今朝９點半起身，返去好好彩又岩岩好。耶小都幾難教，我都有ｄ唔知自己做緊咩既感覺。完左就同同心圈影相，好難得可以齊人影相呀！之後就教阿龍功課，佢本數學暑假作業同軍仔個本一樣都差唔多係冇做過！晏晝就同約翰組同埋阿明去左淮揚麵食飯喇！振宇都有去。阿邦同振宇都幾ｆｄ，振宇真係好有機會返約翰組呀！

去蒙黃花沃小學誓師，自己感覺一般般啦！但係氣氛都唔錯既。我同琳琳同阿邦同振宇一組去探魏燕花，燕花佢都好歡迎我地呀！我地傾都傾左唔少野，不過好多時都係靠琳琳啦！佢真係好惜令人感覺到被關心。好ｓｕｒｐｒｉｓｅ，振宇同阿邦都可以有加入關心既對話中，我聽到都覺得好好。而且邀請佢返黎小組佢都肯呀！感謝主！願你自己親自讓燕花可以黎到我地教會更深既認識你。

完左去市中心影貼紙相，我地５個同埋阿金。阿金係ｒｕｂｙ帶來的新朋友，佢住係將軍澳，佢返開既教會係係旺角既。佢似乎都幾怕醜或者可能對住我都幾唔想講野！唔知點解呢？哈。不過ｏｋ啦！我完全唔ｃａｒｅ。我付出左我既愛心同關懷同埋最大既努力去同佢溝通架啦！

之後去左剪頭髮，今次搵返阿ｒａｙ剪。不過係有ｄ怪既，因為上次先完阿ｌｏ，好似一時一樣咁。不過ｏｋ啦！都等左幾耐下呀！剪完我都係覺得一般般架咋！不過每次都係咁架啦！我就係鐘意佢呢種雖然唔係好型好ｐｅｒｆｅｃｔ但係又唔會令我好難接受既手勢。總之覺得佢剪既就算幾核突都唔係核突啦！

之後去安定虹橋飲，ｏｋ啦！冇咩特別，不過都ｏｋ開心既。

尋晚好病但係都係好夜訓！不過今日８點就起左身喇！８點２打俾歡歡，佢話我遲左１０分鐘喎！佢話今日係教師節，個隻同學一早叫左佢起身返學校，所以佢就係學校喇！佢話佢ｄ同學都識我啦喎！叫文豪！哈！梗係佢同佢地講架啦！仲話叫我聖誕要返去先！我同佢講左成９個字電話。

佢叫我講下自己最近ｄ開心野佢聽下喎！我就話尋日燒野食咁囉！佢話咁開心呀！歡歡話佢地好少燒野食架！可能連州真係唔係好興燒野食！講真！原來我都唔多可以同佢ｓｈａｒｅ既野喎！或者應該話，我唔多開心野可以ｓｈａｒｅ。不過我就問佢連州有冇飛船買，玩具個ｄ飛船。我形容俾佢聽啦！佢話冇乜見過，不過可以幫我搵下仔喎！仲話唔貴就買左寄過黎！傻既！梗係等我寄左錢俾你先買啦！哈！不過聽到呢句我都幾開心，俾我覺得佢都好緊張我既野既！

講講下就講到佢條金魚。佢話佢又買左條＄１既文豪喎！即係而家佢又有兩條喇！佢問我買咩俾老師好，我話買花囉！跟住佢同埋佢ｄ同學仔就笑我話佢又未死，原來佢地係咁諗送花架喎！佢又話佢地學校ｄ女仔仲未起身幾好訓，佢都想。佢又話尋日佢地一家人去左打籃球，佢同佢媽咪一組喎！佢話佢阿爸超勁！攔都攔唔住喎！歡歡話佢地中秋節冇月餅食架！因為媽咪唔肯買喎！而且佢地ｄ月餅可能冇我地個ｄ咁大個架！

佢又話叫我送燈籠俾佢，佢話要我自己整架喎！佢話咁先有意思！佢咁講對我黎講先至有意思！因為我知道佢唔係想係我身上羅物質，反而係係我身上羅關心同埋愛。之後因為佢要同同學打籃球，咁我地就收線喇！佢都同我傾左咁耐，應該理下ｄ同學仔架啦！

收左線我都係好無聊咁上網，原本打算睇聖經點知一頁都冇睇過。反而仲去左ｌｇ個討論區到睇下點樣可以用電腦既連線係手機上網，但係睇睇下就被ｄ少少既色情吸引左過去喇！真失敗啊！我係度睇ｄ女仔相囉！有ｄ係人地用手機偷拍個ｄ女仔相，雖然唔係全部都係色情，但係我知我已經跌倒喇！好彩冇全身陷係地獄姐！都睇左好耐呀！我絕對要認罪悔改！

到左１點半前自己先至收斂返！因為要打俾歡歡。係愛情面前，色情令我覺得自己好核突同埋好衰！佢係屋企同同學玩緊圍棋喎！佢媽咪就訓緊覺。同佢傾左一陣間咁大把啦！半個鐘。佢叫我再形容一下架飛船，咁我就再形容喇！佢話幫我搵下，真好！佢問我一陣會去邊？我話教約翰組，跟住就返自己小組去探訪派月餅，最後再ｊｏｉｎ葡萄園既佈道會，所以之後會冇時間打俾佢咯！佢話做咩唔派俾佢唔探佢喎！哈！我話太遠囉！不過攪到我真係幾想寄月餅俾佢。不過我知道我咁樣係做緊一ｄ令陳主任難做既野！我真係要諗諗送禮物應該送到咩程度。我２點話要出門口喇！佢都話叫我去小組啦！又話佢都會去玩，咁就收左線喇。

出門口係信箱終於見到封信喇！真係超開心！睇住封信真係會識笑架！就好似佢係度同我講緊連州話咁！係封信度佢都講左好多心裏面個ｄ說話，睇到我真係好想俾多ｄ愛佢，好想陪到佢，因為佢話做人好悶好唔開心。

今日返到約翰組都係岩岩好咋！好彩咋！破冰玩馬拉松，一般般啦！敬拜，ｄ人都係好唔認真！係叫左浩然同我坐至好ｄ咋！訊息，好似ｒｕｎ起上黎爭ｄｄ，不過教既方式唔同姐！完左約翰組就到同心圈喇！今日係去摩羅山派月餅，同阿明，應該話同成個小組ｄ人都好似冇咩野講咁！唔知點解。摩羅山既福音工作真係幾難，１黎戶戶都養狗啦！２黎ｄ人個心好似唔需要耶穌咁！不過好多ｄ仔女都已經受左教會ｄ姐姐既關心信左主架啦！不過ｄ阿媽就好似剛硬少少。ｏｋ咁啦！

之後就返教會ｊｏｉｎ葡萄園喇！佢地練歌準備佈道會，阿明就又試下打，不過又係俾人話。跟住佢就唔打喇！佢好似係呢方面有ｄ　ｓａｄ咁！昱姐叫我打，又讚我有ｓｅｎｓｅ。阿明唔知會唔會好難受架呢！我覺得阿明練下應該都做到架！之後我阿明琳琳盼恩叫左飯食，食得都開心既！

今晚個佈道會既敬拜好正呀！我真係好ｅｎｊｏｙ！成個佈道會都好唔錯！相交又開心！我覺得同心圈加埋葡萄園一齊好似會開心ｄ咁。或者我都幾鐘意同葡萄園既人相交啦！到１０點就走咯！返屋企。

今朝７點起身，係７－１１買左個士多啤梨蛋糕同埋一盒芒果木瓜奶。返到去都遲左成粒鐘，因為都比較遲先出門口。返到去都幾無聊，唔洗剔名又冇咩要交淨係自己試下ｍａｔｌａｂ，不過咁都幾好幾輕鬆，畢竟今日包雲吞，狀態都幾差。ｈｅａ左成兩粒鐘，放學就見ｐｒｏｆｅｓｓｏｒ喇！

同朱展同埋ｐｒｏｆｅｓｓｏｒ都有ｄ野拗，不過咁都幾好，因為拗完都對個ｐｒｏｊｅｃｔ有益。係ｐｒｏｆｅｓｓｏｒ口中得知原來出黎都有唔少ｊｏｂ，似乎我都唔洗太擔心出黎做ｄ咩。不過查實我又唔知出黎真係會做ｄ咩，遲ｄ有機會問下ｐｒｏｆｅｓｓｏｒ先！我地下星期就會開始ｂｉｕｉｌｄ　８０５１個塊板，希望１至２個星期可以攪得掂啦！而個ｒｆｔｒ我會一邊ｋｅｅｐ住去搵，呢個ｆｙｐ真係令我好有拚勁！

同阿ｗａｙｎｅ阿ｘｉｎｇ去左都會食野，跟住同佢地交表，跟住就一齊搭火車啦！不過遲到呀！遲左成３個字，跟住去買提子同糖，因為探雲媽媽嘛！鼻水太多啦！個頭都有少少燒！所以都聽琳琳話買左ｄ藥。

去左由祥華去左華明村，竟然要搭巴士先去到！係華明酒樓都搵左一陣先見到雲媽媽，我地飲茶呀！都唔記得講過ｄ咩啦！其實大家都唔係話傾左ｄ咩特別話題，反而有時都唔知講咩，不過好彩有琳琳係度。雲媽媽舍妹個囡好得意，好似我細個咁苦口苦面，我最鐘意呢ｄ！不過佢家姐人見人愛，我見到亦都覺得佢家姐係真係得意ｄ既，不過我都會鐘意妹妹。飲茶後段主要係聽馬榮講佢對份新工既野。我主觀就覺得馬榮真係好ｂｕｙ傳銷呢套，ｂｕｙ得有ｄ過份添！而且有ｄ　ｃｏｎｃｅｐｔ同我一直聽開同深信既唔同！同佢探討左都幾耐！之後４點幾就走喇！馬榮一個人走先返去煮飯，我同琳琳就去雲媽媽屋企。

佢屋企都好骨子，睇左佢屋企ｄ相，佢大女同佢一樣樣，佢２女就唔係咁似，唔知點解對佢ｄ仔冇咩興趣，哈。睇左ｄ相坐左一陴就走喇！趕返去屯門開會呀！由華明搭２７６ａ去上水火車站，點知小巴站成條人龍！我趕時間但都冇辦法啦！最終去唔到開會，阿程叫我直接去ｂｂｑ喎！最幣連ｂｂｑ都遲到！

同琳琳相處左成日，傾左都好多野，講左都好多野！講歡歡係例牌架喇！不過始終覺得琳琳一般鐘意聽架咋！所以我覺得唔講好ｄ，但佢又話佢冇咩所謂喎！咁我都可能講少ｄ啦！我始終都會忍唔住講，哈。係ｋ５２到，問左琳琳有冇拍過拖呀！佢竟然話有喎！哈！我以為佢未拍過拖架添！佢講話３時拍過，之後人地拖拖拉拉咁，之後就散左，大概係咁啦！佢講到好似有ｄ眼濕濕架！佢話拍拖好麻煩架喎。佢仲同我講佢唔會同盼恩講呢ｄ野，佢話呢ｄ野係唔講得架！我地竟然可以講同盼恩都唔講得既話題，哈！

去到就見到佢地喇！等埋我地先至燒？哇！都等左好耐下喎！初段大家都冇咩野講，而我以病病地既姿態都好少講野。我又冇同佢地坐埋一齊，反而同葡萄園坐得埋ｄ呢！同昱姐錦文講野仲多過同同心圈，我都唔知點解，不過可能因為隔開左黎坐啦！之後影下相，又好ｄ喇！跟住ｒｕｂｙ話知道我ｄ祕密，不過原來係阿蕉同佢講穎兒。哈！都已經過去左好耐啦！不過原來仍地會講下討論下我鐘意邊個架喎！ａｍａｚｉｎｇ呢！跟住大家氣氛同關係都好似唔同左喇！幾唔錯！而且今日同明慶祝生日，相信都真係可以俾佢感覺到我地真係好重視佢既！

同職青一齊燒野食其實都幾唔錯！因為人多ｄ嘛！ｄｅａｄ　ａｉｒ都少ｄ。哈哈！玩法唔同既，不過效果好似好ｄ喎！我個人覺得。我地切蛋糕仲食月餅添！哈！同以琳慶祝定個中秋嘛！今日好開心！

尋晚訓唔著，睇阿玲播既早熟睇到成４點２再訓，頭先６點鐘又起到身喎！厲害！打俾歡歡叫佢起身，不過似乎佢其實係想同我傾計所以先叫我咁早打俾佢。佢話媽咪見到佢傾電話就會話佢，所以叫我星期６打俾佢不過千祈唔好夜晚打，佢叫我８點鐘打俾佢。咁我又似乎可以開心ｄ輕鬆ｄ啦！因為佢尋日係因為陳主任話佢先令到佢唔可以傾得好舒暢。好喇！要返學喇！

返到去上３６２，阿ｓｉｒ講得幾好既，係自己冇咩心機聽，而且似乎都真係靠自己勤力ｄ睇至有用架喇！跟住就上ｍａｎａｇｅｍｅｎｔ　ｔｕｔｏｒ，都幾無聊呀！之後就同阿ｗａｙｎｅ佢地去左唱ｋ喇！ｏｋ好玩啦！不過都係一般般架咋！我比較唔鐘意同ｄ唱得唔好聽既人一齊唱，因為令自己唱得好唔滿足架！

下晝上ｃｏｍｍｕｎｉｃａｔｉｏｎ，好似幾好玩但又有ｄ複雜囉！但我真係好想知道多ｄ，因為我地個ｐｒｏｊｅｃｔ要用到架！不過某程度上都幾悶架！而家食飽就好想訓！

放左學就同朱展去左大窩口搵飛船，一路搵到旺角。呢間指個間，個間又指另一間，都唔跳邊間至真係有！不過最終都俾我地搵到！太勁喇！不過ｐｒｏｆｅｓｓｏｒ叫我地唔好咁衝動話買就買，之後都冇買到！搵到真係好喇！

跟住我就返返去ｐｏｌｙ羅ｐｒｉｎｔｅｒ，總共買左成＄９７０，我真係捨得喇！

尋日已經衰架啦！成７點半先起身，今日仲衰到８點半起完訓返到１０點先起身！返到ｐｏｌｙ成１１點半上ｇｅ，入課室俾ｐｒｏｆｆｅｓｏｒ拮，話我做咩咁遲，又話乜又話勿。

之後去左ｃｆ５０３，好無聊好無聊，研究左點用ｌｇ用ｐｏｌｙ提供既ｗｉｒｅｌｅｓｓ　ｎｅｔｗｏｒｋ，但係好似唔係好成功。到左２點半打俾佢地食飯，點知佢地成班友都冇去到打波。得阿星係都會食飯，咁咪打俾佢囉，點知佢又食完。好彩佢又冇乜野做，跟住就叫佢陪我食飯喇！

約左圖書館門口等，點知佢有２個ｆｄ都一齊，一個叫迪文一個叫‥‥‥唔記得喇！去左舊ｃａｎ食左個ｔｅａ，西多呀！跟住就週圍行喇！迪文同我都幾夾幾好玩，不過佢唔係基督徒所以講ｄ野口沒庶攔左少少。同佢地一齊，我昅多左女仔。仲搞左個打招呼學會添！ｈｅａ到成４點４先至上ｈｊ上３６１。悶死人！

放學去左排隊買ｐｒｉｎｔｅｒ，成＄７９０，我都唔知抵唔抵，只係為左整野俾歡歡同埋整網頁我就買喇！因為迎野仲有ｓｃａｎ同埋影印功能，最重要係ｄ墨防水！

係車８點打左俾歡歡，佢分左班去左８１班，即係全級最好個班呀！佢好開心仲叫我恭喜佢添！而所以佢都冇得做班長喇！佢好似有ｄ壓力咁不過佢自己都識減壓既！尋日佢話冇開機因為開都冇用喎！又唔帶得返學。佢問我搵左咩工做，我話補習。佢話佢有叫陳主任幫我祈禱呀！哇！我而家真係好想知究竟陳主任係點諗架呢？好想搵日打俾佢傾下。歡歡話佢隻女仔朋友唔抵得佢去左１班仲睇佢唔起呀！歡歡話好失望呀對佢。歡歡又話係新班到ｄ氣氛幾咩先！一隻朋友都識唔到呀！傾左１８分鐘，跟住佢就話收線啦！究竟佢個心點諗架呢？我呢刻真係唔清楚。不過真係唔好打咁多俾佢喇！留返多ｄ既神祕感對大家都可能係一件好事。不過聽朝佢叫我打俾佢，梗係好啦！

返到屋企整左魚皮餃烏冬，都幾好味！

整約翰組個網頁。唉！ｆｒｏｎｔ　ｐａｇｅ真係好難整得特別。我都係整曬ｄ圖先！因為有ｄ圖先至可以令個網頁ａｔｔｒａｃｔｉｖｅ　ｄ。首先整左個ｌｏｇｏ先。好開心！我設計左一個自己都好滿意既ｌｏｇｏ！正！

今日ｆｙｐ堂遲左１粒鐘，不過返唔返原來都係冇人理既！又係一堂莫需上既堂，不過同朱展辯論左好多野。係既！我的而且碓係比較大想頭１ｄ既，可以同呢個咁踏實既人一組都係有好處既！

ｍａｎａｇｅｍｅｎｔ，真係好鬼悶！不過丟都好盡力去聽架啦！今日俾我ｒｅｇ到ｇｅ喎！哈！感謝主！

夜晚去左鴨寮街睇無線針孔攝影機，由＄２８９至＄６４０不等。不過而家發覺一個問題，就係如果買佢地現成既，咁另外隻飛船同電腦個度都係要買另一舊野溝通，似乎真係唔係咁簡單！

今日成日都打唔到俾歡歡呀！佢個手提電話冇開。唔知係因為佢唔開丫、冇電丫定係佢爹地媽咪收返部手機呢？不過希望快ｄ收到佢既信啦！講真個句我真係會掛住佢！

下星期就同郭靖出去買生日禮物俾歡歡喇！我一定唔可以令歡歡失望既！一件好ｄ既衫佢真係可以著幾年架！所以真係買好ｄ先！

可藝、可立既補習似乎都真係好有機咁喎！主呀！求你親自保守啦！我知你會安排最好既！

６點半準時起到身，打左俾歡歡叫佢起身。有左打俾歡歡呢個目標，我竟然就可以咁早既起身喎！佢話媽咪唔俾佢帶電話返學校，我當然話都應該既啦！我要配合陳主任既教導。歡歡話佢拑綿被，咁熱拑綿被會好舒服喎！都係同歡歡講左陣咋！因為陳主任應該係係咁叫歡噬唔好傾要快ｄ返學校。問歡歡選左班長未，佢話今日選啦！佢仲話好有信心可以再做班長喎！都好既！佢仲想我為佢祈禱：學業成績啦！老師講課精彩ｄ啦！佢聽得清楚ｄ啦！佢做到班長啦！班裏面ｄ同學和睦ｄ啦！仲有就係屋企，佢話想屋企開心ｄ，媽咪對佢好ｄ。應承左佢就收線咯！

敬拜、睇聖經，即係靈修啦！好正！唔係因為聽到神既聲音或者佢既指引，單係令我可以重新有心去靈修已經好正啦！我諗都靈修左最少個半鐘頭架！１２點半就出門口喇！因為約左ｂｒｅａｄ去藍田見何姑娘。

上車食左個雙層芝士漢堡飲左罐汽水午餐，就打俾歡歡喇！同佢分享左我要佢為我祈既禱，同埋問佢選班長ｄ野！佢話做梗架喎！都係傾左一陣。臨收線我叫佢唔好等我電話，好似有ｄ莫名其妙咁，不過我知道佢會等先叫佢唔好等，同埋等一個唔知幾時會打黎既電話真係好難受架！

ｂｒｅａｄ仍舊都係無咩可以令人驚訝既地方，同佢去左何姑娘度。其實就好似見工咁，不過似見誠意多少少。講真，我原本只係當有工返有錢賺架咋！不過聽佢地所講，令到我都好有心想事奉一下，雖然呢個事奉係有錢收既。要教既學校又係嗇色園，係可合小學。唔知係咪真係有得做呢？等神安排吧！

趕返去ｐｏｌｙ上３６２既ｔｕｔ，好無聊一堂，雖然我都係遲左１５分鐘而且個ｔｕｔ本身只要半個鐘，但已經足見無聊之處喇！３６２係ｃｋ　ｌｉ教，即係我個ｆｙｐ負責既ｐｒｏｆｆｅｓｏｒ，佢都幾好人架！

去左洪水橋搵軍仔教佢做暑假作業。佢真係好爛，見到佢既程度真係令人有ｄ擔心，好想抽ｄ時間幫下佢。由７點半教到成１０點，中間有１５分鐘到用左黎食飯盒，佢地請架！１０點佢老豆就返左黎喇！佢老豆都幾細粒，聽軍仔話佢老豆係做睇場既，佢屋企真係令人擔心。佢地話成日都要挨飯盒，中仔仲喊添！希望我可以做到ｄ野服侍到佢地啦！

今日遲左ｄ返教會，不過勉強都準時架啦！今日嘉賢ｌｅａｄ既敬拜都幾一般，好似好多位都亂黎咁。馬榮既見證，水蛇春一樣。佢將傳銷當做傳福音既機會，怕只怕佢自信心太強，以為自己可以誇勝，希望若這不是主的意思，求你把這工作從馬榮身上拿走。馬榮講起張生日卡。係呀！琳琳真係令人好ｗａｒｍ，佢溫暖多人既心，佢係ａｎｇｅｌ！寶華既道，聽到我皺曬眉，佢打既比喻同舉既例子我覺得好怪。愛宴，一般般開心咋！

落大雨，遮左嘉賢落去搭西鐵。返上黎，佢地開始練歌，我就彈結他，ｏｋ咁啦！阿明打既鼓俾人彈，佢一定有ｄ唔開心喇！不過佢ｄ拍子真係有ｄ亂黎。之後到昱姐練敬拜，我打鼓，盼恩彈琴。打完之後佢地都讚我打得好又有ｆｉｌｌ　ｉｎ，估唔到盼恩都讚，呢個真係經典啦！我都好開心，真係好少聽到盼恩讚我，嘻。

練完，盼恩ｒｕｂｙ佢地都走喇！得返我ｋｙｌｉｅ同埋昱姐，我地係度係咁夾。夾都大家都好累喇！就話走，點知話走但你又唔走，我地係度傾計。同佢地傾計都幾舒服，即使唔係真係可以咩都講但係大家都傾得好開心，好有ｍｏｏｄ令人講野。如果呢個氣氛係小組既話你話幾好呢？係咪？同昱姐佢地傾左結婚生仔既人生大事問題，佢地問我有冇對象喎！又問我拍左幾多次拖，我話一次，佢地話睇我唔出喎！其實同歡歡係咪真係可以結果呢？同歡歡結果係咪最好既神既安排呢？我真係未敢肯定，只係我知道而家呢刻我好珍惜同歡歡既關係同感覺。

返屋企就預左冇野食架啦！咁靈機一觸就去左大昌睇下有ｄ咩送可以買喇！最尾買左一包什菌同埋一包烏冬，都係＄１９咋！３個人食都夠！返到屋企煮左黎食，不過都係要落味精。有咩方法可以唔落味精又好食呢？

今日６點半，係，６點半就準時打俾歡歡咯！哈！同估計既一樣，佢根本唔洗返學，不過佢都同未訓醒既姿態同我講電話。佢嘰嘰咕咕咁我根本聽唔清楚佢講乜，忍左１分鐘９唔搭８我就落床去電腦前集中精神同佢傾喇！

同佢講唔忍心佢用咁多錢成半年既積蓄買張卡，問佢俾返錢佢好唔好，佢話唔好！佢話佢自己自願既，唔洗喎！我聽到我覺得佢其實係幾成熟而且係知道自己做緊咩架！我有ｄ開心！

問佢中秋點過，佢話睇月光，自己一個睇。我聽到真係好想陪佢睇呀！我覺得佢每個中秋都緊係好寂寞架喇！我好想為佢做ｄ野，買個燈籠俾佢都好丫！佢話佢媽咪罵佢買左張電話卡呀！佢爸爸都話用完ｄ分鐘就要收返個電話喎！我真係要諗下應該點做喇！我唔想同歡歡既相處係唔得佢媽咪爸爸既喜悅呀！

講起歡歡既生日，佢話要禮物。我樂意送俾佢既，問佢想要咩，佢都好怕羞咁話不如你講會送ｄ咩俾佢等佢揀喎！不過我都係堅持佢講想要咩。佢話佢冬天ｄ衫好樣衰，佢好想有件褸或者褲。我話好啦！寄俾佢既時候佢真係好開心呀！隔住電話都知道佢真係好開心！因為佢既笑聲係冇掩飾既笑聲。我仲ｍａｒｋ低左佢既ｓｉｚｅ係中碼、腰圍係６５ｃｍ、腿長８０ｃｍ、鐘意既ｃｏｌｏｒ有銀、淺紫、粉紅、淺藍和灰色。

佢似乎真係一心等我聖誕返去連州架！我都真係好想！加油讀書呀文豪！

佢話收到我個封信喇！佢仲話已經寄左一封，仲有佢將會寄多封！佢真係咁掛住我嗎？我好期待收到佢既信。

仲記得佢聖誕想要既禮物，係一條紫色既頸巾。嗯嗯～

今日約翰組好ｇｏｏｄ呀！神真係好幫我，我真係好多謝神讓我有能力同埋權柄去教導約翰組呀！佢地都知道自己係有神兒女既名份同埋有永生啦！而且我都用到好多既經文解答佢地既問題，梗係因為呢排都有睇返聖經喇！我唔可以驕傲！不過今日我做得唔好既就係俾小左導師既角色係盼思度，似乎　我俾佢分享家事係比較好既做法。

同心圈回顧左同埋做左ｄ展望，希望明天會更好啦！下星期應該有個新組員添呀！

晚上同阿明ｋｙｌｉｅ同阿華食飯，大家都可以暢快咁相交呀！呢個感覺就你我想你同心囤入面有架喇！希望遲ｄ真係做到啦！

夜晚又去左幫爸爸開工喇！

可能可藝有補習班可以請我呀！希望啦！求主成就！

今日超ｈｅａ，成２點幾先至起身。不過我６點半就打俾歡歡啦！不過佢都未開手提，打左幾次跟住又訓返喇。訓到１１點又打，個電話話佢傾緊電話。跟住點幾打俾佢終於有人聽喇！不過佢叫我２點２再打俾佢，我又好乖咁準時打俾佢，跟住傾左陣。佢話左我聽佢平日返學放學既時間，咁我又好乖咁記住左喇！佢返學７點８放午飯１１點８，跟住再到２點半返學校放學５點２。佢叫我聽日６點半打俾佢叫佢起身。其實我地而家咩關係呢可？

４點半返左學校，見左一見個ｐｒｏｆｅｓｓｏｒ，佢俾左好多ａｄｖｉｓｅｓ同ｃｏｍｍｅｎｔｓ我地，ｇｕｉｄｅ住曬。都好！唔係我都唔知應該點開始，話曬佢都做左咁多年，信佢冇死既！佢叫我地出去ｓｈｏｐｐｉｎｇ，買針孔攝影機同埋ｒｆ　ｔｒａｎｓｍｉｔｔｅｒ同埋ｒｅｃｅｉｖｅｒ　ｓｅｔ，另外仲有就係買飛船。買曬ｄ野返黎唔洗自己搞都幾好！哈！去左智樂長頸鹿，冇料到！

返左教會羅約翰組ｄ料，順便仲同阿明上左栽培。今次題目係十戒，講左頭兩條咋！不過都岩我聽，我要好好記住愛情唔可以大過神，因為只有神先可以令我有幸福既愛情。