今日終於上完所有堂啦！學到唔少野！真係想整返個網頁！

晏晝特登食左個３送飯，有苦瓜、矮瓜同埋咖哩薯仔雞，ｄ苦瓜係用黎掛念歡歡既！不過間味皇ｄ苦瓜唔苦，都幾好食！

《你轉身我下樓》都睇完啦！個結局都算ｈａｐｐｙ　ｅｎｄｉｎｇ啦！其實呢本書真係一般咋！不過中間有好幾句真係恰到好處咁講出左我既情況同心情。係後段仲睇到好緊張添！只係前面幾章都有ｄ悶。

放學但係又未到約佢地集合既時間，我就由紅碪行去旺角喇！行到見到間書店，搞到我真係好想買小說，不過價錢真係一個問題囉！諗諗下又有ｄ想寫小說！哈～

夜晚去左ＡＣＭ，ｏｋ咁啦！唔係話好感動，不過係有ｒｅｍｉｎｄ姐！好似真係同神對話咁！神叫我睇聖經！唔好掛住睇其他書！