個日泵完骨落黎返到教會成１１點，都幾驚俾人覺得唔好。見ｒｕｂｙ隔離有空位我就坐低，坐低就聽到寶華講緊道喇！佢講緊唔應該跟從世界既道。我覺得呢個道入左我既耳仔真係好應，我就知道自己泵骨你唔應該既，不過係邊個層次上面既唔應該呢？我又未能夠分辨得好清楚。當寶華叫我地低頭思索自己既罪既時候，我就問神，我就用神俾我既理性去思想自己做得岩同埋唔岩既事。

我好耐冇同哥哥見面去見下佢係應該既；我真係做到同大哥哥傾計同埋關顧加了解佢；我返大陸旅遊都係冇問題既。不過我洗左好多錢去玩樂享受就有少許問題；我揀女仔屬以貌取人亦有問題；我亦係思想上陷入左試探；我思想上掛念著那個地方和形式而且會沉迷的眷戀是很有問題；我跟從了世界的享樂方式亦是一個問題。

今日咁岩又係聖餐主日，即使我尋晚亦都只係泵骨同埋同個女仔傾計，但我下意識都覺得自己充滿污穢，呢個聖餐好岩時間咁預備左俾我。通哥帶領我地做既認罪祈禱亦都好令人感動同埋觸摸我既心靈，的而且確咁講中左我心裏面既問題。

今日阿金都有返，佢應該就係ｒｕｂｙ既男朋友喇！聽阿明講係因為ｒｕｂｙ阿金今日見家長所以今日佢過左黎崇拜。不過真係奇喇！點解佢地唔坐埋一齊呢？好似好古怪咁！

可能因為係東門洗左好多錢享樂，所以都肯用＄１００幫ｋｙｌｉｅ買獎券做善事。同盼恩傾過下上次旅行約翰組發生既事，都ｏｋ既，最緊要大家都知道係咩事啦！

我、阿明、傅生同埋葡萄園去左飲茶，氣氛真係唔錯！咁樣食野感覺好好，講真我幾ｂｕｙ　ｋｙｌｉｅ呢個組長，可能因為佢ｇｒｏｕｐ到成個組一齊啦！我都食得幾飽！最緊要呢餐係傅生請，一黎佢鼓勵我地做購堂奉獻，二黎佢升職加人工呀！

返教會本身話執詩歌既，不過有我同昱姐就緊係ｊａｍ歌啦！鉅華好盡責咁執詩歌，執左一陣又同我地ｊａｍ下咁。昱姐都有執既，不過我就最懶冇執過！清姐都唱返兩首先至走，華華就成日ｌｕｉ我地要咪唱。我地玩到成６點半，先至去打籃球。仲要唔知點去行左一大餐！

同昱姐一路行一路傾計，我覺得同昱姐都幾夾同埋好傾。可能學佢話齋大家都係４ｗｉｎｇ５啦！我同佢講到ｒｕｂｙ既問題，昱姐問我仲有冇機會或者可能同返ｒｕｂｙ一齊，我好肯定咁話ｎｏ！不過我冇講到我而家有冇對象。對我黎講，愛情仍然係一個好模糊而且好難好深奧既問題。關於汞骨一事，我都有同昱姐講，佢話我好易ｌａｉ野，我心裏面都好覺！

去到友愛體育館都好無聊，冇得打因為已經好夠人喇！最緊要係我咁遲！之後大家一齊去友愛綠兒島食野，以前我地可藝年代都唔去既個間。不過又幾ｏｋ喎！都唔錯，幾好食丫！我係間野度見到個化曬妝既就令我諗起東門喇！我真係好沉迷呀！

返到屋企都好晏喇！上左１５分鐘網就ｏｆｆｌｉｎｅ啦！第一次１０點半訓覺囉！