今日都成１１點先起身，不過我接受既因為尋日已經係好早訓。起身就上下網ｃｈｅｃｋ　ｅｍａｉｌ，ｒｅ左琳琳個ｅｍａｉｌ就去沖涼喇！沖完涼食埋個麵就出門口喇！

返到ｐｏｌｙ岩岩好上３８１ｍａｋｅ　ｕｐ　ｃｌａｓｓ，ｔｕｔｏｒ又幾唔錯喎！以後星期一我都要返先得！阿ｓｉｒ都講得幾清楚！

上完我就鼠左去５０３到ｓｅｒａｃｈ中３學ｄ咩喇！睇過下一次ｄｎｏｔｅｓ，ｐｒｉｎｔ埋出黎又買左個ｔｅａ就上車喇！１個鐘２個字就返到可藝真係唔話得喇！下次可以３點９走都應該冇咩問題。

返到去我就羅出我岩岩ｐｒｉｎｔ好既ｎｏｔｅｓ俾ｓｉｕ　ｓｉｒ睇，佢話ｏｋ喎！哈！咁就真係好喇！我都ｐｅｒｐａｒｅ左一陣，但係我真係都有ｄ驚，驚自己真係唔夠料教人。５點我就上去喇！

上到去，見到幾個女仔，聽到佢地話「真係呢個呀？」咁樣。我都冇理，陸陸續續都有人入黎喇！佢地都真係好乖同埋好ｒｅｓｐｅｃｔ我，佢地好主動咁埋黎點名。因為有２個女生唔知呢個係唔係尖子課程話要走，咁我就問ｓｉｕ　ｓｉｒ喇！佢話呢個就係尖子架啦！佢地就係可藝既精英喇！

我介紹左自己再幫佢地點名，佢地超合作又半玩咁好大聲咁應我「到！」，呢個係一件好事！我開始教就叫佢地畫數線，佢地大部份都冇咩問題。咁我就教一次不等式喇！我用ａｂｃｄ去講ｄ不等式幾時係一定等於幾時唔一定，對佢地黎講都有ｄ難度。淨係討論呢ｄ都講左成８個字喇！咁我都俾佢地小下息啦！後黎佢地話想計下數，咁我就出左７題俾佢地喇！其實都係唔難既數，佢地大部份都ｏｋ，只係有份數煩少少佢地就會驚喇！我一出ａｂｃｄ佢地就冇咩興趣，佢地鐘意數字多ｄ。

呢堂我教得都幾滿足，我自己都覺得幾有阿ｓｉｒ　ｆｅｅｌ！我希望教得好佢地啦！佢地對我黎講都係幾有挑戰性既！豪哥，加油呀！等我真係做ｄ　ｐｅｒｐａｒｅａｔｉｏｎ先得！真係唔係錢既問題，係好玩同埋有意義既問題！

完左同阿程阿宇上神學概論，都唔錯，好彩佢地都歡迎姐。希望我可以ｋｅｅｐ到一直上啦！買左本＄５１既書，希望我會睇下啦！

今日郭靖打過黎講佢工作上受既氣，我都係同佢傾左陣。ｍｉｌｍｉｌ　ｉｃｑ我，我基本上係ｅｎ佢，我應該係第一次ｅｎ得佢咁應，不過我真係好累喇！