今日同Eng 房既同事都傾左好耐計，
好似唔洗做野咁。
講既野全部都係關於基督徒‥‥‥
希望我可以幫到佢啦！
玩左個新既Online Game《網球拍拍Online》，
或者係因為無聊，不過又幾好玩。
夜晚冇練歌，返敬拜訓練又遲到。
[[的確令我尷尬，但好多謝真心提點。]]
敬拜訓練的內容打破了我一直的看法，
終於明白唱詩歌同唱歌的分別！
分別真係好大！
[[不盡心全力投入的，請離開吧！]]
我會好好記住呢句話！因為我唔要離開！
收到心意卡同禮物，感覺有點飄飄然。嘻。
《清遠鼓班》的機會來了！
神給我異象，也會協助完成吧！
一定要給我放假哦！>"<
今日返工真係好唔適應，
兩個Project又要趕Update program，
好彩兩個Project又Release姐。
做到成6點半，個個人都6點前走；
同事講笑咁話：「有咁耐風流，有咁耐折墮。」
其實同平時差唔多時間走架咋！哈
TOSHIBA有得放暑假！！日資公司真係唔同D！
可惜，我做緊既係香港人計到盡公司。
好！聽日返埋半晝就又可以休息下！
約翰組既Camp，我都玩得好滿足。哈哈XD
其實今次大部分既人都係同上年既一樣，
只係換左少少血，都好，可以識多一兩個少年人。
比起上年，今年叫做容易控制好多，
大家都幾自律，唔洗我太過操心。
第一日基石教會對浸信會，足球比賽，5人場；
好耐冇踢過波啦！好彩d人唔係好勁姐！嘻。
我都有波入，真開心！
夜晚有集體活動，睇佢地都玩得幾開心；
好彩我都有一個遊戲有得玩埋一份姐！
d人一玩開就會癲，真係癲，不過咁先開心！
夜晚‥‥‥男仔分開左兩邊。
其實我真係唔想見到咁，好似好怪咁。
應該要好似上次同心圈既Camp咁，
大家一齊玩先搞笑同埋過癮架嘛！
我真係第一次玩Truth or Dare，唔好笑！
不過我覺得麻麻地好玩‥‥‥有待改善。
3點Hea住走‥‥‥
第2朝睇佢地游水‥‥‥
整親隻腳搞到冇得游‥‥‥
責任上都要睇住佢地游，
好彩叫做有承恩陪姐！
晏晝又有活動，大家好似唔係好集中咁。
{{同生共死}}
>"< d 懲罰真係好似無聊得濟囉！ >"< 汗！
{{尋找快樂的故事}}
鄧綷雯個見證真係好正！盼恩帶得幾好。
有D無聊就搵浩然篤康樂棋，我贏緊架！
點知清姐打黎叫我認識下夜晚既講員，
冇計！都係要做正經野先！
唔好意思呀浩然！贏唔曬你！哈哈XD
Alan哥哥，第一次見，佢個Look都扮得Ok Young！哈！
Chat左一個鐘到，我覺得佢應該黎職青搞下Gag！
同埋佢講既野，都好岩職青聽，學下做生意吧！
夜晚食飯就見到Alan既功力，一下子渾熟；
連「師傅食飯」佢都講埋，仲要好大聲個隻！哈XD
夜晚個敬拜我好享受，不停祈禱求聖靈感動大家；
懂得享受敬拜既人，就係識得係任何時候都開心！
因為鼓勵、支持、肯定、安慰都會岩岩好既賜落黎。
Alan Hold個晚會真係Hold得好好，
個Power point已經係冇得彈！真係唔信佢冇請槍。
佢個破冰！一下子就搞到大家都開心，
氣氛真係好好，真係大開眼界，要學野。
我最鐘意佢講既個個買桔既比喻：
每年都會有好多人買年桔買年花，
有d人會選擇係年宵之前就去新界揀定d令年桔，
係最適合既時候買，又會平D，又會揀到令D。
但係冇人會係佢仲係種子、或者年桔都未出既時候就買，
因為棵桔最終可能都唔會有果實。
點解唔等到佢開左花又令，果實又大既時候先買呢？
呢個比喻幫左我好多，肯定左我既做法。
真正既愛情，等4年夠未呢？
我仲好記得個套「愛，也許不易」，
等左10年，為一份真正既愛而等待；
不選擇欺騙、冇不擇手段去換取愛，
終於係神所定最適合既時間而開花結果。
真愛，不易，因為要慢慢靜心等待。
決心單身的動力，就是要把自己變得更好！
過去發現自己人際關係、自信、經濟都有問題，
呢4年係主裏面，有好多好多已經改善了。
係未有真愛出現之前，要做既就係準備一個成熟既自己；
到真愛出現既時候，就用咁多年努力既成果去收成。
我諗，其實我都只係約翰組入面既一個組員，哈哈！
幾日冇打日記Lu，每日個腦都好似唔清醒咁。
我是再次失去了自己吧！總是會失去。
星期6晚的敬拜再思，的確是一個很大的挑戰！
「如果不是盡心全力的投入事奉，就離開吧！」
我當時是可以即時立志的，第2天就給難倒了。
我是多麼的軟弱，只不過是隻軟殼蟹吧！
我還有什麼需要改進呢？絕不是技巧吧！
星期日，崇拜‥‥‥不懂說。
很欣賞馬榮的主日學。
嚴厲的說話、坦白直率又認真，
不在意知識的傳授，在分享生命。
我感覺這是師徒關係的主日學，
決不是沒有感情和交流之類。
欣賞。我又看完了路德記。^^
工作，愈來愈明白什麼是工作了。
理想。工作。你想。工作。唔想。工作。
不管怎樣想，它也只是一份工作。
今天沒有來兩個女的，都是男的；
心輕輕有百分一秒沉了一下，之後開始發傻。
明天去Camp了，今天的工作要忙得不可開交。
Norman今天還要給我一個新Project，說星期5要。
不夠時間吧！我放3天假‥‥‥沒有說出口。
開始明白，請假要付的代假也太多了吧！
幸好，Arnold幫我提了Norman，
原來他完全忘了我請假的事‥‥‥=..=
我是那一種德性我明白，那一份工可以到老呢？
我知道自己想要什麼，偏偏沒有找到自己想要的；
開始不明白自己想要的是什麼，又再沉思。
感覺都過得太快了吧！這所以叫作感覺。
理性總是不足以說服人，所以耶穌才求神賜下聖靈吧！
連州，很想拚命的去，為的是什麼？
又是要自己好好搞清楚的問題。
每次遇到短宣，都需要好好的再思又再思；
因為都是叫我可以放棄現在的處境，
我是想逃避一直生存的這個空間吧！
如果可以讓我盡情留在連州，
也許我會知道答案，但我不是個甘心的人吧！‥‥‥
其實就是腦筋不好，問題總是轉來轉去的沒有答案。
只差一個確切的呼召，只需要一個單純的心。
「清心的人有福了，因為他們必看見神。」
尋日聽同事講16號會有兩個新同事，
都係Software Engineer！仲要Fresh Grad.!
好耐之前聽講過有個女Software Eng.見，
我諗，有8成機會。聽講遠睇OK，4成啦！
17-19號請左假，好彩16號都可以先睇為快姐！
係Fresh Grad.既話，即係都係後生仔女啦！正！
而家坐係我對面既係個學野好慢講野好煩既阿叔。=..=
好彩我隔離仲有個位！哈哈哈哈XD
前幾日都忙到嘔！今日冇人再有野可以追我！
終於搞掂左粒ADC，Analog to Digital Converter。
我發覺自己真係好Like寫兩粒IC中間Commmunication既Interface，
睇住D Timing Diagram黎寫，又容易又有成功感！
呢份工最開心就係成日都可以有成功感！
最唔開心就係同人比較個Salary既時候，
又或者星期6、日見到人地唔洗返工既時候，
又或者到月尾D錢已經用曬既時候，
同埋返工遲大到不得不搭的士既時候，
同埋忙到好想做得2D他條D既工既時候。
前日又有份工打返話做Website Maintainace，
Offer到10K-11K，5日，12個月+Bonus。
我都係為左工種既關係冇考慮到，
但係下次如果工種岩少少又有咁既Offer既話，
老細，唔好怪我，怪就怪你出手低。
如果16號真係有個ok既女Eng.既話，另計！
哈哈哈哈！
All the day I hungry! but I have had meal.
All the day I sleepy! but I have slept.
I afraid a worm in my tummy! /......\
I must must sleep more early!
3年黎終於換手機啦！
的確我唔係個D追款既人，
不過最主要原因係我唔捨得D錢。
所以今次換機都係因為有得0機價。
早d知道有0機價既優惠我就一早換啦！
真係蠢！
也許今天不見動靜，彷彿找不到一點蹤影；
教我心堅固，完全相信神賜下的應許！
求告你的必不致失望，尋找便必找得到；
求賜我信心、開心中的眼，
讓我看見那不可見的你！
有生以來，應該係第三次家人同我慶祝生日。
第一次係舅母同媽咪一齊返屋企同我慶祝，
個次係我一生人第一次有生日蛋糕慶祝，
應該個年係5年級。
第二次係屋人係生日個朝早返學前同我慶祝，
個日我發嬲好唔開心，仲發埋脾氣。
第三次應該就係今日，去左海霸食晚飯。
雖然唔係好齊人，不過我都已經好滿足。
我覺得任何人為我慶祝都唔會夠屋企人為我慶祝咁有意義，
始終媽咪爸爸就係生我出黎個個。
一家人食一餐飯，今日真係覺得好開心。
真係唔想牧師放安息年！成年喎！
講真，佢講既道、佢帶既小組，
比左我好多動力同埋方向。
有一個好牧者，的確唔係必然！
不過牧師可以休息充足，
可以暫時放下多年來的職事，
亦是一件樂事，只望教會一切安好。
小組要更新，我會付出更多更多。
已踏上既宣教之路，我係唔會停落黎既！
我愛既連州，我一定要再一次踏上！
神呀！願你帶領。
