星期二好遲先起身，１１點幾，反正返到ｐｏｌｙ都只係見下ｐｒｏｆｅｓｓｏｒ，所以就索性唔返喇！而且ｄ錢都用得七七八八，都係慳返好過。

上網ｓｅａｒｃｈ中三既教材同埋Ａｍａｔｈｓ既ｎｏｔｅｓ，都有少少收穫，不過就用左我唔少既時間。食左ｄ野沖埋個涼就返可藝喇！

今日都準備左少少野，不過唔係ｗｅｌｌ　ｐｅｒｐａｒｅｄ。點知佢地今日係班際跳大繩比賽，咁就冇人上我個堂喇！我都應郭龍威既要求準備左ｄ題目俾佢地去做下，我自己就係教員室到做下數。

今日都仲係未出糧，ｍｉｓｓ　Ｌａｉ話幫我地吹下喎！馮ｓｉｒ今日搵我，羅左我電話，話有ｄ關於ｖｉｓｕａｌ　ｂａｓｉｃ控制硬件既野要搵我喎！唔知係咩呢？有ｄ心急同埋緊張。我都想有ｄ空間可以發揮一下我既創意同埋才能。

阿程轉介左一個懷疑自己唔知係咪入左間好邪既教會既同學俾我。哈！一黎可以睇下間教會係邊，因為個間教會都係建安個頭，都幾近我地教會；二黎又有機會領佢返我地教會，唔錯！神真係識安排。ｋｉｓｓ　ｇｏｄ！哈！

上神學概論，三位一體，都真係幾複雜，不過仲有三堂就上完喇！雖然幾想快ｄ可以上完，不過又好想上，讀下神學。

星期三，返左去上ｇｅ，雖然遲左半個鐘，不過ｐｒｏｆｅｓｓｏｒ都冇話我，仲要我識得答佢個ｑｕｉｚ添，今次應該冇死喇！唔洗ｒｅｔａｋｅ。不過仲有一關就係我個ｗｒｉｔｉｎｇ個ｔｏｐｉｃ仲未ａｐｒｒｏｖｅ，最大問題就係已經過左ｄｅａｄｌｉｎｅ喇！通常都係唔簽架ｄ　ｐｒｏｆｅｓｓｏｒ，不過我祈足禱，又用耶穌係客西馬尼園祈禱既方式求，所以我相信我既祈禱係合神心意既。我求主話想ｐｒｏｆｅｓｓｏｒ簽我既題目，但只要成就神既意思，又求主憐憫。感恩既係ｐｒｏｆｅｓｓｏｒ肯簽，不過要我星期一８：３０前返到去俾佢簽。雖然真係好大考驗同埋好難，不過感謝主俾呢個機會我。

食左個ｌｕｎｃｈ，還返廿蚊俾振振之後真係仙都唔仙下。

又上ｇｅ，個ｑｕｉｚ都識，過到關喇掛！

之後上３６１。由於上一堂冇上，都唔係好知阿ｓｉｒ講咩，不過神又憐憫，俾我明返曬喇！對呢科，都有ｄ信心。

夜晚去左祈禱會。祈禱會見到隻雞，可能係聖靈提我要為禽流感祈禱呀！

琳琳，我地而家祈禱會成日都會為你祈禱架！雖然你身處英國，不過你都係我地基石教會興田堂既好姊妹！要常常禱告，不可灰心啊！

真係冇曬錢喇！問細佬借左一舊，不過自己一早已經係佢銀包羅左一舊架啦！唔好話我偷啦！我係會還架！

今日冇上３６２，８：３０對我黎講都真係太早。呢兩日發夢都見到好多人呀！搞笑，我發夢同歡歡講電話添！更奇怪既係我已經唔記得發既夢係講咩同埋見到咩人啦！不過ｄ畫面又時不時閃係眼前。我淨係知道個夢應該都係幾開心既，因為發到我都唔捨得起身。

起左身都冇即刻返學，去左可藝到羅支票，１０月份返左三日，都係得４８０蚊咋！係呢個時間，４８０蚊真係好少，不過又信主會繼續供應既。

返學，３８１都唔係好明，好似已經教到好遠喇！不過考試又愈來愈近，加油呀！而家都係幾應該緊張既時候。

食左個燒鵝瀨做ｔｅａ－ｌｕｎｃｈ，又再上３６１喇！今堂玩多個聽書。