終於都過左同心圈既生活營啦！可以咁講，呢次係一次好悶既旅程，除左同歡歡傾電話可以令我開心少少之外，就係個度ｄ野食好好味喇！原本係諗住呢個營可以打破大家既隔膜，點知只係令大家既隔膜更加明顯。有ｄ無奈，真係之後都唔知可以點相處喇！有ｒｕｂｙ係度，真係會令我無咁輕鬆自然，ｗｈａｔ　ｃａｎ　ｉ　ｄｏ？係大陸睇左早熟，真係好好睇，我真係要好好計劃一下我既將來，我都想早ｄ結婚呀！

返黎香港就去左牧師度食飯，好多送！好好食！同牧師師母既相交真係仲容易仲自然仲開心過同同心圈相交。我有什麼問題呢？

晚上同輝落街食宵夜，我故然講下歡歡啦！佢又講下ｗｉｎｎｉｅ！不過今次大家都討論到佛教同基督教，希望佢會見到佛教既不完美見到神既完美啦！

尋晚同郭靖傾電話，都傾左幾耐。哈！佢似乎有艷遇，好似有個同事幾鐘意佢喎！不過我叫佢真係先搞清楚自己同正男既關係先，唔好俾機會自己或者佢開始住。而且都提佢新鮮野梗係好ｄ架啦！不過佢似乎都係好留戀個個人囉！唔知佢會點搞咯！呵呵！我可以講既都講曬，祝佢好運啦！

我亦都將我之前仲覺得同郭靖有可能既事同左郭靖講，佢話好想笑喎！哈！不過真係唔緊要，因為我而家先唔會ｃａｒｅ，哈！而且佢話笑都係講下笑架姐！我都將我同歡歡既事講左俾郭靖聽！講起都講到我好開心呀！哈！歡歡！好好聽既名字，哈哈！傾到成兩點幾，做埋份ｉｎｄｉｖｉｄｕａｌ　ｒｅｐｏｒｔ就成３點幾！

今日７點就起左身，都幾辛苦！返到ｐｏｌｙ先８點１０，咁早！佢地一隻都未返！阿ｓｉｕ成日黑曬面咁，好可怕！我先唔想見到佢！對比起黎講，阿ｐａｕｌ溫柔好多！今日阿ｓｉｕ整個ｃａｓｅ，我就行行企企。係食完飯之後發覺個ｐｒｏｇｒａｍｅ有ｄ問題跟住ｄｅｂｕｇ先至有ｄ野玩下！寫ｐｒｏｇｒａｍｅ真係好好玩！我ｓｏｌｖｅ到阿ｐａｕｌ都未ｓｏｌｖｅ到既ｂｕｇ！我好滿足啊！不過最尾都搞左好耐先真正可以ｃｌｏｓｅ到個ｐｒｏｊｅｃｔ！終於可以唔洗理咯！感謝主！

夜晚９點同ｉｍａｎ食宵夜，不過我岩岩先食完飯邊食得落丫！而佢就好肚餓咁款！最搞野係食食下先知大家身上仙都唔仙下，咁我就去良景禁錢啦！跑到身水身汗！我帶左ｄ相同ｉｍａｎ分享一下，係啦！呢個就係歡歡喇！ｉｍａｎ話以為好娘喎！估唔到原來都咁潮喎！哈！跟住大家又影左ｄ相咁啦！食完飯我就同佢行返去，講黎講去都係講歡歡思朗正男穎兒咁啦！不過大家都講得好開心！亦都傾緊睇下大家９月去唔去到返大陸泵正經骨，可能同我我阿哥細妹去。

文豪！今年要好好地讀好ｄ書呀！

今日準時返到教會，真係好！不過如果可以再早ｄ訓再早ｄ起身再早ｄ返到教會就仲ｇｏｏｄ喇！

今日敬拜ｏｋ啦！有ｄ位搞笑左ｄ，不過盼恩依舊係好投入既！今日我個心都飛走左１０分之１，因為唔知歡歡會幾時打黎丫嘛！

原本今日係約左阿琛食飯既，不過因為我一早係應承左清姐開會先，所以我都係應該去開會。而且聽完牧師講基督精兵既道，我又覺得自己係必須要參加今日教會既佈道工作！

開會既時候，盼恩個狀態ｏｋ唔好囉！不過明白佢係有佢一ｄ既情緒既！今日都開得ｏｋ啦！我又提出左一ｄ建議，希望做得好啦！真係好想約翰組唔內聚，個個變精兵！我真係要再放多ｄ心血落去！要同盼恩一齊加油加油！

出隊，同清姐一隊去左市中心圖書館出面既亭仔度。首先接觸到個泰國女人，想同佢講福音，不過佢話唔洗！跟住清姐就同佢吹水喇！可能清姐想搵位入啦！跟住佢個女又返黎喇！示來佢個女係基督徒，真開心！勉勵佢一番之後就由佢地走喇！

我地又見到另一個目標，係一個男人同一個男仔。首先清姐同個男人講野，原來佢ｄ兄弟姊妹係基督教同工，不過佢地就未信既。跟住佢媽咪又黎左，佢媽咪好唔ｌｉｋｅ咁話我地唔信！信佛既！不過我就話我媽咪爸爸都係信佛，但係我都信耶穌，因為以前我拜個佛覺得唔好咁啦！跟住就話３分鐘講舍福音佢聽喇！不過見佢咁專心，我亦好有感動咁講左好多！差唔多１５分鐘！個男仔ｏｋ有興趣架！不過佢媽咪係度掛！不過佢媽咪聽完其實都軟軟地架啦！我知道主同我同在既！

佢地走左又搵另一個目標啦！係一個男人黎既！咁都係話同佢分享一下我既信仰，之後就直入福音喇！佢又ｏｋ開放又肯聽喎！咁又係３分鐘講福音喇！咁又係講左唔止３分鐘咁啦！１因庶佢都好多駁我，不過神就你俾我有智慧啦！佢同清姐講話要帶個有說服力少少既人黎，即你話我唔夠說服力。咁我就話唔緊要，叫佢返黎我地教會搵牧師同佢講。哈！佢又冇聲出。而且之後佢聽我講都聽得好留心，似乎佢都認同我所講既福音。希望佢真係可以聽到神既說話啦！而且肯返教會！佢最尾都決左志信左主呀！而且因庶我地講得好清楚話唔值得為一個咁既女人同一個咁既細路仔敷衍神，亦叫佢諗清楚ｄ先！佢最尾都係想決志，感謝主！希望佢真係唔止聽到神冒福音仲可以經歷神啦！願主親自作工！

夜晚７點３打左俾歡歡，不過你佢爸爸聽，嚇死我！哈！好開心聽到歡歡把聲，又係雞喙唔斷啦！哈哈！佢話條文豪死左喎！仲要掉左落垃圾桶！又話死左都會埋係花盤既？佢仲講笑話條金魚彈結他唱《我等著你回來》添！哈！佢又叫我８月３１號８點打俾佢，唔知咩事呢？突然佢老豆羅左個電話黎聽，問我係唔係係香港打黎？我話係！佢話仲以為係歡萊ｄ同學，佢好似好歡迎我打黎咁喎！仲話我咁有心！仲話俾返歡歡同我溝通溝通喎！呵！咁我地都唔可以講咁多喇！叫佢讀好ｄ書練多ｄ琴，哈！歡歡叫我唔好俾咁大壓力佢喎！哈！歡歡話要拖地，咁我就叫佢洗埋碗，佢話洗左啦喎！哈哈！佢最尾又話如果唔記得打俾佢就收我皮喎！所以我一定會打俾佢！嘻嘻！好開心！

夜晚同嘉賢游水！游得超爽！游左成１１個塘，完全都唔覺得累！明明尋日係踩左４個鐘單車加嘛！游完水就吹水喇！同嘉賢都吹左好多野！哈哈！講左短宣啦！阿琛啦！同埋大家既野！總之都係好開心架啦！游多個塘就返歸喇！

今日成１１點幾先起身，跟住就上網ｃｈｅｃｋ天氣。咦？得上水粉嶺有雨＞０．５毫米。１２點半就出門口啦！不過買完個飽都係遲左ｄ，佢地已經等緊我啦！佢地包括左輝、邦同埋阿駿。

到左上水就等埋牧師同望祈，咁就一齊搭去沙田火車站喇！到左都仲要等埋承恩，佢遲左個大到。不過我成日都遲大大到，所以我真係唔話得佢！牧師係２點就已經開始由沙田沿單車徑跑去大埔啦！不過我地差唔多２點１０先開始踩，攪到牧師等左成個鐘頭！

由於望祈真係唔太識又唔太敢踩，所以琳琳同阿明就陪住佢喇！我地就梗係想全速前進啦！不過由於安全同埋團隊精神既問題我地都你踩下停下等下。好彩我叫左輝一齊黎姐！唔係我真係未必攪得佢地掂！阿駿同浩然有時踩得好快，攪到我要追佢地叫佢地唔好咁快！浩然就真係難攪ｄ！不過佢其實都好聽話既。

我地由沙田直踩到去大埔，係大埔見到牧師。同佢吹左陣水等埋望祈就再出發，去左海濱公園。個度真係超靚又超正！最爽就係可以踩住單車咁遊呢個海濱公園。踩到盡頭我地就見到佢好岩釣魚又好岩放風爭既地方。休息左一陣又影左下仔相，咁就又再出發喇！我地回程都係用好慢既速度咋！好彩我地都岩岩好，６點１０返到去還車。還車之後我地就走去火車站搭車喇！

我打左俾歡歡，跟住俾左琳琳聽，佢地好似都講得幾開心喎！之後我又聽返，又俾左輝講下仔，跟住我又羅返黎講下仔。好開心，可以同佢講電話真係好！返到屋企我又打俾佢喇！成日個心都係想打俾佢，嗯。

今日終於問左佢個日佢係咪嬲左我，佢話心情唔好喎！有少少嬲咁喎！哈！不過我知佢個ｄ係叫做唔捨得姐！佢話買左兩條金魚，一條叫文豪一條叫琳琳，咁我就叫佢買多條叫歡歡喇！佢話要買條黑色架喎！佢又問我個日許左個咩願，我冇正面答佢。不過我其實就係許左想搵到個一生既伴侶，哈！佢話今日出左街呀！兩男兩女，仲兩個人飲一杯野，四個人食兩杯雪糕。佢都知唔好架啦！佢話都唔會再同個隻女出街喎！佢話陳主任肯買個書包俾佢喇喎！仲話佢可以出手機。又有問我香港有冇流星睇。又話佢之前染左個紫色頭，不過又染返黑色喇喎！我好似知道佢好多野！不過佢可能真係唔你好知道我架咋喎！哈！

佢叫我寄生日禮物俾佢，佢９月２７生日呀！又叫我聖誕送禮物俾佢，佢要紫色既褸喎！或者紫色既頸巾。哈！我都真係可能會送呀！１０點佢阿爸返黎佢就拿拿聲收線喇！

哇！我兩日都傾左成個鐘喎！不過遲ｄ都唔得啦！一黎咁樣唔係咁好，二黎都真係要錢架！我都係想寫信多ｄ！不過大時大節可以聽下把聲都好！呵！

今日起來沒有去那裏，我只是在家裏看著聖經，看到了路加福音的第１７章，看了還不算少呢！感謝主真的讓我有看聖經的心了。

在家裏真的沒有做過什麼另外有益的事了，總算是有練習結他的。不過今天在ｉｃｑ收到阿ｘｉｎｇ　ｓｅｎｄ過來的一個ｍｖ，讓我看呆了。是一班年青人組成的３樂隊，ｍｖ裏的算是新詩歌吧！他們的樂隊名字是ｐｓａｌｍ！他們令我看呆了。他們的一首「回家」，真的觸及了我的心，我相信也會觸及不少人的心。用結他練習回家，聽了很多很多遍。

今日８點到打左俾歡歡啦！哈！真係超開心！同佢傾計真係好似唔洗諗話題咁！好開心又好舒服呀！不過又好似唔係好感覺到有愛情係中間喎！不過我都係依舊開心，我諗你我心入面裝任既全部都係愛情。等左佢好多日啦！不過原來佢去左一日咋！枉我仲等左咁耐！不過孤獨愈久，幸福愈值得期待吧！哈！不過佢未返學，可能真係冇咁快可以回信俾我咯！佢收左我線，我估係佢屋企人話佢啦！佢就收左我線，真係唔捨得！不過聽日可以叫以琳打俾佢，之後又同佢傾下仔！嘻！

今日終於上完所有堂啦！學到唔少野！真係想整返個網頁！

晏晝特登食左個３送飯，有苦瓜、矮瓜同埋咖哩薯仔雞，ｄ苦瓜係用黎掛念歡歡既！不過間味皇ｄ苦瓜唔苦，都幾好食！

《你轉身我下樓》都睇完啦！個結局都算ｈａｐｐｙ　ｅｎｄｉｎｇ啦！其實呢本書真係一般咋！不過中間有好幾句真係恰到好處咁講出左我既情況同心情。係後段仲睇到好緊張添！只係前面幾章都有ｄ悶。

放學但係又未到約佢地集合既時間，我就由紅碪行去旺角喇！行到見到間書店，搞到我真係好想買小說，不過價錢真係一個問題囉！諗諗下又有ｄ想寫小說！哈～

夜晚去左ＡＣＭ，ｏｋ咁啦！唔係話好感動，不過係有ｒｅｍｉｎｄ姐！好似真係同神對話咁！神叫我睇聖經！唔好掛住睇其他書！

好遲先起身，因為尋日都幾夜訓！尋晚睇「你轉身我下樓」真係睇到唔想訓，唔知係因為我太耐冇睇小說還是真係咁有吸引力。今朝起過幾次身不過都係訓返，只係俊琳打電話黎嘈醒左我。

返到ｐｏｌｙ就已經係食飯既時候啦！下晝一路聽阿ｓｉｒ講ｄｒｅａｍｗｅａｖｅｒ一路做返上晝份功課，ｄｒｅａｍｗｅａｖｅｒ又幾好玩架喎！今日都係有想打俾歡歡既念頭，不過知道我應該乖乖咁等又冇打喇！

今日羅相，睇睇下歡歡真係唔係好靚者！不過我知我同佢之間既好感唔係建築係樣上面，咁都幾好丫！

仍舊是ｃｏｍｐｕｔｅｒ　ｔｒａｉｎｉｎｇ。今日學的是ｊａｖａ　ｓｃｒｉｐｔ，似乎很好玩的樣子。

與阿ｗａｙｎｅ他們去了唱ｌｕｎｃｈ　ｋ，不過對朱展多了一份不夾的感覺，對振振更有一個煩躁感！但我知道這是不應該的，我應該愛每一個人發掘每一個人的優點！

總係好想打俾歡歡，雖然知道一定又係佢細佬聽同埋話４日後先返，不過我都好想打，不過緊係冇打啦！今日拎左短宣ｄ相去曬啦！不過上年短宣個ｄ因為唔係ｊｐｇ檔所以曬唔到住，要搵個轉檔軟件先得！

與盼恩傾ｉｃｑ，問及她對將來的打算。

剛看了《你轉身我下樓》，有一句說得很合我的：「我好怕，我好怕我和你之間的愛情，充滿了不確定。」還有能準確說出我回憶的文字，就是短宣最後一日與歡歡和琳琳靜默地逛街時的場面：「一片要命的安靜。一般這種場面，身為男性的我是應該說點話的。沒錯，是應該的。但是我一句話也說不出來。」還有是用來形容現況的：「她現在的沉默，讓我的心裏空蕩蕩的，感覺很不好受。」

今日上ｃｏｍｐｕｔｅｒ　ｔｒａｉｎｉｎｇ學ｆｒｏｎｔｐａｇｅ，都幾好玩架喎！不過今日最重要都係學點樣用自由通打長途電話返大陸。原來中國國家號碼係８６而清遠地區號碼就唔係０７６３而係７６３，終於係４點幾終於打到去歡歡屋企，不過佢細佬話佢去左廣州，要５日後先至返。我個心真係有的唔信，不過我都好開心因為終於都打通左啦！等５日，希望可以同歡歡傾到計啦！

今日返學之前已經寄左封信啦！不過唔知寄去佢學校佢係咪要開學先至可以收到架呢？

晚上看了馬可福音１－１５章聖經。

岩岩寫完信俾歡歡，發現原來佢留左電話俾我！ｏｈ～ｍｙ　ｇｏｄ！早ｄ知道就好啦！而家超開心但又超擔心呀！因為佢ｑｑ改左個ｉｎｆｏ但係佢又冇ａｄｄ到我喎！咁即係佢嬲左我？定係佢唔知道係我呢？聽日打個電話過去就知啦！希望聽日可以知道真相啦！

今日第１次整６色十字架，第一個梗係要留俾歡歡啦～