｐ，一失即昶千古恨。

今日都ｏｋ早起，ｔｈａｎｋｓ阿明叫我起身。好快出左門口，仲要早到添！不過唔識去ｕａ戲院，又搞左陣先搵到。

如果．愛，開場都幾悶下！不過睇睇下又ｏｋ既，同埋有ｄ位都搞到自己幾亂下！一下子諗左好多個女仔，所以真係好亂。跟住就諗咩係愛，就諗到愛就係一個選擇，之後唔放棄。咁即係話愛就係堅持啦！不過堅持又唔等於愛，即係愛其中一個特性會係堅持。

晏晝去左間上海野到食，一般般啦！不過大家都ｏｋ掛！鬼叫冇人有提議咩！咁我咪亂咁提議一間囉！一人４０，ｏｋ啦！ｄ野唔係太ｇｏｏｄ咋！

去左天道書局睇書，我買左本荒漠甘泉，係有好多插圖架！８６！好正！我鐘意！雖然我已經有本荒漠甘泉，不過個本冇插圖丫嘛！之後又買左本教人點教兒童既書，４８咋！

之後去百佳買夜晚煮野食要用既材料，一人都係２０蚊！超抵！

返到盼恩屋企大家吹左陣水，佢地講開愛既問題，之後大家就發表自己對愛既一ｄ睇法，或者係對自己既愛情既睇法喇！講左輪，就開始整野食。我同阿明整沙律，琳琳整肉醬意粉，盼恩整雞翼。

ｄ雞翼好好味喎！熱辣辣食幾正！好似係用德國雞粉調味架！ｄ肉醬意粉仲正！加多少少茄醬，真係正爆！ｄ沙律都ｏｋ喎！不過唔知係咪食得太多，搞到肚仔痛。仲開左枝香檳添！ｇｏｏｄ呀！盼恩預先仲整左個士多啤梨蛋糕添！都幾好味！都可以話好味架！另外仲有ｄ丸既，冇咩人吼。

我地ｓｅｔ曬燭光，唱詩歌，一人帶一首，氣氛幾好。跟住開始自由帶唱歌喇！然後轉數算恩典，由ｒｕｂｙ開始數。盼恩。以琳。跟住到我。學業有好多恩典啦！好多ｄｅａｄｌｉｎｅ都有神睇住，好多功課都有神照住。識到班好同學一齊溫書先有咁好成績。另外愛情方面，都被神ｂｒｅａｋ左好多，好多以前ｌｉｍｉｔ既都被神抖正，ｕｎｌｉｍｉｔ返。錢啦！一路大洗都一路供應，求工作又有，神真係好好。又俾我有聖靈充滿，係事奉上面又可以滿足。之後阿明。之後ｋａｋａ。嘉賢分享左佢幾深層既野啊！佢係學校感受好唔開心同埋好需要人支持，我真係好感受到，因為我經歷過。真係要點先可以ｓｈａｒｅ佢既野更多呢？

跟住我地就開始祈禱喇！我好激動咁為同心圈流淚同埋喊！或者得我一個ｆｅｅｌ得咁灰，不過我知大家都想ｉｍｐｒｏｖｅ既！我問神，佢既光係邊？點解唔照我地。我求佢同我地同在，同我地小組同在。求聖靈臨到。求主俾愛既力量我地，又求主俾愛恨我地既人既能力，同埋求屬天既喜樂。我真係喊到收唔到聲，好耐冇試過咁喊過！我知真有聽。主讓我再次決心成為「義人禱告的力量是大有功效的」實行者。我知這是神要我做的。我在異象中見到一隻像鳥的，牠是撒旦，但我不知神給我撒旦的形象是為什麼。希望日後知道啦！我問過神我的愛情，似乎神示意我不用現在去思想這問題。

今日過得真係很棒！我真係覺得好正！係靈裏面，小組既關係再次變得有意思。

今日一早就出去同輝羅左個釣魚牌，２４蚊３年抵到爛啦！跟住就同佢去左朗豪坊度睇野俾ｗｉｎｎｉｅ，睇中左條手鏈，成３百蚊，輝真係捨得！咁都唔好話係冇野啦！哈！不知幾有野先！

去左大家食到食，蕃茄蛋手攪麵，不知幾正！又叫左碟油菜同埋一碟淨油查。原來炸過既肥膏就叫油查，一直真係以為真係油查黎架！一人３０蚊落樓。同輝都幾好玩先！幾好幾好！

之後就返屯門睇戲喇！約埋承恩佢地，應該話係佢地約我！不過去到巴倫紐先知原來睇５：１０，咁所以我就冇睇喇！每人津貼左佢地１０蚊就返屋企喇！佢地話我好型！哈！件褸成８９０架嘛！不過今日可能真係行左ｄ既！嘻！

去左茶軒度食，都ｏｋ架！其實我幾諗住食大ｄ，不過似乎唔係咁多人有興趣。今日既氣氛好ｇｏｏｄ喎！幾難得！不過琳琳好似有ｄ怪！

今日同嘉賢同承恩一組佈道，一開始唔係好順，不過之後靠住嘉賢既直覺真係搵到個有需要既人！願主大大祝福佢！好開心真係同佢傾得好深入呀！佢係一個４０歲既男人，做速遞既，平日會落ｄ返大陸個ｄ，不過以前返過下教會。我同佢傾左都幾耐，佢都好似搵到ｄ野咁！同佢傾計，好有聖靈既感動！願主真係打開佢既心，讓佢重新被主愛灌溉！

夜晚同ｋｙｌｉｅ佢地食糖水跟住就返屋企ｌｕ！今日都好開心喎！感謝主！

今日起身都成點喇！跟住就返去ｐｏｌｙ同朱展搞飛船！隻飛船超搞野同埋好玩！不過又好難玩！但係點都好，起飛真係令人好興奮！我好雀躍！

個飛船成日ｌｏｓｔ　ｃｏｎｔｒｏｌ，係因為兩個風扇既動力唔一樣既關係，同埋室內既汽流都好大影響！淨係點樣入ｇａｓ都研究左好耐咯！原來係要將個咀向下禁至有氣出，我地搞左幾耐！

６點幾就走喇！返屯門，再戰市中心呀！行左去豐澤，半個鐘就買左部相機出黎喇！係ｐｅｎｔａｓ，６００萬像，３倍光學，２９８０，分１２期。之後上左層，去左ｊｕｓｃｏ，又買左ｄ輕粘土，諗返都成１２８蚊，真係唔係好抵！之後又上左層，去左２％，都冇咩好買喇！就去ｉｚｚｕｅ，都係爭ｄ，入左去ｄｏｕｂｌｅ　ｐａｒｋ，見到對鞋幾得，不過冇ｓｉｚｅ，佢ｄ衫都ｏｋ，不過覺得都係唔係好抵咁！就轉左彎去５ｃｍ喇！ｄ野我都睇過曬！仲要尋日係睇得好辛苦架添！不過我都買左兩樣野！買左條牛，２４０，買返個件褸，４８０。其實都唔係唔貴！

又轉彎去左ｄｕｅｗｅａｒ度睇野，都唔係好多野睇咁！不過試落試落又好似好多正野咁！最正係ｄ野岩心水又唔係貴！買左３樣野５舊水，超爽！不過咁買法真係唔係路！買左件好似底衫既底衫，１４５，仲有條佢地自製既牛，１９９，同埋一件細左個碼既圍衣，１９９，聽日羅去換先！

今日真係一抽二能啦！自己都唔敢計用左幾錢！不過我真係好耐冇買野丫嘛！又冇咩衫著！ｏｋ啦！

試我考完曬啦！個３６２真係出奇咁淺，個包真係好大！基本上真係識好多，機乎有信心過ｍａｎａｇｅｍｅｎｔ！盼恩講既的確冇錯，神真係係呢科我地冇信心既一科上面特別保守。

考完試之後去左唱ｋ，成班人經過左兩個禮拜努力之後去玩的確係好爽！唱完ｋ我就係尖咀行街ｓｈｏｐｐｉｎｇ喇！搵返個間買背心個間舖頭，搵左都幾耐下，冇計，係得個間有同埋個價錢岩！３５０！試上身覺得真係好唔錯！個間舖頭都仲有個袋仔幾好既，不過都冇買喇！畢竟唔係主菜！

跟住行前見到間舖又入去，入門就見到ｄ　ｃｏｎｖｅｒｓｅ喇！就已經心思思，畢竟想買對好耐！點知見到又有碼，咁就試啦！試左又幾好！咁就買喇！成為１７９。好開心！終於買到對鞋喇！ｃｏｎｓ，好好襯！

係尖咀又行行行，ｉｚｚｕｅ有條褲都好唔錯！ｄ洗水幾好，不過成４９幾，我不如買ｌｅｖｉｓ！之後去左美麗華ｉｔ，行左好耐。其實冇咩野可以行咁耐既，只係睇中左個袋，點知個ｓａｌｅ話買多件有７折！咁我就係度係咁搵係咁揀下仲有冇岩心水，點知岩心水又冇碼，其他又買唔落手！冇變，買左個袋就鬆人！

呢排都係考試，不過又唔係話呢排都係溫書，不過都溫多左好多書架啦！

科３８１真係俾人出賣，一諗起就實講阿ｓｉｒ坤我地！

３６１，以為都ｏｋ啦！點知直一直，衰到！有２５分真係冇做過咁濟！出得幾鬼難！不過講到底自己溫得都唔夠！

後日就３６２，唔知真係會唔會有奇蹟呢？不過讀好ｄ緊要！其實ｄ野唔係真係咁難！

尋日去ｉｃｅｆｉｒｅ買左兩件３，一件係羽絨，８９０，一件係格仔恤衫，２９８。講真，真係好捨得！從來未試過買咁貴既衫！不過羽絨喎！抵既！件格仔都好ｆａｎｔａｓｔｉｃ！黎緊仲想買多ｄ衫添！

歡歡份禮物寄左咯！聖誕卡都寄左咯！張聖誕卡我自己都覺得好有心思，寫得！不過佢就有排先收到咯！冇計啦！我成日都係咁！

前晚同阿貞同埋家樂吹水，都吹左好耐！家樂真係有ｄ似小春，真係唔怪阿貞鐘意佢。

上星期６打左俾歡歡，跟住問歡歡媽咪係唔係度，點知原來個個就係陳主任，真係搞野，佢地把聲又會咁似既！同陳主任都傾左幾耐，跟住佢老公又搶左個電話黎講，同我講叫我多ｄ去玩，然後陳主任先俾歡歡講。不過唔知點解同佢開始好似冇咩好講咁！唔知發生左咩事先！唔知係佢唔方便講定係佢唔想講定係心情唔好喇！我覺得都冇咩癮先！好想好似以前咁好ｆｒｅｅ咁傾計，好ｓｗｅｅｔ咁估估下。

尋日考３８１，俾佢呃左！又話好容易，又話淨係出方波、三角波同埋鋸齒波，點知佢出左條ｆｏｒｉｅｒ　ｓｅｒｉｅｓ竟然冇圖！仲要係ｓｉｎ既５次方，俾佢玩謝。其他個ｄ連ａｍ同埋ｆｍ都問得幾雕鑽，唔知佢發咩神經。不過我照舊希望有個Ｂ。

３０５就應該好唔錯啦！起碼１６０分羅緊佢架啦！希望呢科都有個Ｂ＋就發啦！唔知點解呢期咁大想頭呢！不過都背左唔少野！好似好耐都冇背過野咁！

尋日５點幾竟然有個ｍａｋｅ　ｕｐ　ｃｌａｓｓ，真係好彩振振收到風咋！有個ｍａｋｅ　ｕｐ　ｃｌａｓｓ好好多，雖然我覺得先己睇都睇得明，不過要用好多時間囉！最幣就係冇咩時間啦嘛！咁樣講一講，真係好拿爽！同埋又知道有ｄ咩係重要要溫既！

夜晚約左８點食飯，同肥貞郭靖。講真，而家都有ｄ覺得肥貞好煩！真係唔好話唔知點解，佢成日咩都打黎都幾死！尋日肥婆文又遲，仲要去旺角交旅行社ｄ錢，想早都難啦！不過講真我寧願陪佢遲。同ｉｍａｎ係好玩ｄ，同肥貞，自己都麻麻地想見到佢。ｓｏｒｒｙ，竟然咁樣講野！不過呢個係好心底既。

ｉｍａｎ應該會揀思朗啦我估同埋分析，因為佢地聖誕去旅行。其實呢個算係ｔｒｉｖｉａｌ　ｓｏｌｕｔｉｏｎ多ｄ。講真，聖誕咁樣去一去，佢地既關係都非淺啦！

去左裕滿人家打邊爐，最終９點先入席。ｄ野都ｏｋ喎！一人都係６０幾，都幾抵！都幾好玩既！講真係好耐冇同ｉｍａｎ玩姐！

都未買禮物俾歡歡，ｉｍａｎ話幫我買條頸巾喎！講真，我知歡歡想有件褸多ｄ，但係香港ｄ褸唔平呀！同埋買咁貴既野我覺得好古怪，所以都係唔係咁好啦！

真係一個ｂｉｇ　ｎｅｗｓ　ａｎｄ　ｂｉｇ　ｓｕｒｐｒｉｓｅ呀！我尋日ｅ左個ｍａｉｌ俾以前ｐｏｗｅｒｐａｇｅ既站長，我係用ｇｏｏｇｌｅ　ｓｅａｒｃｈ　ｐｏｗｅｒｐａｇｅ搵到架！點知佢真係覆我！佢話以前ｄ日記全部都係返度，而佢地正全力改版咁話！仲話開站就通知我！ｔｈａｔ’ｓ　ａ　ｇｒｅａｔ　ｗｏｎｄｅｒｆｕｌ　ｎｅｗｓ！我既過去，我既回憶，幾咁唔開心都係我既，幾咁開心都係需要有ｄ野留低記住既！

哇！真係好耐都冇打過日記啦！可能係心情問題啦！不過緊要ｄ既係真係冇咩時間打。不過岩岩打完俾歡歡，叫佢幫我祈禱，真係好開心，又教左佢做兩條方程。同佢傾左ｄｄ野啦！不過可能因為佢ｄ成績麻麻地，所以佢媽咪爸爸都唔係好俾佢傾電話。咁都係好既，不過我真係幾掛住歡歡既。同佢傾完電話真係有ｄ雀躍。

今日返可立教補習，都唔知自己做緊咩，不過就係知道佢地發曬癲。曾麗絲送左張聖誕卡俾我，我都幾開心啦！今日曾麗絲同埋高子晴坐左係我大脾，我覺得幾咩野！就叫佢地起身，佢地又唔起先，我諗佢地實係平時都坐係爸爸大脾架喇！最尾我先格硬起左身，我唔得俾佢地咁放肆！

聽日就考ｍａｎａｇｅｍｅｎｔ啦！有好多野背，真係應該好好背下既！好啦！唔講先！我要去加油！同埋今晚要早ｄ訓！