睇完表妹既日記，就留言，點知就留左成篇日記出黎，如下：

「今日我有去探婆婆呀，佢好精神，不過佢都不時流眼淚。

到左呢個年紀，我知佢只係想一家人可以開心，我知佢為左阿姨舅父佢地開心做咩都可以配合同埋就佢地。

今日問婆婆係唔係好驚？婆婆話佢真係好驚。

就黎唔係度喎！我諗第時有人問我，我都會唔知點答。離開世界，唔係好似離開香港去第二度旅行咁興奮同埋簡單，卻係好似入左一間黑媽媽既房咁好驚，唔知會發生咩事咁樣。

之前聽媽咪講婆婆唔係好認得人，講佢食左嗎啡就神智不清。好彩，今日婆婆仲認得我，佢仲同我握手鬥力。佢而家冇飲嗎啡反而飲可樂，佢話飲左可樂個人輕鬆D同埋舒服D耶！

其實我真係幾想叫婆婆信耶穌。因為我知道佢唔係真係好想唸經，D經只係唸比人聽等人安心，佢其實好驚，但佢只可以講唔驚。如果佢係信耶穌既話，佢就唔洗有咁多顧慮同埋壓抑，可以真係面對佢自己既心。不過，點都好，只希望佢可以唔洗驚，可以好安心既行埋佢人生最後既一段路，有朝氣既走到終點。」