今日哇！８點半到就起左身啦！都唔知發咩神經！平日又唔見起到喎！不過都好！起左身我就重裝個ｗｉｎｄｏｗｓ喇！重裝左好好多！不過有一個大問題就係個ｗｉｎｄｏｗｓ過唔到驗證呀！呢個就係非常唔完美既地方！不過好彩佢都ｕｐ到上去ｓｐ１，跟住我再裝埋ｓｐ２，咁都似樣少少。跟住裝返ｄ　ｄｒｉｖｅｒ，ｏｋ喎！ｄ聲不知幾靚先！

見冇咩野做，就寫信俾琳琳喇！不過唔知係唔係狀態唔好，封信都好似冇咩感情咁！不過都係照寫，不過都係未寫完。

準備我小組要帶既訊息「不要懼怕」。其實我都不知幾驚先！因為我真係覺得神已經唔係同我同在，而我仲要帶訊息，真係有ｄ拗，唔係講笑！不過又ｏｋ喎！我所準備既令自己都幾滿意，只係仲未做到寫底ｄ　ｐｏｉｎｔ令到組織同埋臨場發揮可以好一ｄ。

今日有個神學生坐陣，年紀老實ｄ講係比我想像中大好多。不過ｏｋ啦！係神派落黎既！有神既心意係中間既。今日可能，應該話直頭因為有個神學生坐陣，所以ｄ約翰仔係比較乖ｄ既，係得浩然都仲係咁唔得體。不過又係ｏｋ啦！體諒既！

開始既時候用左個世界大戰遊戲開始我既小組，效果似乎唔錯咁！ｇｏｏｄ！全靠阿ｋｅｎｎｉｔｈ咋！佢地都好似好投入！我睇都覺得幾開心！唔知盼恩會唔會都好讚賞呢？不過我好滿足係啦！講真，係真係爭在因為冇ｄｒｏｐ低ｄ　ｐｏｉｎｔ攪到成日都唔知自己講到邊同埋講緊乜！下次一定一定一定要記得記得記得先得喇！

完左小組，盼恩著我講上次旅行個單野！其實我真係冇咩意思要再提架咋！不過又係既，講係應該既！所以我都講，只係講得比較婉轉，大家明就ｏｋ啦！不過我都講得非常十分之正經，我好滿意今日我咁正經同埋嚴厲既表現，哈哈哈！因為呢ｄ野真係應該嚴肅ｄ處理既。如果我對住班小學生都做到呢個嚴厲就好啦！我應該得既！加油呀！

今日陪浩然做好市民，將張執到既身份證同埋美沙酮紙羅去警署報案。哇！警局真係幾嚴厲下，岩岩入去個時。不過後尾都唔係好覺啦！因為ｄ差人真係都幾廢，個個師兄真係！個差婆仲要講曬粗口，根本佢就係唔想做！我地報案，個師兄仲要係度笑！真係唔知咩態度！佢似乎係笑我地係咪想羅好市民獎囉！不過佢地做野真係非常十分之慢！佢地搞左２５分鐘！但係好明顯可以係１０分鐘做得完囉！我對差人真係改觀。不過浩然個樣好好笑，佢一入到差館就好嚴厲，我真係好少見佢會咁！

係教會我又打鼓又彈結他又彈琴，我諗我係想陶醉一下音樂既世界，不過一個人陶醉有時都真係好冇癮！歡歡我明你點解唔鐘意練琴既。一個人，有時就係有呢種孤獨既感覺。由６點玩到成８點半，都２個半鐘呀！幾累不知，同埋都有ｄ夠同埋厭既感覺。