今日８點就起左身啦！今日係踢波既大日子，雖然尋日好夜成４點先至訓。起左身落街買過對鞋，４５號好少少啦！不過因為唔記得左帶底褲所以返屋企羅返。經過上次真空上陣既經驗之後都唔敢唔帶咯！不過今次唔記得左帶襪，都幾辛苦同埋麻煩。

返到去都１１點啦！落場踢左兩場，表現ｏｋ咁啦！不過冇入球。我成日都好似大佬咁話人，講真，其實自己都係好屎波架姐！我都覺得自己有ｄ問題。不過ｏｋ啦！大家都幾信任我既我ｆｅｅｌ到。今日好多ｅｉｅｈｄ２既一齊踢波，感覺好好呀！以後可以踢多ｄ就好啦！識到阿ｒａｙ，佢真係好似張亮，個格同埋個ｆｅｅｌ都似。阿恆、ｊａｓｏｎ、薯仔、朱展‥‥‥識多ｄ人幾好丫！我而家真係幾鐘意去識人。

１２點踢完，係場邊抖左成個鐘，同ｄ同學吹下水，雖然都冇咩好吹，不過個感覺係幾好既。抖夠，汗又流完就去沖涼喇！沖完個涼真係好爽！之後就８個人去左都會食ｌｕｎｃｈ，食左２２蚊，我都算係慳左ｄ架啦！牛肉麵，都唔夠飽既。

食完返去ｃｆ５０３到諗住做或者抄功課，不過都係冇做到。根本就唔識抄左都冇咩意思！我仲回左以琳個ｅｍａｉｌ同埋玩左個ｆｌａｓｈ　ｇａｍｅ。４點半就去上ｔｕｔｏｒ啦！不過我就同阿ｗａｙｎｅ去左食ｔｅａ，我都真係爭唔落既！不過話時話，新ｃａｎ既ｔｅａ好食好多好多喎！只係比舊ｃａｎ多兩蚊囉！

５點半就同阿ｐａｕｌ同埋朱展去左鴨記睇野喇！我對住朱展就好容易擺出個大佬款，我都唔想，我都想學下心平氣和咁同佢傾同埋講，不過就係見到佢唔識又唔去學下同埋咩都話唔得同埋好難就忍唔到架喇！講真，我都要好好去學下點ｐｒｏｃｅｓｓ　ｄ　ｇｒａｐｈｉｃ先得喇！我係應該去學既。朱展買左套ｕｌｔｒａ　ｓｏｎｉｃ既ｋｉｔ返去砌，唔知佢會搞成點喇！

夜晚同盼恩ｉｃｑ都講左唔少野，我覺得自己講ｄ野都係好灰既，可能真係靈命既關係啦！我而家都幾關心自己係唔係只係習慣左教會既生活，我覺得我好似個個星期都做緊戲咁！我同盼恩講對約翰組有ｄ倦，亦都唔想再繼續同心圈，似乎我係係度講緊撒旦既說話囉！我都唔知神既心意係咩咯！

我唔想祈禱！我唔想問！我似乎都唔係好想知！不過我聽詩歌既時候有ｄ句子好ａｔｔｒａｃｔ我，我聽到又會好自然咁產生出正面少少既睇法。我實在真係係度嘆氣。