今日一早就出去同輝羅左個釣魚牌，２４蚊３年抵到爛啦！跟住就同佢去左朗豪坊度睇野俾ｗｉｎｎｉｅ，睇中左條手鏈，成３百蚊，輝真係捨得！咁都唔好話係冇野啦！哈！不知幾有野先！

去左大家食到食，蕃茄蛋手攪麵，不知幾正！又叫左碟油菜同埋一碟淨油查。原來炸過既肥膏就叫油查，一直真係以為真係油查黎架！一人３０蚊落樓。同輝都幾好玩先！幾好幾好！

之後就返屯門睇戲喇！約埋承恩佢地，應該話係佢地約我！不過去到巴倫紐先知原來睇５：１０，咁所以我就冇睇喇！每人津貼左佢地１０蚊就返屋企喇！佢地話我好型！哈！件褸成８９０架嘛！不過今日可能真係行左ｄ既！嘻！

去左茶軒度食，都ｏｋ架！其實我幾諗住食大ｄ，不過似乎唔係咁多人有興趣。今日既氣氛好ｇｏｏｄ喎！幾難得！不過琳琳好似有ｄ怪！

今日同嘉賢同承恩一組佈道，一開始唔係好順，不過之後靠住嘉賢既直覺真係搵到個有需要既人！願主大大祝福佢！好開心真係同佢傾得好深入呀！佢係一個４０歲既男人，做速遞既，平日會落ｄ返大陸個ｄ，不過以前返過下教會。我同佢傾左都幾耐，佢都好似搵到ｄ野咁！同佢傾計，好有聖靈既感動！願主真係打開佢既心，讓佢重新被主愛灌溉！

夜晚同ｋｙｌｉｅ佢地食糖水跟住就返屋企ｌｕ！今日都好開心喎！感謝主！