今日８點９起左身，不過尋晚成３點９再沖埋涼應該係４點半再吹埋頭我計佢５點先至訓呀！所以都你再訓返，不過約左鉅華探路所以９點２就起身梳洗喇！不過最後成９半８先出門口。不過因為要畫地圖所以又返返去開電腦畫地圖，搞左成幾個字。我搭１先上車，鉅華好似搭半就已經到左架喇！嘻。好彩架車真係半個鐘到荃灣，１０點７就到左喇！

我地搭車去左大埔，買左兩枝水兩罐寶礦力，我又買左把＄１０傘跟住８就搭小巴５ｃ去大尾篤喇！去到大尾篤搵左間茶餐廳坐低食左個牛腩麵＄２０，鉅華就食左個餐蛋麵。食飽就去租單車喇！雖然係落緊雨。＄２０任踩，都抵喎！咁就租左喇！不過落緊雨，雖然唔係好大雨，不過都線線地。

大尾篤個斜坡好奪命，超斜！而且係唔俾踩，因為以前發生過好多單車以外。不過俾你你都踩唔到上去啦！咁斜！推單車上要成１５至２０分鐘！之後落大斜路喇！不過我都唔敢去咁盡！一黎係斜路，二黎係馬路！踩左一陣就見到船灣淡水湖同埋ｄ爐喇！環境都唔錯，不過唔係我地要去探既。我地再去踩，有少少雨不過好爽！感覺好正！之後去埋新娘潭，個新娘潭都幾凶湧因為落雨掛！之後再繼續踩，踩到見到燈位就回頭喇！

回程就影返曬ｄ爐咁就大家都可以睇下仔。一路行，鉅華提議落去船灣淡水湖睇下，岩曬我！有人釣魚，釣到條魚仲唔細添！原來要羅個釣魚牌，＄２４　３年，抵玩喎！同輝輝講下先。跟住就回程喇！推單車落返個奪命斜路，就返到去大尾篤。不過我地意猶未盡，我地再踩去個水霸喇！哇！有好多風帆，好想玩下添！我地去到水霸上面，有個停機坪，我地就踩過去另一邊喇！都要成１５分鐘。係個邊又係一個停機坪，之後踩返過去另一邊就走ｌｕ。呢個水霸係條大直路，冇上斜落斜，而左邊淡水湖今日ｄ水位好高，另一邊係個海ｄ水位就好低。感覺係：好得意！好神奇！

返去交車就返ｐｏｌｙ上堂喇！返到去都係３點半咋！聽到５點半就同肥貞去左食飯行街。最值得記既就係我買左對黑色ｖａｎｓ　＄４２４，靚！