個Project已經有70%的完成度，
現在就只欠他們未提供的音樂檔案，
還有少少Counter未整理好，
進度蠻不錯嘛！
不過對比別人的Project，我的只是小巫。
他們的Circuit比我的複雜起碼20倍！
過3個月，也許我也要在這些Spec中埋首了。
這樣我便真真正正是軟件工程師了！
現在只有一個微小的願望，加人工。嘻。
中午問起同事在暑假請假容易否？
再講起原因，就是為了柬埔寨或連州的短宣，
再講起，原來一直教我東西的同事也是基督徒，
再講起，原來聘請我的那位老細也是基督徒！
Surprise!
暑假公司會比較空閒，
老細也是基督徒，
可以堂堂正正的以去短宣的明義請假！正！
十分明白主耶穌Amazing的安排！
Wonderful! Thank you Lord!
花了一天的時間把整個Template更改，
放工前已經符合兩個project的要求了。
是！是兩個project的要求！
今天才知道要把兩個玩具程式寫左同一粒IC裏！
為了節省金錢和開發成本，
原來廠家會把多個差不多的玩具用同一粒IC，
最麻煩的算是要Programmer幫他們合成。
他們就節省了開發生產的成本，
難為我們Programmer左度右度了，
不過總算也搞定！感謝主！
明天就把音樂合成吧！
我還未知要怎樣做呢！
乘村巴回家時被聖靈催促著回教會祈禱會。
掙扎了好幾下，最後決定還是按聖靈感動。
今天為懇親會祈禱！的確很有意義！
因為我也真的很感恩能邀到我的媽和家姐呢！
我實在知道這是我能向屋企人傳福音的機會，
也是改變我家庭佛教化的一個出路。
回家之後邀請我的爸爸，佛教化的源頭；
他竟然應承了，真是太感謝主了！
我希望神會為我用聖靈感動他們，
讓他們可以再想一想，是不是信耶穌更真實？
誰要愛你 我能攜有武器
若我呃不到自己 怎說理
誰更富有 我們惟有奮鬥
若你一生不離開 不放棄
就是遇到你 我再不想當兒嬉
每天即使晚睡早起 全為求爭一口氣
*#共你熱戀可抵擋 冰天雪地
共你擁抱能 忘掉名利
沒有一個人 再可以可媲美 (沒有一個人再可以可...)# x 3
神會愛你 我靈魂更愛你
像我歌中的靈感 充滿你
完美愛侶 我才和你配對
願我一生都在演 這套戲
就是遇到你 令我不想再兒嬉
每天即使晚睡早起 全為求多點親你 Repeat *
起身超眼訓，不過為左唔遲到都要起架啦！
又冇梳頭又冇Gel頭，為左唔想miss左班村巴。
成個上晝都係試粒4E，個Template明返小小。
下晝老細同我講搞掂粒野就有Project比我跟！
哇！又驚！又興奮！仲有少少壓力！
因為我唔可以再慢慢睇個Template啦！
下晝拿拿聲睇多次個Template就同老細講搞掂。
呢下就知咩叫「山板」充「炮艇」，(>_"<)。
一黎就竟然係兩個Project一齊跟，佢條友都好信我啵！
不過我唔知點樣先可以信我自己掂！
好比心機咁去睇左D Spec.一次，唔係好多野。
不過唔好話唔多野，我都未試過搞d咁整全既Toys。
放工前已經整理好兩個Program Flow，
聽日開始就要搏到盡喇！要能自己所不能！
接到個Project既時候不禁喜形於色。
神聽我既祈禱帶我去到呢到，就係我想做既工作！
我既夢想係呢幾個月一次過咁實現左唔少，
我要努力去實現埋其他夢想同埋理想。
好記得一句說話：「人因有夢想而偉大。」
個鼓終於都搞掂，
不過唔識分channel所以唔可以同時間出多過一個鼓聲。
都好滿意架啦！
不過我冇個粒IC整唔到個鼓比自己玩。Damn...
學完4F又要學4E，睇極個template都唔明。
今日走得超準時，睇左成日真係咩都夠。
希望唔好咁快氣餒，要比返心機至得！
今日邀請家姐去懇親會，又成功左！
真係估唔到！
冇信心，不過肯問，神的確會預備。
Praise Lord! Thank you Lord!
母親節，一家人飲茶；
原本想返教會，情況不許可。
中午回家少睡。
夜晚，到荃灣同阿婆食飯；
阿婆個肚太痛，所以冇黎到。
食飯之後探阿婆，媽咪用佢識既方法幫阿婆醫。
又唸經，又運氣。
阿婆都跟阿媽拜神、唸經、誦佛；
跟她講耶穌就好似叫佢玩電腦。
我鼓起勇氣同阿婆講我信耶穌，為佢祈禱。
佢竟然識，原來佢聽過耶穌個名；
佢話佢樓上有個鄰屋都係基督徒，都有為佢祈禱。
我好感恩，原來神做左咁多野！
下次如果我可以同阿婆一齊祈禱就好啦！
之後我仲邀請左媽咪去懇親會，佢應承左！
我真係好開心！
因為我一直真係唔敢開口！
我等左母親節開口好耐，終於等到。好野！
星期6以為一個上晝就可以搞掂個鼓，
點知有好鬼多Bug! 慘！
我驚之後冇時間比我整啦！
不過呢件事話比我知，
原來我對粒IC同埋個Program template只係一知半解，
做人真係唔可以咁易自滿。
下晝約左雯姨同埋兩個表妹飲茶。
其實由我岩岩做文化博物館就已經約左，
不過我到而家先至兌現，哈。
佢地原來唔多好飲茶，於是去左食50嵐。
真係錫住我個荷包喇！
見到兩個又令女又可愛既表妹真係好！
情方爛玩d同埋痴我多d，所以同佢玩得多d。
之後上左阿姨屋企，第一次去咋！
我其實都好似第一次自己上親戚屋企，
以前都係因為同阿媽去或者因為新年。
雖然其實真係冇咩野做同埋有dd無聊，
不過打破左咁多年黎都唔會主動去同親戚聯誼，
所以實際上都係一件好有意義既事。
夜晚同天諾去左黃貫中既Let's Fight!
算係第一次特登去現場睇明星，
不過我原意都只係抱住開眼界既心態入場。
一入去，個感覺就好似《爆粗Band友》既場境，
估唔到我竟然可以身處其中。
D音響真係呯呯聲，個Bass震到落心口。
D Band Sound都真係唔錯，
雖然有d Bnad既歌我真係唔識欣賞，
但係佢地真係各有特色。
成場除左阿Paul之外我真係冇一隊識，
不過我對每一個鼓佬都很欣賞。
當一首歌既歌詞你唔識或者唔明，
當台上面既面孔你唔熟亦唔面善，
唯一令你可以享受首歌既，可能就個Beat！
當我想像著自己在鼓的位置上，
我發覺每一首歌對我來說都是同一首歌，
當中享受的不是歌詞的安慰，
當中享受的亦不是旋律的陶醉，
只是身體和拍子同步的合一令人暢快。
「我是老粗，不懂說話。Let's Fight!」
我真的渴望可以組成一隊Band，
但我知我音樂的造藝實在差太遠。
不過我會比心機，Let's Fight!
結他、打鼓、唱歌，就算One Man Band我都要組！
見到阿paul、何超、Soler，意外收獲係見到盧巧音。
Fight for what? Fight for yourself! Let's Fight!
今日冇人比野我做，我自己搵野做。
自從我熱衷打鼓開始，就想整個電子鼓；
今日，我呢個夢已經實現左一半。
用6個Buzzer做鼓板，
用AM4Fxxx做Processor，
加左6粒LED顯示鼓Hit既Status；
真係好興奮，個心好甜。
聽日星期6，等我整埋佢先。
放學約左舊同學老朋友食飯。
去左屯門扒王之王，我比-10粒星！
好後悔帶頭去左呢間舖頭，
所以我一直咁唔想做決定，
因為我真係好少揀到好野！
所以六合彩我唔會買，
所以我好多決定都要祈禱，
因為靠我真係冇運行。
呢個世界唔會得我一個未拍拖掛？
係又點？哈~好彩仲笑得出。
第一次坐80km/h既電單車，
個口笑到合唔埋，好過癮！
其實都有少少驚，即刻祈禱。
上年係陽山七拱個次冇戴頭盔，
感覺仲Free，不過冇咁快。
今日工作上算是已完成學習階段，
聽日之後也許是時候實戰了。
尋日搞掂埋個Scan keyboard同埋Debouncing，
原來Debouncing冇我以前諗咁簡單，
公司Product果然係要求嚴格一D，I like it!
今日終於出到聲啦！我指個Demo Board。
睇左成個上晝，頭都大埋，好眼訓；
下晝同事講左幾句，我問左幾個問題，
一清二楚，搞掂曬！識得出聲真係好開心！
返工第一日已經覺得公司既環境好低能。
因為 D Engineer成日試Program，
不同語言，英文、德文、法文‥‥‥
不同樂器，鼓、琴、結他‥‥‥
不同歌曲‥‥‥
仲有好多好奇怪既大呼小叫聲會由個喇叭走出黎。
今日我就係咁播住我個Program既歌，
為既係弦耀自己已經征服左粒IC，
另外亦都係配合我極之興奮，合唔埋口既心情。
