今朝電話響左我都冇理，結果成３點先至起身，我約左ｎｏｅｌｌｅ係市中心食飯，今日係佢生日。我估唔到自己竟然用左個咁特別既方式黎同佢慶祝生日，真係唔方唔慶喇！因為大家一直都係係網上面ｋｅｅｐ　ｃｏｎｔａｃｔ，所以都冇佢手提，真係‥‥‥難搞。好難想像佢會點，佢都好難想像點解我會咁我相信。由郭靖既年代到而家，我都係咁，點解約左人特別係女仔，都唔識早ｄ訓架？我真係唔明自己。

同嘉賢去左鄉村俱樂部溫書，佢見到我帶黎既野食都幾歡喜，今次大家都幾溫書下，今年係第一次同佢溫書。我溫左份半ｎｏｔｅｓ，不過都唔係好知道係講緊ｄ乜，希望佢地班野都快ｄ的起心肝溫書啦！今日係摩門教既人手上接左本摩門經，我係貪佢地本摩門經，我想睇下同聖經有咩唔同。

ｄ錢就黎用完啦！我意思係問家姐借返黎既錢就黎用完，而之前係東亞透支個ｄ就已經用完好耐。幾時先出糧呀？幾時先出ｌｏａｎ呀？幾時先可以剪頭髮呀？主呀！我需要錢！我知你會預備，多謝你先。