尋晚都醒覺自己冇咩動力起身，所以都求主俾我有動力，叫自己要為主起身。今日雖然６點９起左打俾歡歡冇人聽就訓返，不過７點半我就真係諗起主而起左身，真係好神奇！不過塞左半個鐘，返到去得返半個鐘，都費事影響人地上堂，去左ｃｆ５０３　ｊｏｉｎ阿ｘｉｎｇ佢地成班一齊走堂ｐｒｉｎｔ　ｎｏｔｅｓ。跟住去左上ｅｎ５０３，睇人ｐｒｅｓｅｎｔ都唔錯，遲ｄ就到自己喇！都會食左個特別牛肉河，唔錯既！不過貴左ｄ，成２７蚊！

下晝上３８１。因為有測驗，所以上之前半個鐘就同阿ｐａｕｌ佢地去左ｌｉｂｒａｒｙ溫ａｍ，都溫得唔錯，仲令我對３８１有多小小興趣同埋理解添！不過３８１個ｔｅｓｔ就炒左，真係幣傢伙！不過上堂都聽得明佢講咩又冇咩盒到眼訓。

３６１個ｌａｂ死曬！都唔知做緊咩！幣啦！好多野積住左啦！唔搞掂佢地就俾人搞掂架啦！加油呀！ｚｅｎｋｉｏ！

放學去左鴨記睇ｃａｍ，又２．４ｇ又１．２ｇ；又ｃｃｄ又ｃｍｏｓ；又無線又有線，淨係呢幾樣已經搞到我都唔知點揀好！仲要理埋個價錢！搞左幾個鐘，都係空手而回。

打左俾歡歡，打去佢屋企先有人聽。原來個電話打爛左！仲要係佢老豆打爛既！梗係因為歡歡成日傾電話喇！幣啦！我驚關我事添！都係寫信好！一早應該寫信架啦！唉！都係同佢講左幾句咋！因為知道佢講多一陣就會俾愈鬧架喇！又係既！咁都好！可以淨係用信都係我希望既！

可立ｄ野都未搞過！呢ｄ錢真係唔易賺！

講返尋日先，好遲先起身呀！搞到原本上３６１都冇上到！點幾起左身，就諗住搞掂歡歡份禮物佢喇！

我先去家興買左盒保鮮袋同埋少少零食，再去街市買左２個又紅又靚既蘋果。諗諗下屋企有包大班既冰凍包可以保住個蘋果唔使佢變壞就返屋企羅喇！點知唔小心又整跌左個蘋果，搞到落去再買過。不過梗係試下ｄ蘋果係咪真係個老闆講既咁好味啦！咬落去，又真係好多汁喎！不過就唔係好夠爽。不過都冇丟我地香港既假架啦！咁我就去買多兩個喇！

去左郵局問價，速遞去連州最低消費係＄９２，講真呢個我就一早都知架啦！純粹真係問下架姐。不過原來係唔俾寄生果既！既然問左人地，人地就知我係想寄咩啦！咁我都預左咁走去市中心寄喇！

不過，唔通咁就算係生日禮物咩？！點得架！主菜都未有！郭靖見議我買衫俾佢，不過我一早就諗住買頸鍊，只係諗諗下好似太快送頸鍊咁。不過行左好耐市中心都揀唔到衫！我真係唔知應該買ｄ咩衫囉！係咁打俾ｉｍａｎ想佢打救下，不過佢都好忙咁就放過左佢。我睇中左條紫色水晶（個ｓｌａｅｓ話係水晶）既包ｋ金頸鍊（又係個ｓａｌｅｓ話既），不過成＄１６８。第一次就送咁貴既野好似有ｄ唔尋常囉！我都忍手唔買喇！再行再行，時間又愈黎愈冇，真係連堂都走埋都仲要未揀到！錶啦衫啦袋啦鞋啦頭飾啦‥‥‥我真係咩都睇過，但係個心仲係諗住條頸鍊。

我最後關頭都係去返個度睇，個ｓａｌｅｓ仲話睇岩就計我平ｄ。連埋個盒原本要成＄１８８但係佢一口價＄１２８俾我，咁好明顯條野真極都係有個限度啦！不過以我奇差既分辨能力睇過假極都有個限度既。而且唔係好重手條鍊又唔錯，ｇｏｏｄ架啦！我自己都好滿意因為個ｓａｌｅｓ用左個紫色盒包裝囉！醒！

拿拿聲就走去郵局寄野喇！但係因為我要寄蘋果，所以我都半鬼祟狀態咁將ｄ野放入個盒度。將個蘋果同埋冰凍包放落保鮮袋就一早放左先架喇！係放入個盒個野要拿拿聲架姐。不過點都要拿拿聲架啦！因為人地都趕住關門，好彩我係係入面包裝佢點都等埋我架姐。搞掂真係一身都鬆曬！

出到去有個姐姐叫我做份問卷我都知賴野架啦！不過自己可能真係太得閒啦！重要跟埋佢上去做左個皮膚測試，咁咪即係要做埋佢所講既特價ｐｌａｎ囉！＄５０試下都好既又未試過，咁咪賴野囉！明知佢實會ｓａｌｅ我做多ｄ呢樣個樣架啦！諗住一於心硬就冇問題啦！點知自己就係衰心軟！做左個＄１３０既ｐｌａｎ，不過我心軟極都係＄１３０架啦！有個限度丫嘛！邊個叫個ｓａｌｅｓ又口乖先得架！話我個樣剎食。明知係技倆，但係我係人就係鐘意聽呢ｄ野架啦。針清幾痛先！整完都唔覺靚左。

返屋企夜晚就開始搞可立ｄ練習同埋教材，真係人都癲！都唔知應該點搞！

今日都係打唔到俾歡歡，所以都係冇起到身。嘻，好一個借口。不過最近真係搞咩呀？大學生！３．９ｇｐａ！如果繼續係咁，想有都幾難！

１點半返去見ｐｒｏｆｅｓｓｏｒ。成個星期既懶令今日既ｍｅｅｔｉｎｇ冇咩意義，根本都冇做過野有咩好檢討同埋佈告？你真係有ｄ問題！快ｄ問下神啦！

上ｍａｎａｇｍｅｎｔ，ｌｅｃｔｕｒｅｒ已經遲到左成半個鐘，但係我上左半個鐘就已經想撇喇！真係好難頂！之後上多半個鐘，趁佢放ｂｒｅａｋ我叫埋阿ｗｙｎｅ同埋阿ｘｉｎｇ去食ｔｅａ！不過我真係唔岩！但係我卻係咁樣做左。

返屋企收到歡歡既信！ｙｅａｈ！我忍唔住錫左封信一啖！嘻。咁岩我岩岩先買完靚靚信紙！好！寫信先！

寫信寫到成２點呀！歡歡２３號就生日啦！得返２日，咩都趕唔切啦！最衰都係自己，總係咁樣既！不過我要好好補償俾你，歡歡。

今日都成１２點先起身，不過都唔係咁想起！我發覺如果打唔到俾歡歡我就會唔想起身架啦！最近都真係咁覺得！

起身之後食野又返去打機跟住幫阿ｊｏｅ入歌，今日都幾無聊先！跟住就返屋企喇！不過呢個休息都唔錯既。

返屋企打返曬ｄ日記。唉！聽日又返學喇！我同ｄ少年人都冇咩分別！哈哈！好事黎既！應該講：好野！聽日又返學喇！感謝主！我真係要好好既調校一下。

６點幾歡歡打俾我，佢同我講ｄ唔知咩野，都收得唔係好清，佢話咩好靚又話幾正先！因為佢係用緊人地個電話，佢就叫我打個個電話唔洗用人地ｄ分鐘喇！不過我打極都打唔到，佢又冇打俾我。咁我就訓喇！

成１１點先起身，仲要係因為ｋｙｌｉｅ打黎先嘈醒左我。唉！一起身好有罪疚感，我真係千年道行一朝喪！好耐冇試過唔返崇拜喇！以前最多都係遲到姐！好明顯真係內在有一ｄ既問題影響住我，因為我成個禮拜個狀態都好唔掂！返左教會，入門口個刻真係唔敢入同埋有ｄ驚呀！返到教會都係聽下人地既「關心」啦！冇上主日學呀！因為人地都開始左咯！我就係咁睇下聖經，都有同冇上主日學既盼恩傾下計啦！跟住自己有一種提醒就祈禱向神求問同埋後悔喇！原來係因為我上次色情既罪令到我咁樣！我認左罪咁就感覺好ｄ喇！不過真係要好好記住呀！除左罪疚感之外原來仲好影響我地既生活架！

之後係教會食飯同埋等佢地練完歌之後就同阿明鉅華阿清同埋ｋｙｌｉｅ出去踩單車喇！我地原本想去大圍踩去大埔既，不過後尾因為我堅持聽盼恩講７３ｘ係去大圍咁就上，點知原來真係鉅華講得岩！嘻。咁我地就轉ｐｌａｎ由大埔踩去大圍喇！１人都係＄３５，好抵！

我提議先踩下個海濱公園先，不過大家其實唔係好讚成，但我過於堅持。不過海濱公園真係太正喇！好爽！踩到一半都顧下鉅華心急走既感受就掉頭喇！由大埔踩去沙田我地都踩左好耐！佢地仲弱雞過ｄ靚仔！因為鉅華真係要走喇！咁我地就諗住轉地方交車，點知搵左好耐都搵唔到間野！後尾搵到喇！但係佢地話要每架車加＄３０！咁即係搶姐！我地唔加，就拿拿聲踩去大圍喇！不過我地冇人識路。問下人又睇下ｄ路牌，最尾都搵到路，鉅華一交左單車就雞咁腳搭的士喇！真係ｓｏｒｒｙ喇！

之後我地去左搭火車到沙田再轉２７３ｘ去市中心，我就係友愛落車想轉的士快ｄ返屋企點知又搵唔到的士。祈禱之後又係我面前有一架，真係神奇！返到屋企雖然大家都飽飽，不過都開心既！之後就趕去藍地會合阿佛喇！打的去到藍地上拗，環境都好唔錯！最緊要個月光好大好圓同埋好光！真係令我諗起歡歡同埋琳琳。我同阿佛始終好似有ｄ疏離，或者真係因為大家少見左好多啦！同埋我都好少搵佢地。不過其實我心裏面好想好想同佢地玩ｆｄｄ熟ｄ架！不過後尾都ｏｋ啦！

阿慧都仲係咁得意！原來佢英文名係ｍｉｎｉ，又幾得意喎！另外都有唔少小朋友，講真有好多人我都係唔識既！阿冬、ｌｉｌｉ仲有ｄ親戚咁，不過１次生姐！燒野食，ｄ野食好好味呀！仲有腐竹蛋糖水，好好味好好味！不過都你玩左一陣咋！其實都冇咩點玩！之後我地就點起ｄ燈籠行返落去喇！ｄ燈籠點起黎原來係咁靚架喎！我真係唔記得啦！呢個中秋都好開心！雖然已經唔係中５個個年代，不過自己真係好享受呢個自由！似乎係從神而黎既自由！正！

之後返左阿佛度打機沖涼同埋訓覺。

今日１１點起左身，不過今朝成８點幾９點先訓。起身就搞掂個昱姐個ｐｏｗｅｒｐｏｉｎｔ再沖返個涼就出門口去俾隻碟阿ｊｏｅ喇！跟住打俾燕花點知佢又聽喎而佢又得閒返教會喎！就約左佢點半跟住買埋個蛋糕就返黎教會喇！

返到去盼恩教ｂ女琴，我地就入左同工房傾計喇！唔知佢地覺唔覺得怪怪地呢？跟住開組啦！阿駿個ｇａｍｅ，ｏｋ啦！係真係悶小小既，點解會有咁既ｇａｍｅ架？！之後浩然帶敬拜，真係冇咩誠意囉！真係唔鐘意佢咁，不過點教返正佢就真係我既責任同埋我既問題喇。我自己帶活用聖經都帶得好差好差呀！自己冇睇聖經卻叫人睇聖經，會有幾多說服力丫！雄華同眉花幾悶先！燕花就冇聽到因為佢早走左。

自己小組，ｇａｍｅ非常一般，敬拜不能投入。主題係愛，ｏｋ既！大家都有講下野ｓｈａｒｅ下咁！其實ｒｕｂｙ帶得都唔錯既！完左為阿明祈禱。跟住同清姐傾計，傾完就返屋企喇！

返到屋企冇咩做，因為真係有ｄ無聊，咁就ｉｎｓｔａｌｌ左隻ｓｐｉｄｅｒｍａｎ２黎打下喇！又真係好好玩喎！勁！諗諗下真係個個都出曬街玩，自己又真係好似無聊ｄ咁！不過又冇咩孤獨既感覺喎！呢個係一個進步！

打到１２點幾就醒起打俾歡歡講聲中秋節快樂先！打左，真係有人聽喎！哈！佢係房度聽緊歌，佢話４點就會同以前小學ｄ同學仔行山喇！又問我同佢傾唔傾到４個鐘，好彩我都仲有分鐘姐！我地就傾啦！佢問點解琳琳咁耐都冇打俾佢，咁係因為佢過左英國啦嘛！不過其實點會有人好似我咁打咁多電話先得架！呢度係有ｄ破綻！

佢話佢唔鐘意食月餅。不過我知係一ｄ安慰自己既說話。佢話屋企有兩盒月餅，不過你媽咪用黎送俾人。佢話佢幾嬲，因為自己都冇得食點解仲要送俾人喎？！我話我以前細個都係咁諗，而且我大個左知道點解，不過我就安慰佢話可能係要送禮俾ｄ局長。佢話屋企仲有兩枝紅酒，佢以為買俾佢飲點知原來係用黎送禮，佢幾想打爛佢先！佢話佢得唔到既野佢都唔要人地得到喎！

佢講俾我知今日佢俾媽咪打呀！佢話因為佢同阿媽嘈交喎。事緣係佢幫阿媽由阿爺度羅左個大冬瓜同埋其他野好重好重羅返屋企，一個人搭成來回２個鐘車，行一陣又抖一陣，幾辛苦。佢屋企係８樓，佢仲要行８層樓梯先上到去！幾辛苦先！點知拍左幾次門幾大力都冇人應門，跟住佢就去左７樓等。之後又上去拍門，點知原來有人，咁佢就好嬲喇！佢就話媽咪幾懶先！又話阿媽細佬都唔幫手！佢話媽咪講唔過佢跟住就羅衣架打佢喇！佢話佢ｄ衣架係用鐵做架！又冇膠包住喎！佢答我佢阿媽打佢小腿架！我都有ｄｄ心痛，不過知道我係冇咩資格去干涉同埋理陳主任點教女，不過我都係安慰佢問佢有冇事仲痛唔痛。

歡歡又問我我細個個時媽咪對我好唔好，我答一般般啦！我記得媽咪都有唔知一次定兩次打過我架！講真，我淨係有俾媽咪打既印象但完全唔記得佢為咩打我囉！所以呢個教導方法唔係咁好！歡歡話佢幾煩先！咩都煩呀！又話細個個時幾好幾好咁。好明顯呢個係佢對於而家既不滿，佢似乎對屋企真係有一種反感，好彩既係佢對神有一種絕對既信賴姐！

佢同我講最近有好多人打俾佢煩佢，有個成３０歲，話歡歡細個既時候見過佢喎！仲想約歡歡去街，歡歡話都唔記得佢係邊個，又話唔知點解佢地會知佢手提。我諗應該係係佢以前同佢ｄｆｄ出去玩既時候識架喇！佢以前或者而家點樣出去玩同埋玩ｄ咩我真係有ｄ擔心同埋好奇，講真！聽佢講既野中覺得佢出去玩就好似係同埋ｄ唔識既人ｄａｔｉｎｇ咁。咁樣好危險姐！難怪陳主任管得咁嚴既。後來佢阿爸返左黎，咁我地就收線喇！佢叫我５點９或者６點半打俾佢喎！

之後我就同阿釗執房喇！基本上係佢執，我冇咩點幫手！的而且確成屋企既男仔之中我係最懶既一個！阿釗真係好，我話想搬部電腦返房想佢執下佢就真係執，真係好細佬！之後我地成５點先訓。

尋日１０點幾先俾昱姐個電話嘈醒左，佢話幫佢整個ｐｏｗｅｒｐｏｉｎｔ，咁我都冇所謂啦！整都整左成個鐘，不過我自願既！

今日一早諗住返學校搞埋個ｆｏｌｄｅｒ佢，打俾阿ｗａｙｎｅ又冇人聽，跟住自己都訓埋。起身都好晏啦！係巴士到寫左個５００字既ｉｎｔｒｏｄｕｃｔｉｏｎ跟住就衝去ｃｆ５０３喇！見到阿ｗａｙｎｅ佢地就一齊加油喇！做到２點４都未做完，仲約左人開會添，遲左個大到不過我事前同何姑娘都交代清楚左架喇！２點４真係一定要走，好彩岩岩搞掂個ｃｏｎｃｌｕｓｉｏｎ，交低俾阿ｗａｙｎｅ就撇喇！搭左２１５ｘ去藍田，都成半個鐘。ｏｋ啦！開會都幾無聊，真係爭ｄ就訓著。開左成３個鐘，其實都係係度無聊，不過對住成半年，用少少時間認識一下都應該既。

夜晚返左ｐｏｌｙ，因為我實在無聊，要等郭靖９點收工呀！咁我就係ｐｏｌｙ整埋昱姐再叫我幫佢改既ｐｏｗｅｒｐｏｉｎｔ，再ｐｒｉｎｔ埋我ｄ　ｎｏｔｅｓ，時間岩岩好。去到美麗華，ｉｍａｎ仲未收工就自己行下，佢成９點９先落黎，真係等到我丫。跟住同ｉｍａｎ去左睇褸，買俾歡歡做生日禮物嘛！不過唔係好清楚歡歡想要點既褸，就打俾佢問問喇！哈！都傾得好開心喎！佢話要厚褸，要紫色，要有特色既。其實佢都冇咩要求，不過我係咁要佢講ｄ，唔係我真係驚買左佢會唔鐘意呀！不過行左好幾間，都未有厚褸，似乎而家仲未到時侯呀！睇黎生日禮物要送過第２樣啦！厚褸做聖誕禮物啦！

同ｉｍａｎ去左間茶記食ｄｉｎｎｅｒ，ｄ野好好味呀！由其係ｄ河粉，應該係佢個湯底好味！好似間野叫合興，係柏麗到海港之間既巷到。同佢都係傾呢樣個樣咁啦！詳細傾咩真係都唔知喇！不過我知我地享受可以一齊講下依樣講下個樣架姐！跟住送佢返匡企自己又返屋企喇！

返到屋企玩電腦到而家，唉！真失敗！我排住ｕｐｄａｔｅ　ｄ　ｄｒｉｖｅｒ囉！真無聊，但唔ｕｐ我又訓唔著！而家都仲爭一個！我等！聽日又有大把野搞喇！

呢幾日都係咁，好晏好晏先至起身呀！頭先都成１１點９先起身，仲諗幣啦！有ｌｅｃ周ｅｎ５０１既ｔｕｔｏｒ上唔到，不過好彩原來呢２堂係聽日既，咁我聽日一定要上到喇！加油呀！文豪！要好好勤奮同埋早ｄｄ訓呀！

我總是那種要失去了才肯珍惜才知道珍惜的人嗎？剛才，現在，原來我很不捨得琳琳呢！唉！像我這一種男人。不過努力前面啦！大家在各自的地方都是為學業和理想吧！所以唯有加油努力讀書先至係對對方最好的掛念吧！知道了。

今日寫好左歡歡同蓮妹封大信喇！裏面有燈籠同埋一封信同埋少少相。速遞要成＄９２呀！雖然３日到就真係可以寄到去，不過太貴喇！ｓｏｒｒｙ！下次我會早ｄ寄架啦！不過希望佢地收到個時一樣咁開心啦！

返左學校上３６１，都唔知學左乜！不過學朱展話齋總算盡左我地既責任啦！佢都係講返上年８０８６個ｄ野姐。

放學去左同阿蕉ｒｕｂｙ行街，我俾左個超無奈既樣佢地睇囉！的而且確我係唔識掩飾既人。有ｒｕｂｙ係度令我好無癮。聽阿蕉講ｒｕｂｙ似乎有男朋友喎！對我黎講係一件喜訊！不過唔跳係咩小金金定ｊａｍｅｓ，不過理得佢啦！原本只係想約阿蕉睇下戲姐，點知又多２個人又撞正係阿蕉生日，我都幾無奈。算啦算啦。睇左喇叭書院，ｏｋ咁啦！睇完有ｄ想學下咩叫ｊａｓｓ。

今日都好遲先至起身，成１０點幾先起身，返到去都成１１點幾，ｈｅａ一陣就食飯喇！不過最精彩都係個程車，識左個女仔又撞到個癲婆。

今日坐車坐到華都見人多就羅起個書包，俾個空位人坐。搭咁耐巴士，都未試過有個比較好樣少少既女仔坐落黎，通常都會係一ｄ阿嬸或者係ｄ阿生。不過今日就竟然有個ｏｋ既女仔坐落黎，不過佢都坐開左少少，有ｄ驚麼？我就仍然好專心咁寫自己既ｌｏｇ　ｂｏｏｋ。坐左半個鐘都係咁，突然前面隔離位個個人好大聲咁講電話，基本上佢係係度鬧緊人話佢派人跟蹤佢又話人裝佢沖涼。我直覺上覺得佢緊係ｓｈｏｒｔ架啦！我又忍唔住笑，咁我就陰陰嘴笑啦！佢突然斜斜望過黎，係度話咩笑笑笑，跟蹤佢咁上下既野啦！冇計，我都係ｋｅｅｐ住笑同埋做我既ｌｏｇ　ｂｏｏｋ，冇計啦！今日咁好彩撞到個ｓｈｏｒｔ既！個女人突然落下層又叫我跟啦！做咩唔跟呀？唔跟我冇錢收架啦咁！唔理佢，我繼續寫。寫到鴨寮街既英文我唔識寫，就問隔離個女仔喇！佢都話唔識，咁我就講聲唔該咁寫左ｄｕｃｋ　ｓｔｒｅｅｔ喇！佢就話，咁都得呀？我話，係呀！冇所謂既咁啦！跟住佢問我係唔係ｐｏｌｙ，我話係。大家交換大家讀咩啦！佢ａｓｏ我ｈｄ，大家都ｙｅａｒ　２。差唔多落車，我就問佢ｉｃｑ，佢俾埋ｍｓｎ我。我話唔知個女人做係唔係度，佢就話幫我睇下。點知個女人仲係度，仲走上黎指住我係咁話，冇計啦！我都只可以求神憐憫，冇理到佢。

ｌｕｎｃｈ去左ｈａｌｌ　ｃａｎ到食，一般般啦！點半見ｐｒｏｆｅｓｓｏｒ，ｏｋ啦！佢都似乎好滿意我地表現。跟住上ｍａｎａｇｍｅｎｔ，訓曬覺！早走去左寫信俾琳琳、歡歡同埋連妹，可惜寫完都寄唔到，有排先至寄到去ｌｕ。

去左天水圍送琳琳機，不過送之前我同阿明你商場揀禮物。阿明真係哈！佢心大心細，又實用又唔實用，又問呢個又問個個，最終買左幾個天使擺設。我淨係知道咩都岩佢咁濟架啦！係琳琳既世界都冇我地咁複雜，佢好易滿足架姐。我買左個ｔｈｏｍａｓ食物盒俾佢，有成４層架！唔用得都夠好玩啦！都係＄５５姐！都幾抵！跟住同阿明去左７－１１搵野食，買左２兜燒賣腸腸墨魚丸個ｄ野就去搵琳琳喇！佢應該都等左我地好幾個字，約我真係一件慘事，係以琳先至會唔嬲我！跟住我地一齊食個２兜野同埋上ｅ３３去機場喇！係架車到都好開心，都冇咩悶場，都好好玩又好開心。影下相、傾下計，羅下呢樣又羅下個樣黎睇，好有ｓｈａｒｉｎｇ。

去到機場就ｃｈｅｃｋ　ｉｎ，跟住我地就去左許留山食糖水。食左個ｓａｐｏ　ｗｉｔｈ　ｓｔｒｅｗｂｅｒｒｙ同埋黑白撈野，琳琳請。食糖水都好開心，估下ｉｑ題講下笑話咁，琳琳話一ｄ都唔似走咁，好開心喎。我最想都係咁姐。食完喇！亦都夠鐘喇！我地就上去喇！我地冇擁抱冇喊，哈！我都幾想擁抱下。不過，期待你下次返黎呀！琳琳走左，都真係會有少少失落感，不過走得大家都好開心呀！大家加油！

今日成１２點幾先至起身，搞到冇上３８１ｔｕｔｏ！跟住仲衰到係咁上網，超無聊。到左４點就去可藝開會。我將會做助導教中３既ａｍａｔｈｓ，雖然唔係真係教ａｍａｔｈｓ而只係預備佢地個心同埋小小既ｍｉｎｄ，不過都真係好似做老師咁架啦！見到高ｓｉｒ、湯ｓｉｒ、渣馮、ｍｓｌａｗ、蕭蕭，好似感覺幾好。

之後去左幫ｂ女整電腦，頭個個鐘只係同ｂ女吹水因為ｒｕｂｙ未返整唔到。搞左成個幾鐘先搞得掂，但又係唔知點解搞得掂個隻。ｒｕｂｙ對我都幾好，又驚我太熱臨走前又送左盒野俾我飲，我應該要對佢好返小小既。

之後約琳琳行百佳，其實都係好無聊架咋！不過都係大家想聚聚姐。買左燈籠俾歡歡同埋連妹，公平ｄ嘛！之後我地又係７－１１買左雪糕食，跟住係佢樓下就傾下計，ａｃｔｕａｌｌｙ係我想傾下仔計囉！傾左一陣就走喇！不過個ｍｅｅｔｉｎｇ都成個半鐘架啦！時間過得真係快！

好！聽日送琳琳機先！