今日我都係8點幾起左身，不過就係因為細佬叫我起身既。都好丫，如果唔係我又係係咁訓。不過起左身又係哺係個電腦前面，都唔記得係攪ｄ咩咯！不過最緊要就係我始終都係遲左出門口，就係因為ｄｏｗｎｌｏａｄ野不過未ｄｏｗｎｌｏａｄ完。返到教會當然都係遲到啦！

返到教會已經敬拜緊喇！不過都我係咁行去前面。敬拜我都ｏｋ投入架！不過今日真係不停咁問自己係唔係真係好似歌詞所講所形容咁對神，問完覺得慚愧囉！不過今日都好似重拾神既教導一樣，我都定意左好多野！係既，有好多時候自己都越諗愈糊塗，不過今日又重拾神話語既能力啦！

今日上左台講見證，講最佳進步獎既見證。係既，我真係好耐冇上過台講見證喇！我都係應該見證下神，我想見證主好耐架啦！我講既見證都係好開心既！清姐篇道講務要傳道都好正，佢講既例子都恰到好處，而且好有ｐｏｉｎｔ！見清姐係台上既時候，真係覺得佢係被神膏左咁好有權柄！

主日學得我同雪珍同埋馬榮，３個人既主日學，點解ｄ人要用盡各樣既方法逃避呢？我覺得上馬榮既主日學都真係學到野架！佢對神既話語真係好熟悉。佢所解既亦都真係令我地聖經上面有長進，唔上真係啥左囉！盼恩同阿明落左去食野唔上主日學，我覺得咁樣真係唔係咁好架！一黎知道佢地係因為馬榮教而唔上囉！講開又講，好耐都冇見過牧師咯！不過星期２就可以見喇！

食左個北菇雞飯，麻麻地咋！之後就去左盈豐宣道會敬拜喇！最近見到ｄ人用樂器敬拜真係好令我羨慕呀！今日彈結他既勵志哥哥同埋今日打鼓既通哥，攪到我覺得好想好想快ｄ練成。勵志哥哥個敬拜好有ｆｅｅｌ既。

之後分組出隊，我同寶華同埋潔儀一組，盼恩阿明同媚姐一組，鉅華淑儀同肖燕一組，另外仲有３個人一組。我地３個開頭探左個單身既男人，８座１００３室既，睇佢都係廿幾歲架咋！都同佢傾左ｄ野，不過都係好表面架囉！希望呢個之後仲有得做啦！之後去左探８０３既一家３口，佢都好歡迎我地探訪佢架喎！而且同佢都好好傾呀！佢個女都好活潑，亦見到寶華傳道人既一面，我自己都好ｅｎｊｏｙ既個個時間，係唔知有冇得跟姐。

之後去左可藝既約會，其實我都考慮唔知去唔去好架！不過結果就好似去佈道咁，開心總係係意料之外發生既。去到元朗廣場見到佢地，都ｏｋ喎！我自己都有ｄ野講下。去到劉ｓｉｒ度，哇！佢間屋都幾大幾靚！講真咁耐冇見都會覺得有少少生疏。我地講下佢ｄ小露寶、講下可藝既補習、講下佢個病情、講下佢地結婚ｄ相，到最尾就講我地可藝時代既爆笑野喇！我地都真係講得好鬼開心，笑到趴地囉！我地叫外賣叫左ｐｉｚｚａ，都食左唔少，一人都係＄７０唔係好多姐。不過其實呢期真係冇咩錢架咋！仲有３個禮拜，可能真係要問人借住ｄ先得啦！