尋日ｐ２ｐ左好耐（即係係ｐ２ｐ　ｆｏｒｕｍ睇野ｄｏｗｎｌｏａｄ野左好耐），搞到３、４點，不過今朝辛苦少少都係９點起到身，返得切去上ｇｅ。不過搵唔到ｙｕ１０１，都唔知係邊，奇怪，去左ｔｕ１０１，不過上左原本下晝要上個個。今朝個堂係講廣東話既歷史同埋其他既地方既語言，總之都係香港以前有人講既話。不來好多而家香港講既話都係以前人地可能潮州可能係福建既話黎架！好搞野！原來蛋家話都搞笑，我媽咪就係講蛋家話架喇以前！

晏晝我冇錢食飯呀！可藝囉！咁耐都唔出糧，真係要告告佢先得呀！不過我有既係朋友，個ｆｄ得４０蚊，我地一人廿皮，真係ｔｈｘ曬佢。

之後又上ｇｅ，講當代中國，咩叫單位呀下崗呀個ｄ！都幾好，明白短宣既時候佢地既用語同埋佢地而家面對緊既問題，就係當時抓大放小既政策令好多人失業同埋冇野再可以依靠。

上３６１，都唔係好明阿ｓｉｒ講個ｄ野，上到６點半就返教會祈禱會。阿明都有返。幾好，阿明真係幾追求喎！最鐘意見到人地係咁，諗起以前既自己，亦都令自己更有ｍｏｔｉｖａｔｉｏｎ返祈禱會。

問左家姐借３舊水，希望可以搞得掂等到出糧啦！講真，其實我已經係信用卡透支左４舊水架啦！真係有少少擔心！