尋晚無啦啦都真係有ｄ情緒，跟住打左成晚ｆｌａｓｈ　ｇａｍｅ，個ｇａｍｅ真係好好玩！不過我就打到成４點幾，之後仲色心起‥‥‥犯罪了。

今朝起唔到身，遲左成個鐘返教會開退修會，返到去都有少少尷尬，不過佢地都算真係好俾面架啦！佢地或者都係無奈咁習慣左。

返到去就默想，默想今年既事奉得失成敗開心唔開心需要不足之處等等。呢個時間真係俾我好認真咁諗左好多野，而且一咁樣要同神親近就好知道我必須先認自己既罪以尋求主既赦免。

係約翰組既事奉上，我覺得真係有好多好多感觸既。就小組而言，佢地既個人成長亦都係好明顯既，佢地對阿明、昱姐同埋阿駿既態度上面係改左好多。而佢地對小組既歸屬感同埋佢地組員間既互相關心都好令我羨慕，不過我都好滿足好滿意。佢地肯跟我，我都覺得神真係好使用！

我都諗返起原本我好投入約翰姐但為要投入返同心圈而抽身，引致而家既景況出現，就係我同佢地冇左個份好熟悉好ｆｄ既感覺，可惜我同同心囤既組員間相處得又唔係好，兩頭唔到岸令我最近發展左好多同葡萄園既關係。葡萄園令我搵到個份關心重視。

同盼恩既相處，亦係呢個事奉好重要既課題，我見到佢真係改左好多不過我都係。改變，我已經習慣，只係要點樣改變先唔洗再改呢？我仲未能夠就得到。其實我係好想同埋好鐘意同盼恩ｃｏｍｍｕｎｉｃａｔｉｏｎ既，不過佢似乎覺得我係好具傷害性既，佢真係唔敢同我講太多野。我覺得自己係事奉約翰組既路上仲係有好多野要繼續學習同埋改既，例如遲到就一定啦！一定要改呀！

不足，我覺得自己好似冇ｂａｃｋｕｐ事奉咁囉！我覺得自己冇小組，只係係咁俾野人而自己就愈來愈倦。想要關心想要愛，但係我得唔到！我會好想要一個導師，我好想有人可以指導我好似我指導約翰組咁，我好想有人關心我好似我關心阿邦咁。諗返起一開始事奉約翰組既心，知道當時既熱誠，我好想可以羅多一次出黎，我好想可以愛多一次。

分享完我地就食飯，盼恩同ｒｕｂｙ雞啄唔斷。ｆｏｒ　ｍｅ，有少少唔自然既，不過都係已經習慣左。同佢地講野囉！都ｏｋ既，我都覺得唔會太寂寞。

之後牧師就真係開始講興田既十年計劃喇！都幾多幾多野架！而我，我比較著重牧師講個句，佢都想收返一兩個入室弟子，折磨下佢地。講真，我真係好恨被牧師折磨下，我覺得我信耶穌咁耐一直等緊呢個被折磨既機會。唔知點解佢地，我講緊其他開會個ｄ可以咁靜，唔通佢地真係對呢１０年既計劃冇意見？我就係咁問牧師野，問佢佢會用咩角色參與０６年既興田事工，佢話佢覺得對我地虧欠左好多。聽到牧師咁講，我都ｔｏｕｃｈ，我知牧師係真係好想同我地一齊出隊既！

傾話組織佈道隊，寶華、我、通哥都有好多既關注，我地都講得幾激烈下！不過最終要訂既都唔係我，係佢地，希望佢地可以得出一個ｅｆｆｅｃｔｉｖｅ又可行既答案同埋形式啦！

傾完同通哥行返屋企，我分享左我係同心圈既一ｄ感覺，某程度上我認同，我諗既野可能同職青近小小。返屋企羅完本ｍａｔｈｓ書就去盈豐俾ｊａｓｏｎ喇！又同ｊａｓｏｎ同埋ｊａｓｏｎ個朋友浩然傾左陣計。

今晚，係電話都同浩然傾左半個鐘計。我帶領住佢都講左一ｄ認真既問題，亦都問左佢一ｄ意見亦都窺探左佢對新人既一ｄ評架，當然我都教導左佢應該要點樣對新人啦！希望佢真係諗清楚係唔係信神啦！同盼恩都ｉｃｑ左陣。