尋晚訓覺時記得前日發左個咩夢同埋夢到咩人喇！我發夢見到ｔａｔｕ，即係個隊唱直上英文版既組合。不過當然內容同現實係不符架啦！夢中個隊ｔａｔｕ唱ｄ歌有ｄ似ａｔ１７，不過個樣就靚ｄ同埋純ｄ，而且唔係鬼妹，不過令我好留戀！夢中佢地係我既ｆｄ，不過應該唔係好熟好熟個ｄ，我同佢地唔係純歌星同埋ｆａｎｓ既關係，係有ｄ朋友既關係。其中有一個仲對我有ｄ意思咁添，當然我都對佢有ｄ好感啦！記得係一個屋村度，其實個場景亦都只係我地良智樓好長又曲又彎既走廊，我同ｔａｔｕ其中一個有一個幾溫馨既場面，只係感覺溫馨咋！好似係我係佢地間屋出面即係走廊，佢就應承羅ｄ野俾我咁既。之後佢地係一間屋度為我演出，阿佛同埋詩蓓都係度，不過詩蓓就唔係好鐘意，仲有少少呷醋。佢地彈曬結他咁好型，我都幾ｅｎｊｏｙ同埋覺得佢地好正。此舉好似係因為佢地唔知要去邊或者做咩總之係要離開之類既野而最後一次當ｆａｒｅｗｅｌｌ既！之後就淨返我、阿佛同埋詩蓓喇！唔記得係歡歡打俾我定係我打俾歡歡喇！總之就係我同歡歡傾電話，而係夢中又好似可以見到對方查住個電話個ｄ　ｖｉｅｗ呢！咁詩蓓見到就好唔高興喇！我就好偷偷咁同歡歡約左地點，即係係樓下，跟住好似就見面喇！我都唔記得有冇真係見到面同埋見左面之後又點喇！反正最特別就係ｔａｔｕ，好搞笑竟然會有咁既角色係我夢中出現。