星期５冇返ｐｏｌｙ，因為遲左起身，仲要上ｐ２ｐ衰左，真係衰！我話我。

之後返可立，今日都教唔曬佢地野，佢地好多野問，搞到我又對唔切ｄ功課，最尾我留左曾詠豪同埋彭志健堂。曾詠豪就好唔開心，仲要有ｄ嬲我，彭志健經過今次應該知道要做得快ｄ啦掛？！

夜晚就準備約翰組既訊息喇！準備左好耐，搵左好多資料，睇左好多經文，又唔係真係話好多既，不過感謝主！我睇到使徙行傳，講到彼得俾天使帶佢出監既時候我經歷神既同在，只係一種好特別既感動，並唔係好似上次咁厲害既！自己都覺得準備得好好，不過真係驚自己會自大囉！呵呵！

成晚都冇訓，一黎ｂｔ　ｄｅｌｐｈｉ，二黎自己唔想訓，成晚睇ｊａｖａ書，ｄｏｗｎｌｏａｄ　ｊａｖａ　既ｓｄｋ，跟手又ｄｏｗｎｌｏａｄ埋ｌｇ既ｓｄｋ，不過ｌｇ既ｓｄｋ我真係搵左好耐好耐先搵到。ｌｇ基本上除左係韓國有出過呢個ｋｉｔ之外都冇用英文發表過ｄ咩！我頂！細牌子！

除左６點幾食過個麵之外，都係直到４點先食左８分１個蛋糕咋！個蛋糕係慶祝望祈生日，唔知點解，我真係覺得生日好重要！不過睇盼思望祈就知，佢地唔係好緊，因為佢地有人幫佢地緊左佢地跟本唔洗緊囉我覺得！

今日既訊息我自己好滿足，講既野真係好令自己滿足，覺得自己所講既真係同神既好近，不過都驚自己唔知會唔會驕傲，不過我真係好滿足。

同心圈開左個小會又祈左個小禱，之後６點９都已經散會喇！同心圈既定位，呢個係一個幾尖既問題我覺得，不過我諗到而家大概應該都有個同識喇就係大家會預左升上職青，只係可能會以導師身份去事奉同心圈。不過畢竟都係有ｄｄ遠，勉強去諗都好難諗到到時會點喇！

彈左陣結他都差唔多走喇！走個刻突然發覺自己同同心圈都仲係好遠，係唔係我自己走遠呢？我見佢地３個坐係張台傾得好開心，我，可以同佢地一樣咁開心嗎？

去元朗，搵阿佛打波，不過去到我都用左成半個鐘同歡歡傾電話，係我打俾佢既當然，我有ｄｄ掛住佢啦而且又想關心下佢，同埋佢係好既ｆｄ黎架嘛！打俾佢覺得佢既反應令我覺得好似好怪咁！雖然以前打俾佢有時都有少少怪既感覺，不過今次係有少少既已經改變左既怪。佢同我講聽日即係星期日佢會同個ｆｄ上唔知咩金山，我直覺係男仔囉！我個心有少少唔舒服。好似話係陪佢去撕一張好有記念價值既相，係已話即係呢個男仔對佢應該都會有ｄ意思。係呢度都提下自己，呢ｄ野都係我諗架姐，事實係點都仲未知，我唔敢問，以我既身份我唔應該過問。不過都係照同佢傾計，歡歡，似終都係歡歡，我亦預左佢會鐘意其他人，只係我仍然有少少既諗法，可能我地有某程度上既發展機會。

之後因為打波就唔傾喇！打波，籃球，一直都唔係我既強項，只係個個都打所以先去打，相交一下，並且覺得先己可能有得進步嘛！好多女仔都鐘意人地打籃球，真係唔知點解？

今日打波都好開心，同阿勁同埋阿冬都熟左，自己都玩得好開心，同埋球技應該都有少少閎進步。之後去左食野，一間茶餐廳，食左個雲吞牛腩麵加杯冬檸茶都２６蚊，不過就非常之咁好食！

之後去阿佛度訓，我都係趁大家訓覺先至同阿佛傾計，唔知點解鐘意呢個ｍｏｍｅｎｔ傾既，不過呢ｄ　ｔｉｍｉｎｇ傾計通常都只係得我講佢應。

星期日準時祟拜，講左預備約翰組經歷神既見證，鉅華帶既敬拜都係爭ｄｄ，寶華講既道都有少少亂，不過我都要提下自己，自己都唔係做得好好，同埋佢地可能已經盡左力而且神可能都已經喜悅佢地既事奉。完左就走喇！去明星同媽咪爸爸佢地飲茶，有阿爺、阿麻、二婆同埋阿公，後尾大家姐都到左。飲完茶就去左市鎮公園影相，我查相機，我覺得自己影相冇咩問題，只係爸爸講呢又講路，真係好煩，佢自己又唔係好識影。

之後返左教會，打左陣鼓，牧師話打得好好，我就唔係好覺。之後落左去同佢地打波，佢地話我好勁，我又唔覺，事實上都真係唔係勁。

４點幾就去承恩度睇佢部腦咩事，搞左陣先確定係個火牛燒左。落去買左隻牛就冇事喇！講真，第一次拆開人地隻牛黎確定燒左，爆左ｃａｐ。佢隻牛１９０，都唔係話平，不過就ｏｋ架喇個價錢。

返屋企上網約左ｎｏｅｌｌｅ食ｌｕｎｃｈ，星期１佢生日。又係咁練結他到成２點，都幾好玩，好耐冇練咯！