今日同阿Xing去左文化博物館睇古蜀文物。

之前係文化博物館做，好多保安阿姐都認得我；

第一句佢地問：「而家去左邊度做？」

講真個時冇同電訊以外既同事講唔做，

所以D人覺得我好似人間消失左咁。

其實我諗D MA都認得我，

只係我係度做既時候已經同佢地冇咩兩句。

講真D MA係後生女，唔係好似保安全部C奶；

理應係會講多幾句，不過我份人就係咁含蓄。

另外個時返工既氣氛似乎唔係咁易開口傾計，

同而家既工作環境真係差得遠。

古蜀文明，我最鐘意都係個d金面具，真係好型！

入面每件野都係我同阿Xing用黎玩同笑，

不過真係唔知個時D人個腦諗咩，唔知個d野有咩用！

但係有一樣野我想講，遲d可能會興戴面具，

係既話就好啦！我都好想戴金面具！好型！

最近返左新工既呢個幾月，感覺唔係好滿足！

可能因為做野博命左，對玩既訴求大增，

先至發現我真係冇咩玩既朋友，真係好少！

我真係好想打破一對一式既朋友關係。

我唔係好識係一群人入面相處，

我幾乎個個Fd都係勞唔埋，次次出街一對一，

如果可以有一班Fd咁你話幾好呢！

有既！就係次次都好難約齊人既PolyU同學><

最近既生活感覺係：「不滿粥。」