「我想，現在的苦楚，若比起將來的榮耀就不足介意了。」羅馬書 8:18

人常常為現在的處境抱怨太辛苦，

讀書時如是，工作時如是，

甚至對戀愛、婚姻抱怨的也大有人在。

我想，如果人能夠看到將來的盼望，

苦楚就不足介意，也不抱怨了吧。

不過誰又保證努力過後，一定是好的收成呢？

人憑自己的能力又怎能看到盼望呢？

保羅雖然在監獄中過著又沒自由又不榮耀的日子，

但他看到將來要在天國所得的賞賜和榮耀，

因此說傳福音所帶來的逼迫算不得什麼；

因為他的目標清晰，而且對天堂一點也不疑惑。

「我想，現在的苦楚，若比起將來的榮耀就不足介意了。」

現在雖然是受苦，但將來必定知道是值得的。

基督徒之所以能夠常常積極面對人生，

也是因為有從神而來向未來支取快樂的能力吧！

明明尋晚已經比平日早訓，

但係一起身就係前所未有咁眼訓，

好似通左成晚宵既感覺。

今日又唔知做咩前卹未有咁多野搞，

有7、8個Project開頭，

個IR Barbir搞到我OT到9點鐘。=..=

返到良景幫鄰居整電腦，

都應承幫佢整好耐架啦！

點支力都係整埋先。幫到人，無計既。

精神一日一日咁透支，係時候休息下喇！

25號同個FD去廣州玩，好期待。^^

呢兩個月個腦成日諗住一樣野，

就係「出Bonus」喇！

老細呀老細，唔好令我失望啊！

我估唔到我屋企會有咁大座按摩椅囉！

真係我玩模擬市民都唔會捨得買既野，

竟然出現在係我屋企以前梳化既位！

我阿媽仲話想唔要張梳化擺佢，Crazy！

一大座按摩椅，我真係唔會買，成兩皮！

不過照咁睇，佢地既疲倦已經係我不能理解，

如果可以每日都鬆一鬆，對自己都係鼓勵黎既。

有一座咁既野，緊係即刻試試啦！

不過試完之後發覺有D位好唔到，唔夠正；

即刻仲想走上去大陸按一按，搥一搥。

用人手按始終係唔同D。

想用按摩椅綁住老公唔上去搥，應該唔work！哈~

做我屋企既按摩椅應該都幾辛苦，

Non-stop咁有人坐上去，哈~

不過唔知舊野可以玩到幾耐呢？

好一張按摩椅！

如果我有兩皮野，我會還在我冰山一角既學生貸款。=..=

玩大富翁，電子過數；

同昱姐、阿明、劍光、少華玩左8個鐘！

大富翁都已經好耐冇玩過啦，

不過今次玩真係好有啟發性！

試過冇曬錢，想有張機會卡寫住跳樓兩字；

試過係咁踩人D地，賣曬D地都唔掂！

個個Moment我真係唔係好接受到咁既人生！

玩過另一舖之後，始終都唔係幸運既人。

踩中人地塊地又冇錢賠比人，

好彩有人收購自己個機場先捱過左；

之後慢慢返身，愈來愈多錢同地，

個時真係有D輕飄飄，感覺呢個人生好爽！

見到人地冇錢既時候就盡力去幫人地，

也許我要這樣的人生，才能力兼顧仁義道德。

人生有起有跌，有時候現實中對別人也許好多意見；

但換轉他的人生成了自己人生的話，

也許自己在同一處境也未必可以做得好。

原來我在已經負債累累，一步一驚心的時候也會想輕生。

難得現在的人生仍然有恩典，仍有能力幫人。

這次的遊戲也見證主再來的盼望對人來說是多麼重要！

貧者愈貧，富者愈富；人生、遊戲也是這樣；

只有一個的財力獨大，其他的都是負債度日；

我們就定了當Kylie來到時遊戲就結束。

「但那日子，那時辰，沒有人知道，

連天上的使者也不知道，子也不知道，

唯獨父知道。」馬太福音24章36節

土地買少見少，到某個處境甚至不得不低聲下氣，

我真欣賞有些人仍然在這種劣勢仍積極尋找機會。

好了，到Kylie真的來了，大家都是舒了口氣。

剛才還壓著自己的債項已為無有，

剛剛所遇的所有不幸也已經不重要，

就算財主如何的有錢也是無益。

我沒想到這個遊戲令自己看到這個真實的縮影。

這個遊戲，予期極力的去贏錢，

倒不如去贏友誼，贏高尚的品格。

但要在這個人生也能做到，

才算是勝了世界，真正明白主的救恩和愛。

「人若賺得全世界，賠上自己的生命，

又有什麼益處呢？」馬太福音16章26節

今日返工好準時，不過係咁放蚊，不過慳返唔少。

好勤力做曬手頭上既野，仲有時間輕鬆下，正！

放左工冇去學日文，或者停下先啦！

可能真係應該學鼓或者結他配合異象。

夜晚係屋企練結他，仲用手機錄低左；

唔係唱得彈得好好咋，不過遲d放上黎。哈~

夜晚去跑步，每次同通哥跑步都會分享好多諗法。

能夠有同路人，真係好幸運同埋幸福。

我們的教會，還有很多地方需要大家再努力一點！

今日既遲到，就係尋晚種既惡果；

現家既徬徨，就係以前懶既報應。

一個上晝整左個hardware出黎！

有時懶少少都係唔得，靠人都唔穩陣；

做事都係親力親為比較好既。

自己Debug返，發覺自己都唔差丫。

終於搵到RF接收端引致接收距離短，收錯Code既問題，

唔關個Program事，而係Circuit未能完全配合。

因為經粒IC接收返黎既訊號原來仲係AC而唔係DC，

所以遠少少個訐號就已經得返好弱好弱，

而雜訊同訊號既分辨率減少，容易收錯。

聽日仲要返工，繼續加油！\........../

星期6返工，或者我已經習慣左喇！/........\

宣教！義不容辭！快要佔據我的心思！

盼望用半年在基石教會成立一隊音樂佈道隊，

定時練習音樂，並推動音樂佈道事工。

於屯門公園建立音樂佈道的氣氛，

委身於神，用音樂作事奉和佈道的工具。

4月

復活節盼望可以跟清遠再一次合作，

穩固他們建立搞青年佈道會的氣氛和使命。

8月

跟粉嶺救恩堂合作在陽山七拱搞音樂會，

年輕人！興起來吧！你們都要熱心愛主！

願以勒既神打開我信心既眼，

感動以利沙既靈同樣感動我。

07年係我在事奉神的層面上有突破既一年！

因為我可以憑信心咁朝著神比我既異像去行。

「【清遠鼓班】，【陽山音樂會】。」

記得年初領受既時候好興奮，\

要去實行既時候就不知從何開始了。

感謝以勒既神，凡事祂都已經預備好了。

4月復活節陽山音樂會，

第一次展開音樂佈道會事工。

還記得那時剛想致電儀姐分享異象時，

她就打來說起同一件事的情景和感動。

而且整個行程也都順利，

弟兄姊妹的付出同行是我覺得最可貴的。

暑假時跟教會與救恩堂到連州短宣，

短短兩三天認識了他們令我很溫暖。

最後三天自己一個到清遠教提摩太小組敬拜，

起初我真的擔心自己是不是真的應付得來。

以前短宣我也只是探訪什麼的，

今次卻是要教敬拜，為他們組成敬拜隊！

但這個突破和相遇的確是一件美事！

讓我對領敬拜充滿了信心，

而且看見他們對主大發熱心也激勵了我。

10月的時候，感慨沒有真正在清遠開過鼓班；

又想起暑假後跟牧師都有異象聖誕時係大陸搞音樂會，

神感動我該重陽節連星期6、日到清遠搞鼓班和分享異象。

超興奮的是神的預備，不單止可以教了兩組人打鼓；

更加定下了清遠和陽山音樂會的合作事宜。

雖然起初真的沒信心弟兄姊妹會肯付出聖誕去玩的假期，

但事實證明神是感動和揀選人的主，以勒的豐富者。

今次的清遠音樂會對兩邊的弟兄姊妹都是造就吧！

今次陽山音樂會雖稍有遜色，但感謝親愛的聖靈。

陽山、七拱，都是令我很有負擔的地方。

琳琳返黎，同雲媽媽聚聚舊先！

好耐冇同雲媽媽傾計啦！

我一個人真係唔知點約呀！

有埋琳琳就好D喇！

我諗我都應該突破下自己，

表達多少少自己對人既關心，

唔好淨係擺係個心。

以前唔係好識，黎緊呢年要學。

能夠表現自己一面係最真最好既。

廣告賣得岩，唔扮野做自己，左丹努牛仔褲。

慶幸我仲可以保持我真實既一面。

點解基督徒揀老婆要揀得咁認真？

可能係因為佢地揀既老婆唔單只係一生一世，

去到永永遠遠都係個個架啦！