今朝９點就起左身，搭半出門口，應該都冇死難得既準時架啦！點知又塞車！仲要入錯左班房，去左人地ｅｔｃ度ｓｉｔ左幾分鐘。跟住就有人問我係唔係ｅｔｃ既，我少少串咁話呢度俾ｅｔｃ霸左架？佢即刻話唔係不過佢問我黎上咩，我話ｇｅ，佢話我應該係入錯左課室囉！我先知魚皮！有人話係隔離房先岩，我就走喇！有ｄ樣衰。

今日ｇｅ聽儒釋道，我覺得幾好聽先！我終於明白咩叫「設身」咩叫「處地」，我以前一直只做到處地而無「設身」過！就好似尋日俾ｉｍａｎ意見既時候咁！陳主任對歡歡都係有「處地」但冇「設身」！不過做到設身處地都只係做到恕而未盡「忠」！「忠」仲要係有退一步用冷靜同埋理智既思想去為當時人著想，以使結果係對當時人有益處既。「己所不慾，勿施於人。」呢句說話原來一直都被我曲解左，成日會以自己唔想做ｄ咩就唔好咁對人地，其實應該係要想像自己擁有人地既背景性格去想像佢唔想人地點對佢就唔咁樣對佢先至正確。我發覺呢ｄ咁正既諗法似乎讀聖經都係讀唔到！聽道都係聽唔到！我開始覺得人唔係淨係讀聖經就得！呢個可能係我一個既危險。

晏晝同阿振振食飯，焗飯真係好難食！食完飯我就去鴨記買料喇！買左個針孔攝影機＄１９０，同埋一個ｕｓｂ既ｔｖ　ｂｏｘ＄２９０。我身家明明都係得個千幾蚊，我用左一半去買料呀！都唔知幾時先ｃｌａｉｍ得返！不過都好，總算做左ｄ野咁啦！我都好耐冇攪過個ｆｙｐ啦！咁樣係唔得架！而家真係都好鬼忙！唉！你要分清楚咩係重要咩係可以等下架！

４點半返去上３６１，都聽得明１ｄ既，不過真係要溫先至得架！

返屋企就收到ｅｌｉｍ封信喇！嘻！上網ｃｈｅｃｋ　ｅｍａｉｌ發現我竟然得到最佳學業成績進步獎呀！真係好鬼開心架姐！真係要努力ｄ讀書呀！呢個鼓勵都幾大！