做左呢間公司咁耐，終於得到少少好處。

澳門，一個未去過但有少少陰影既地方。

今次公司澳門一天遊，

對我呢個鄉下仔黎講真係開眼界。

第一次。

周圍去，都ok好玩啦，同fd會更好！

咁樣去一去，同同事係熟好多。

食得好正，水蟹粥田雞粥，正爆！

豬扒包同葡撻，食過返尋味！

夜晚食左葡國菜，頂到上心口；

不過個碟魚舌，真係又難食又嘔心！><

最後個木糠布甸，正到無輪。

同阿健捉象棋，真係要封佢做棋王！

象棋係其中一樣我好想復興既玩意，

一直都耿耿於懷棋藝太差，

而家又有返個心去研究一下。

係老虎機遇到一個好得意既姐姐(應該細過我)，

佢係係威尼斯人做老虎機看場既，

佢介紹自己係一個鐘意見到人贏錢既人。

我地因為冇聽佢教既方法去玩老虎，

佢就講左句一生都難忘既說話：

「真係想鬧到你PK。」真係好得意。^^

賭！我真係冇賭到。

一黎冇本，二黎我永遠唔係有運氣既人。

我睇住阿健賭，

明白佢既理論，睇見佢既實踐；

我係對於賭呢方面有多好多反思。

呢個可以講係真理同世界既定位問題，

如果勝過試探才是最關鍵。

威尼斯人，700呎的房間，兩個人訓。

高床暖枕，屋企既硬板床怎去比？

算是我訓過最華麗的一晚，

不過閉上眼，其實也只有床墊的分別。

「肉體的情慾、眼目的情慾、並今生的驕傲。」