今日起身返去上ｇｅ遲左半個鐘，上次都係咁，不過個ｍｉｓｓ都係好ｆｒｅｅ唔係好ｃａｒｅ，所以冇咩事。同阿ｐａｕｌ佢地食ｌｕｎｃｈ，不過今次自己坐開等佢地ｄ ｆｄ黎先有人同我食，不過我都發揮基督徒唔怕同人接觸既特質同佢地傾計，係講下野姐未至於交談到ｄ咩既。之後又上ｇｅ，今堂好少少聽到尾，不過唔係好捉到佢想講咩。今日主動坐左係上個禮拜我問佢借個本ｇｅ既女仔隔離，睇佢張ｑｕｉｚ紙既簽名知道佢叫ｃａｔｈｙ。好彩有佢唔係個ｑｕｉｚ都唔知答咩好。
之後就上３６１，都唔係好聽阿ｓｉｒ講，不過最尾又知佢想教咩，ｏｋ咁啦！
去左祈禱會，得阿明牧師同我。今日好似又似ｄ祈禱喇！點解會習慣左祈禱就會問咩叫祈禱呢？係咪好似人地咁拍得耐拖都唔知咩係拍拖既迷失一樣呢？今日好似同神近左ｄ。某程度上我覺得自己幾識祈禱，不過可能係好識講野就真！
羅馬書 ４章。洗禮是我們未洗禮前信心的記號，信心叫我們在沒有指望的時候得堅固。
星期１都冇返ｐｏｌｙ，成日就係係屋企，不過都做左唔少野架！都幾開心既，因為自己都總算冇啥到ｄ時間。打左一半會議記錄，買左枝筆，不過好似都冇咩喇喎！仲有既，咪寫左本ｌｏｇ ｂｏｏｋ囉！１２點先開始寫信俾歡歡，寫到成３點！之後沖涼都成４點喇！之後都仲要唔訓ｕｐｄａｔｅ ｄ ｄｒｉｖｅｒ，我都唔係好頂得自己順！
今日返到ｐｏｌｙ ｔｉｃｋ唔到ａｔｔｅｎｄａｎｃｅ，失敗！之後去左同振振食飯，之後再見ｐｒｏｆｅｓｓｏｒ。跟住ｈｅａ左陣就去可藝喇！訓到爭ｄ落唔到車！
今日教可藝唔係好掂！一黎先己冇咩備課，自己好明顯感覺到問題係邊到。今天亦深明「老師同學生既分別其實都只係老師比學生早少少睇本書」呢個道理。
夜晚同啟宇阿程同埋啟宇媽媽係ｄｅｌｉｆｒａｎｃｅ到食，之後就上神學概論講基督論，又有好多野塞入腦，有唔少唔明既野，不過見到讀神學真係唔係咁易！ｉｍａｎ打俾我不過我校左靜音，都唔知咩事。打返俾佢又唔聽，又話打返俾我又唔打！
星期５冇返ｐｏｌｙ，即係又冇做ｌａｂ，就去左可立補習。今日開始既時候都ｏｋ，不過之後有少少難ｈａｎｄｌｅ喇！
星期６返左ｐｏｌｙ冇返教會，不過都冇咩用，總算學到少少３６２既免強黎講。聽阿ｓｉｒ講左ｄ我都識既野，不過學到少少新野既。去左ｅｆ ｌａｂ做左個ｅｘｐｅｒｉｍｅｎｔ關於個ｒｅｍｏｔｅ既，ｏｋ咁啦！開始有ｄｆｙｐ既氣氛喇！之後去左元朗同阿佛佢地食飯，講真有少少係佢地一廂情願地覺得齊人好玩，不過我又唔係話唔好玩，只係佢地我都唔係好識姐！不過都ｏｋ既希望大家做到ｆｄ咁啦！打邊爐打左９８蚊，呢ｄ錢係我第一次用信用卡現金透支出黎架！即係唔係好野。之後去左打籃球，打得都開心既，下次可以繼續喎！完左就去阿佛到訓，講真一直都係有好多野想同阿佛講既，不過事隔耐左好多野又冇左想講既衝動喇！我地玩到３點就訓，訓之前都有傾計，不過明顯阿佛好想訓，我都好累架不過！ｄｅａｔｈ ｎｏｔｅｓ，依舊好睇。
星期日教耶小，ｏｋ啦！都免強可以，不過呢感覺就好似冇返過教會咁。練歌練鼓慢慢變成係教會最開心同埋ｅｎｊｏｙ既野。３點就出去藍田開會喇！開會都幾好玩既，同埋都有好多教學既反思，同埋我仍然都係咁冇紀律同埋責任感。一齊食野，大家似乎因為唔係真係好熟而冇咩野講咁有ｄ靜，何姑娘明顯咁做左好多野令大家有話題同埋焦點。知道左何姑娘一ｄ家庭背景同埋認識左少少佢老公。又睇左佢ｄ婚紗相。
打左俾ｎａｔａｌｉｅ問佢份工既進度，不過不知不覺咁大家就傾左好耐，由藍田一直傾到返良景樓下，整整有個半至２個鐘，厲害！都認識左佢多左，同埋都唔覺佢真係咁靜同埋冇自信姐，不過有ｄ位佢既思想係有ｄ怪，不過怪可能只係因為我用自己既思想比對出黎既結果姐！
今日７點１２起到身，７點半到出門口，不過返去去都係遲左少少，不過對比以前，今次可以講係十分準時喇！阿ｓｉｒ講左題ｒｃ ｃｉｒｃｕｉｔ，講真只係明ｄ唔明ｄ，不過都好過聽佢唔到啦！由於冇ｎｏｔｅｓ，上佢堂有ｄ跟唔到添！我要再著緊ｄ至得喇！
之後都未去食飯，不過又冇去到上ｍａｎａｇｅｍｅｎｔ，係ｃｆ做左３８１份功課，好彩有做到姐，而家都識點做喇！之後去左食飯，試左新野，不過唔試好過試，麻麻地好食，即係唔係好好食。
之後返去上３８１，今日上堂真係訓死，好眼訓好唔掂！同埋都唔係好知阿ｓｉｒ講乜！基本上都猜咩人聽佢講，佢都有少少飛既感覺。
再上３６１，因為佢地話今堂有ｔｅｓｔ可以拉返上次份卷個分。我有６１分呀！係班入面算係幾高分，可能係５至１０名內。阿ｓｉｎｇ佢地都係３０零４０分咋！搞到我都再努力左向呢科比多少少心機落去。今日做既個個ｌａｂ，都識左好多，ｅｖｅｎ冇上堂，不過始終唔上堂都係有ｄ問題，但為左幫人頂堂咋！原諒我啦！
夜晚去左浩然屋企整機，佢間屋原來都仲亂過我屋企，不過佢地一人有一間房，幾正！寶華為左招呼我特登煮飯，聽浩然講原來平時係唔會咁煮飯，只係落街買野叮架咋！我都有ｄ尷尬。講真，整電腦就係咁，成日週圍去唔同人既屋企家訪同埋食飯。我覺得幾好，大家好似會ｃｌｏｓｅ一ｄ咁。佢部電腦我搞左好耐都係搞唔掂！最緊要既係連ｋｅｙｂｏａｒｄ佢都睇唔到！點入ｂｉｏｓ呀！入唔到ｂｉｏｓ我都唔知點整到佢用ｃｄ ｂｏｏｔ機再重裝ｗｉｎｄｏｗｓ喇！最後我咩都抆曬出黎得返底板ｃｐｕ同埋ｒａｍ，佢都係睇唔到ｋｅｙｂｏａｒｄ同埋入唔到ｂｉｏｓ，所以我下左個定論話個底板應該有問題，我相信都應該係架！
我帶左個ｈａｒｄｉｓｋ返屋企打算幫佢ｂａｃｋｕｐ ｄ ｄａｔａ，點知原來佢個ｈａｒｄｉｓｋ真係中曬毒，仲要係好毒個隻！咁‥‥‥唔知個底板有冇壞呢？嘻‥‥‥
今朝９點半起身，正好係應該出門口既時間。不過我係要半個鐘要換好衫同埋梳洗既，所以都遲左半個鐘先至返到去上ｇｅ。今朝既ｇｅ係上中國既政治體制，我覺得都幾好。真係既，作為一個大學生係應該對呢方面有ｄ認識，另外作為長遠想係國內做傳教士呢個目標既我都係應該識ｄ ｌａｗ既。ｓｈａｒｏｎ今朝都有上ｇｅ，ｌｕｎｃｈ就撇低阿ｐａｕｌ同振振去左同佢食飯喇！應該話食米線，因為去左食雲南米線。食左個雞絲米線，一般咋！仲要唔夠食，再叫多個水餃先至夠，不過夾埋都要成４７蚊。呢舍係我既ｌｕｎｃｈ！
之後去左上另一個ｇｅ，上中國科技，都唔知個鬼佬講咩！聽到真係好鬼眼訓！到２點半就撇左喇！
今日代阿邦教小３，佢地個班都唔係話太曳，都可以ｃｏｎｔｒｏｌ到既。今日我都教得幾開心，因為佢地都唔係話唔肯用腦個ｄ。講到唔肯用腦，我會諗起曾麗絲。
夜晚有返祈禱會。最近都真係冇咩ｍｏｔｉｖａｔｉｏｎ返祈禱會。唔係得牧師星期日個句同埋「偉人之所以偉大係因為佢地係唔想做既時間仍然堅持去做」我先至返咋！祈禱，我仲要再諗清楚咩叫祈禱，仲要體會一下點為之一個全心投入既祈禱。今晚既祈禱有ｄ心散。仲有，我好驚自己變成只係用口祈禱既人。
夜晚淑儀提點我要守時，做好榜樣，又講左個生命查ｆｉｔ人既主角，坐輪椅既個個羅左個最守時獎去鼓勵我，但係我只覺得佢好似阿媽咁好煩。不過自己一個既時候聖靈就好清楚咁用上星期日既道去提點我督責我不受教的心。明白淑儀是以我是有智慧的人才提點我，又思想「偉人之所以偉大係因為佢地係唔想做既時間仍然堅持去做」這句話。現在想起來，當年主釘十架前也不是太希望上十架，佢驚，不過佢都完成左，盡左佢要做既。我都應該學似耶穌。
今日都唔遲起身，９點３到啦！１１點就返到去雖然都係遲左半個鐘到。上ｆｙｐ既ｗｒｉｔｉｎｇ ｓｋｉｌｌ，都幾好既，畫ｍｉｎｄ ｍａｐ，俾左個好好既ｐｒｅｓｅｎｔ練習我，最緊要係俾左個時間我諗清楚一ｄ我地個ｆｙｐ！個阿ｓｉｒ係老外黎既，不過佢好似對我地ｐｒｏｊｅｃｔ好有興趣咁，不過做唔做到都仍然係未知之數。
晏晝去食ｌｕｎｃｈ啦！係拉記門口等阿星，點知撞到ｎｏｌｌｅｌ喎！俾左隻邪牛丸佢，佢話下次約食飯喎！今日ｌｕｎｃｈ都仲係魚片粥不過就唔係雲吞麵係水餃。食完就去ｃｆ搞我地篇ｅｓｓａｙ，超辛苦咁終於搞掂，算係ｓｕｍｍａｒｙ左人地個ｗｅｂ咁啦！搞到３點半，咁我唔上ｍａｎａｇｅｍｅｎｔ去可藝補習喇！
去到都係搭半咋！都仲有時間俾我整理下ｄ ｎｏｔｅｓ同埋同ｄ ｍｉｓｓ ｓｏ ｓｏ下。５點就上去喇！得兩個女學生，對門又鎖住左。開左都係多一個男仔咁大把，因為其他個ｄ好似都去左社制籃球。咁叫梁志恆做數啦！好似私人補習咁！過左幾個字就多返兩個啦啦隊既女仔喇！咁我都開心少少，樂觀少少喇！個學習氣氛都好左，我就講一講個百分增減喇！都講得幾清楚，自己就好滿意喇！叫佢地做數，唔明就問。我覺得自己都真係有ｄ似老師，同埋我ｆｅｅｌ到佢地係好重視同埋尊重我既，撇除左上次少少既不利因素ｌｕ。今日佢地仲有ｄ人留係度問返清楚ｄ ｃｏｎｃｅｐｔ添！唔錯唔錯！佢地都有進步！
改埋ｄ卷就走人。同阿程同啟宇去左彩雲軒食麵，之後就去宣道會上堂喇！今日個課程講ｄ野好正！ｏｐｅｎ左我既ｍｉｎｄ！真係好ａｍａｚｉｎｇ！我覺得真係好我有機會上呢個咁正既ｃｏｕｒｓｅ！上完就返屋企喇！去左銀行ｃｈｅｃｋ戶口，都仲未出糧！有冇搞錯！
星期１，發左個衰夢。起身，就返ｐｏｌｙ喇因為要上３８１。上ｐｏｌｙ樓梯時見到ｓｈａｒｏｎ，佢好似感覺有ｄ突然咁，不過因為我見到佢先所以冇呢個感覺。最特別既係尋晚係ｍｓｎ佢叫我唔好再搵佢因為話我好煩。講真我知佢唔係真係話好煩既只係佢有好多野唔開心同埋佢覺得好煩，不過佢ｓｅｎｄ ｄ唔好既圖過黎我就真係好唔鐘意而且叫佢唔好再ｓｅｎｄ，我覺得真係唔會係我既錯，所以對我黎講見到佢我都係可以好輕鬆咁講句ｈｉ，不過就唔知佢會有咩ｆｅｅｌｉｎｇ喇！少管也罷，我趕住上堂。
上完堂去食飯。同左ｄｉｃｋｙ同朱展去食，都係同佢地吹下ｄ無聊水。之後去ｃｆ ｓｅａｒｃｈ篇ｍａｎａｇｅｍｅｎｔ ｅｓｓａｙ ＱＴＭ既料。夠鐘就去上堂，上３６２ ｔｕｔｏｒ。佢今次都真係教野，教得我都明明地。只係原本之前個ｄ完全都唔明所以都冇辦法完全去到了解。上完之後同朱展去左旺角買遙控。不過行左好耐而且講真都唔知應該買ｄ咩同埋點樣買法。行到一間，終於問得好清楚舍老細，我地都終於明白好多喇！不過問題又黎就係話我地跟本都唔可以識得點樣拆開佢黎駁落８０５１，因為佢用既係ｖｒ而唔係我地原本好簡單咁諗係一個ｓｗｉｔｃｈ。朱展就好堅持買，不過我就覺得唔買住好過。我地係條街都爭持左好一陣，佢話買，我話唔買。最尾都俾我講嬴左，佢都應該明白個ｐｒｏｆｅｓｓｏｒ既要求有時候佢自己都唔知，反而我地做既就要每步都好清楚喇！如果可以ｃｏｎｔｒｏｌ到一個簡單既我地先至有條件同埋基本既知識去控制另一個比較複雜既控制。而且我地好應該留返ｄ資源ｆｏｒ ｓｅｍ２去ｄｅｖｅｌｏｐ我地既ｐｒｏｄｕｃｔ。好彩佢明我既ｐｏｉｎｔ姐，而且希望佢真係明啦！
之後同肥貞食飯，去左旺角既沙爹王。食左一碗超辣既米線、一碟咖哩牛肉炒飯、一碟椒絲腐乳通菜、焗芝士茄汁餃子、龍蝦湯，真係好正！杯凍檸蜜都係好正好正！有ｄ好似者喱咁既野吮架！
返屋企踩單車去車厘子度俾ｄ顏色佢，因為佢聽日要考ａｒｔ。返屋企開工做我既ｅｓｓａｙ，諗左兩個鐘都唔知點做，之後ｃｏｐｙ左人地一個ｗｅｂ ｓｉｔｅ就訓覺啦！
星期日我踩單車返教會，都好準時架！搭１０就返到喇！比平時都早。牧師篇道教導我地待人應該懂變通，就如箴言所講的「你不要責備好譏笑人的，免得他恨你；要責備智慧人，他必愛你。」所以有時候要知道唔係自己見到其他人的錯而不出聲，只係有時候出聲只會破壞關係，而致使更難去做教導的工作。點解成日都好難記得牧師講既道呢？不過卻係覺得佢講得非常之好架喎！
崇拜之後同阿架傾開計，講到佢既工作，講開佢係銅鑼灣做野，我就順勢問佢有冇工可以介紹俾我一個女仔既ｆｒｉｅｎｄ。佢竟然話有，唔通神都真係幫灰姑娘？咁我就捉緊阿架，希望佢真係可以介紹到份工俾佢喇！
查經，查利未記１８章。講不可亂骨肉之親。我有兩個問題問馬榮，不過好明顯佢所講既唔係我所能夠完全接納的。不過我都可以理解佢既觀點既。不過我覺得神係唔會玩人既神，帶得佢地入去就應該係迦南人既罪滿左盈。另外一個問題牧師都肯定左我既觀點，個個活著係解肉體既生存。
晏晝同牧師兩個人食飯，真係千載難逢既機會。因為牧師整親隻腳所以唔去得遠食飯，所以我陪佢。我地既話題有講係神學既又有講查經既都有講ｄ另外既，都好平均。唔係話講得好雀躍，不過都有好多野講同埋問。
食完返去就開會喇！今日開會都其實唔係好似開會，似會報一ｄ野多ｄ，而且都幾靜下，冇咩人有發表。
之後就返左屋企喇！返到屋企好好咁執野，都執左好一陣，之後就整齊曬喇！夜晚終於羅左ｃａｔｈｙ電話喇！唔好想溝佢，只係想幫佢搵到份工，等佢可以知道神，同埋相信世界真係美好既。
今日８點半就起左身，搞到成９點至出門口，因為又上左陣網同埋沖左個涼。去ｍ記買左個開心樂園餐，換左隻邪留丸，我好心幫人換架咋！唔係為左溝女架！係車度睇左本講寫手提電話ｊａｖａ ｇａｍｅ既書，好似都幾明咁喎！
返到去１０點，遲左半個鐘姐！羅左ｄ ｌａｐｌａｃｅ既問題就做喇！都唔知點做！都冇人教！真係估唔到呢個就係所謂既ｍａｋｅ ｕｐ ｃｌａｓｓ！不過同阿ｗａｙｎｅ都做到５題到，而家識返以前ｐｕｒｅ ｍａｔｈｓ ｄ野啦！不過講真，真係好無癮囉！１２點半就去左唱ｌｕｎｃｈ ｋ，唔係我想架！不過全部ｆｄ都去，我亦無理由一個人去食飯咁戇居假！唱到成３點，原本應該要點半返去既。
返到去竟然見到ｃｋ ｌｉ，佢唔知教緊ｄ咩，不過似乎冇人明咁姐！佢正講正講，都冇人明。不過又係自己衰先既，又唔睇ｎｏｔｅｓ，唔明都係自己羅黎既。ｃｋ ｌｉ講完之後又吹水，吹到４點就走喇！ｄ人全部都跟住走，得返我同朱展，好無奈囉！我地搞左陣都係唔明阿ｓｉｒ寫咩野，之後就傾ｐｒｏｊｅｃｔ ｄ野喇！傾左陣都係冇咩結果，５點半就撇喇！
返到去同心圈仲開緊會，好似講左好多好偉大既野咁。之後就，到我地約翰組開喇！我今次都學精左，好安靜，一ｄ都唔衝動咁睇下盼恩既意見先。開會都好順利，唔錯！同盼恩既合作好似愈黎愈ｏｋ喇！真係好！不過覺得先己同神既距離真係好有問題，個ｇａｐ好似好大咁！問題一定係我度，但係究竟係邊到出問題呢？真係要好好諗下。
８點返左屋企後羅埋個ｈａｒｄｉｓｋ踩去寶田幫眉姐整電腦。爭少少野就落左去買，好多間野都收左皮，搵左好一陣都好彩俾我搵到間未閂既，好彩。買齊曬野都係唔知點解唔著，又搞一大餐，祈左禱之後又真係搞得掂喎！呵！眉姐包左１５隻９菜豬肉餃請我食，湯底係紅蘿蔔湯，好味好味！華華，仲送左個磁石同埋一個十字架俾我，佢真係好可愛。
星期５ １２點起身就約輝食個ｌｕｎｃｈ，之後就出去可立喇！ｄａｙ ｏｆｆ丫嘛，都幾悠閒。心情靚所以都買左盒樂天熊仔餅俾我班ｄ仔，不過係希望佢地會乖而俾佢地。好可惜，我一ｄ都感覺唔到佢地有咩咁乖。不過今日千年難得咁好早就到，有ｄ唔知做咩咁既感覺，因為平時都會好ｒｕｓｈ。
今日佢地都冇個乖，都唔知發生左咩事。我用左好多時間令佢地平伏。如果照原本邊個乖就有熊仔餅既話，佢地冇一個可以得到。今日又係計印仔又係寫１０月導師的話既日子，所以今日我都好忙下。佢地做功課係得高子晴、曾麗絲同埋彭志健有少少心架姐！其他人都冇咩認真去做。係到我羅左ｄ熊仔餅出黎佢地先至識得乖ｄ同埋聽話小小。我轉左個ｐｌａｎ就係要佢地畫齊佢地學左既４邊形就可以有，佢地有ｄ都好求其，我要佢地改到好靚先至俾佢地熊仔餅。何銘恆都算俾左ｄｄ面我或者係何姑娘架啦！佢之後都肯去做左樣功課俾我。我又要諗下下一步棋應該點行喇！葉泓軒，我真係唔知點解呢隻仔咁難搞，愈黎愈冇禮貌同埋跌序，救命！我一定要佢見何姑娘先得！因為今日係寫１０月導師的話，我都狠下評語，佢地係點我就照寫，希望佢地知道都係會認真架啦！有時都覺得冇咩符，真係！不過講真，真係可能要求下神幫下我，成日用自己既力量都好似冇咩效果咁！求神讓我懂得點樣運用自己既魅力啦！哈！
放學就返屋企喇！返到屋企玩左陣電腦就約左輝去踩車。由屯門踩去市中心再踩去天水圍，都去到好入下，去到濕地公園至回頭，踩返去建生，食左我既晚餐，一碗加左底既牛膀麵同埋一杯凍檸蜜。有左部單車之後多左好多運動，同輝又ｋｅｅｐ得密左，幾好。
