其實我真係唔應該打籃球，
因為show曬我d弱點出黎。
打左我諗20分鐘到啦！開始玩完！
唔係好夠氣力！有d支力啦！
最火滾就係條紅色衫唔交波！
我就唔鬼打喇！抖下先算。
隔左幾場，再出去打過，都係有條紅色衫。
又係咁唔交波！可能我真係唔掂啦！
不過我就好興囉！成肚氣。
真係見佢3on1都唔去幫佢拖，我覺得唔抵幫。
我又檢視下自己，做咩自己會咁激氣呢？
個人主義又真係好冇癮！
冇合作，冇交流，唔合一既事好難頂！
我諗呢個位都有d野可以諗下。
聽日終於出糧啦！
今次仲應該係出足添！哈XD
應該係做左咁耐第一次。
要好好Plan下D錢點分配先得！
今日都係好支力，
隻腳D肌肉仲痛緊。
好想放工可以早D返屋企，
我諗我需要好好休息同埋他條下！
9點返，9點放；
如果日日係咁真係唔掂！
今日一早已經覺得好支力，
估唔到仲要做到咁夜先走。
呢兩日成身既肌肉都好痛呀！
連骨都覺得好痛同埋酸軟！
唔係咁快就老下話？踢左一場波姐！
不過真係好耐冇踢波啦！好玩！
唔講啦！都係早少少訓好過。
返完崇拜飲完茶，趕回家就Crack我的itouch了。
由 2:30搞到夜晚12:00都搞唔好，當中真係唔簡單。
Apple整到部野可以點都restore到已經好勁，
Hacker可以係佢部野入面搵咁多方法去crack又係一絕。
此為貓捉老鼠的遊戲。
原本尋晚11:00就打算讀經的了，
但仍受不了沒弄好就放下那種遺憾感。
一直整，整到1點幾，知道死梗！
係一直保持不遲到既紀錄死梗！
係一直keep住讀經靈修既習慣衰梗！
最後到差不多兩點才放下部機，
而家部機直頭一開機就係離曬譜既 Error message！
今日終於遲到了，衰左！唉 ~
之前讀經有些進度未趕及的又未追回來！唉 ~
經一事，長一智。誘惑常常都擺在面前。
節制，我要學習這兩個字！
這個情人節也是沒有情人，但一點不寂寞啊！
有兩個可愛既表妹同埋阿姨跟我過，開心。
《總有艷陽天》
「有時候肉體受苦，心裏卻會舒服；
有時候肉體舒服，心裏卻是難受。」
有時候就是這樣吧！唉
所以有時很喜歡迫自己去受一下苦，
許多時在辛苦之中卻有許多快樂。
「我想現在的苦楚，若比將來要顯於我們的榮耀，
就不足介意了 。」
保罹肉身雖然是受苦，
但看出他的心裏的平安。
今日的確唔係返工既日子，但係都要返；
吹水吹到上天花板，我仍然都咁 High！
其實而家既我識得咁盡興真係好神奇，
以前既我真係唔識得咩叫高興。
我覺得識得去高興、識得去盡情係好幸福，
因為環境係咁就係咁，開心唔開心都係睇你。
天氣真係好凍，凍到我頭髮都唔想去剪。
被昱姐話我個頭做咩搞成咁，冇目標丫嘛！哈~
我都真係冇咩打理個頭，或者係未有咁既需要啦！哈~
以前好肯花錢係個頭度，而家唔係Lu~
其實頭髮係用黎遮住個腦架姐，哈~
夜晚食團年飯，我覺得唔夠氣氛，可能尋日太盡情！
同埋有少少三唔識七既感覺‥‥‥
可能佢地 D另一半平日好少見，
相對無言，可怕過 Linuo既 Dead Air。
Linuo Dead Air都可以一笑置之，
呢 D Moment，都唔識講。
我想要一個五星級既家啊！
Mu-pro annual dinner，好玩到飛起；
今日真係好 High，都飲左唔少啊！
抽獎又抽到份好野！好開心呀！
一年既辛勞都算係值得既，
最開心就係一班同事可以盡興。
老闆又肯加碼，簡直興奮！
合作愉快！大家咁話！^^
廣州之旅終於完結了，三日兩夜回憶太寶貴。
跟輝其實很久沒有聊天，很久沒有一起去玩了；
今次的旅程是誰的安排呢？
剛好的時間，大家都準備迎接新的開始吧！
今次是我第一次感覺是去旅行啊！
很自由，很開眼界的。我很少出門啊！
以後，一定一定會把握更多機會！
為單身的自由喝彩！亦終於明白。
太執著亦會失去，不把握也太消極；
有又好，冇又好；人生本來都可以享受。
有主同行實在是福氣，很享受。
上下九，狀元坊；行了六個鐘；
是有點累，但行街買東西吃喝玩樂，挺開心的。
晚上靈修分享的傾談，感覺很好。
如果每天也這樣過活，也真的很寫意啊！
星期日去了東山口的教堂東山堂，
我們差點在教堂崇拜一天，
一堂接一堂地上崇拜，人生身第一次啊！
我不要我的小組是個「名活實死」的小組！
這一堂道，真的很有意思！
我真的怕葡萄園會不夠內涵，要努力屬靈的方面！
下午去了玩，其實玩的東西在香港也有的。
打籃球，差3分就可以入最後一關的了。
「澳泰茶餐廳」，孜然牛肉真係好難頂。
見到唔好食既野，最好就係玩暗枚。
雖然D野真係好難食同埋飲，不過又好好玩。^^
好鐘意今次行程，好難忘的回憶。
聖經描述施洗約翰是「心靈強健」，
這4個字令我很渴慕和很有感動。
一直都是感覺大過天，甚至遮住真理；
凡事心裏想做又有碰到有機會就會做了，
而中間經常跳過是否合乎真理的反思。
所謂順從聖靈呢？還是體貼肉體呢？
賴床、遲到、說話、待人接物‥‥‥
要更大被神使用嗎？要棄掉舊我了。
我生命問題的徵結就是4號仔的特質了，
問題是我怎樣才能捨去這個特質中的特質呢？
理性彷彿只會跟我的腦袋產生化學作用，
行為、言語仍然是在感性的控制底下。
耶穌能夠勝過各樣試探，約翰則懂得逃避各樣試探。
肉體的情慾、眼目的情慾、並今生的驕傲；
這是因為人以現在的生命為一生追求的目標所致。
在現今的社會，已經沒有曠野可以躲避了吧！
因此耶穌才作我們的道路，讓我們可以跟隨吧！
「心靈強健」！請帶領我成為「心靈強健」的人吧！
