今日９點半起身，搞左一輪搭９先出門口，不過好彩班輕鐵生性，岩岩好等我唔洗遲到，感謝主。今日盼恩既敬拜ｗｅｌｌ ｄｏｎｅ丫！睇到佢既聖潔同埋佢既恩賜。呢排感覺自己真係好耐都冇講過見證喇！我終於明白以前我成日覺得佢地唔講見證個ｄ人既生命係點架啦！就係成日都經歷但係冇咩好特別喇！牧師講道，雖然佢係有感冒不過講得好好呀！佢好有權柄！馬榮又講左ｄ奇怪野囉只係。
之後同嘉賢傾左陣，佢都係講馬榮咩咩咩啦！不過其實我覺得講佢有ｄ唔係咁好既。之後去左打鼓，同巨華夾歌，佢彈結他我打鼓。都ｏｋ架！不過係佢唱得有ｄ問題，不過有時候都係自己打得唔好既。之後昱姐又加入喇！我差唔多個個主日都同昱姐夾歌，大家都好ｅｎｊｏｙ！佢都幾鐘意我打鼓某程度上。之後３個就夾歌喇！夾左陣，我都好ｅｎｊｏｙ，不過送飯上黎就冇夾喇！咁岩歡歡又打黎喎，個時係兩點。
雖然ｄ人係叫食飯，不過緊係傾電話緊要啦！同歡歡傾左個包裹ｄ野，佢話收到個蘋果，不過話一般般喎！佢問做咩寄咁多零食俾佢，我話佢冇得買。佢話有，不過冇錢買，我問佢鐘唔鐘意食，佢話梗鐘意啦，仲話陳主任都有食添！不過佢話點解冇燈籠，原來上次中秋個燈籠佢都仲未收到喎！我問佢鐘唔鐘意條鍊，佢話係紫色梗鐘意喎！不過我未係好知道究竟佢係鐘唔鐘意份禮物。問佢個日有咩攪，佢話冇咩攪。問佢開唔開心，佢話白朝幾開心先，即係打俾我個時同埋之後，不過後尾就俾人激親喎！佢話阿媽買左條雞興祝佢生左歡歡，唔係慶祝佢生日。不過，其實咪都係興祝佢生日。
跟住佢問我香港手機ｄ價錢，我話幾百，千幾同埋幾千都有，佢梗係覺得貴啦！佢話不過新年先喎！佢話係個次２點幾仲同佢傾緊電話個次俾佢老豆知道左，佢老豆第２朝就打爛左個電話喎！同埋佢咁早打電話俾我因為佢岩先上完主日學，佢特登一早返早堂因為想下晝打俾我！我覺得佢真係好鐘意我！就算唔係愛情個種但佢真係好鐘意我。或者佢好鐘意同我溝通，呢個我都好肯定既。我話要食飯喇！要收線，佢都問我幾時可以再打俾佢，幾多個字之後，我以為咁就算架啦！不過原來佢仲好想同我傾下仔！
食左飯，點知係阿ｐｉｎｋ打黎，佢開工開得悶就會打下黎架啦！佢都係圍繞住個ｄ問題煩啦！其實真係佢自己羅黎煩既！我同佢講我做ｆａｃａｌ件事，呢件事一定要同佢日講既！跟住佢有野要做又就收左線喇！
之後歡歡打黎，我地繼續傾喇！佢問我嬲人個時應該點喎！我咪好似教約翰組咁教佢囉！呵！我話嬲係好自然既，神都會嬲既！而生氣不可以犯罪，佢就話唔通我會殺人咩！哈！我話唔係，不過提下佢咁。跟住我又講不可含怒到日落，佢就話咁可能要１０年後既日落咯！哈！我真係未試過咁諗。我最尾都係講，主禱文所講既，免我們的債，如同我們免了人的債。我話神都已經饒恕左你咁多既罪，咁唔通你就唔可以饒恕佢咩？如果我地唔饒恕別人，神都唔會饒恕我地。我話唯一既解決方法就係饒恕喇！之後佢都冇咩講其他喇！唔知佢鐘唔鐘意聽呢？跟住我就講其實可以用轉移視線既方法去處理嬲怒，我話自己就會做運動或者聽下歌。佢話佢都冇咩歌聽，我知我要快ｄ寄ｄ歌俾佢喇！佢話佢問緊人借碟。
之後我又問佢做緊ｄ咩，佢話睇書，我唔記得書名喇！不過係ｄ聽書名都知深深地既書。佢話佢淨係睇左封面咋喎！我問佢鐘唔鐘意睇書，佢話鐘意，問佢想唔想要，佢話要喎！佢話佢細佬都要喎！佢話要ｄ多ｄ圖畫既！仲話其實佢自己都係小朋友黎架咋！佢話佢都要ｄ多公仔架喎！哈哈！不過寄書都貴架！而且我唔想令陳主任覺得咩。又唔想令歡歡太依賴我寄既物質過去。佢應該要學會滿足。
之後同佢細佬講左幾句。我問佢家姐恐唔恐怖，佢話恐怖。不過而家諗返起我覺得我係唔應該咁樣問架！有ｄ引導佢既感覺，做錯了！問佢有冇聽家姐話，佢話冇。問佢乖唔乖，佢話冇得好乖。佢話家姐成日打佢喎！歡歡就聽返，好緊張咁問我同佢細佬講咩，我就照實講，佢聽到亦如我所料咁好緊張，跟住又話細佬唔聽話！我真係唔應該！佢話細佬同佢爭房喎！佢話佢地冇得分房既！ｄ房間冇話屬於邊個既。之後可能走啦亦可能陳主任叫歡歡收線，咁就收線喇！
之後我又開始打鼓喇！佢地又開始彈琴。阿明盼恩ｒｕｂｙ佢地就去左小組學織十字架！不過我冇咩理。我打鼓打得幾開心先！華華又係度唱到手舞足蹈，大家都好開心。之後承恩佢地走喇！不過我都係同昱姐繼續夾。不過我收到車厘子既ｓｍｓ，佢問我做緊咩，得唔得閒咁啦！我知道佢係想搵我食野或者唔開心搵我傾計，我都應承左去陪佢。我真係唔係諗溝女，我只係想陪下我呢個女同埋姊妹同埋朋友咋！４點１０我就出發喇！都遲左５分鐘到。
見到佢都好似有少少古怪咁！畢竟大家唔係好熟啦！不過佢既面容唔難接受既。我地去左大快活。我咁飽都陪佢食左個ｔｅａ，傾下仔計啦！我都算係咁架啦！有ｄ野講下，不過ｆｅｅｌ到佢應該係覺得悶又冇咩人陪所以想到我囉！不過我就真係都好食住佢係基督徒既身份好想佢返教會，佢都好似有ｄ興趣咁問下幾點同埋係邊度。唔知佢呢？希望聖靈感動佢帶俾佢勇氣保守佢既腳步返到黎教會啦！反而如果佢係咁悶既話，不如返黎啦！可能係神安排佢咁悶等佢想返黎添！哈！
之後我地去左萬寧，佢想睇下ｄ除芭膏，佢話大脾上面有芭痕佢想整返平佢。我地就行左去喇！我問佢係唔係自己整既，佢話係。我話你個芭痕凸定凹既，佢話係凹既。我問佢耐唔耐，佢話都幾耐架啦喎！不過一枝藥膏都成＄６０幾，佢話冇錢買喎！佢係萬寧問我有冇女朋友，我話冇。咁之後我地又去左日本城睇下野，之後又去左惠康，我諗大家都知道係想行多陣架姐！我都好想陪多佢一陣既。我真係好想佢可以返黎小組！
之後返左屋企痀屎，打俾志偉肥溫都話唔黎！奇哥都唔聽電話！跟住我就趕出去會阿勇同埋ｔｏｍｙ喇！等左陣ａｎｄｙ阿珊先到，跟住行左成個圈都唔知去邊到食好！淨係搞ｇａｄ！之後最終去左椰林。其實大家都悶悶地，悶場真係唔少！不過ｏｋ啦！大家都盡力搞得開心ｄ！呢個心已經足夠喇！而且都唔係唔好玩！又約左３０號燒野食，ｏｋ啦！
ｎａｃｙ黎左之後就去良景食宵夜喇！ｎａｃｙ新髮型係重點，搵食係大家今日既講野標準用詞。開頭食糖水，坐得好尷尬，佢地３個一邊你咁傾，我同勇講埋ｄ無聊野，不過無聊都開心既。係ｔｏｍｙ兩頭唔到咁姐！之後食完我同ａｎｄｙ企左係度，大家就傾得盡情ｄ喇！呢個氣氛都好正，不枉我悶咁耐！哈！
ｃ蓓夜晚打黎，同我傾電話咁啦！我知道佢實係有ｄ咩唔開心架啦！不過唔知點解今日好似咁旺咁姐！都同佢傾啦！都知道左好多佢係ｆａｓｈｉｏｎ ｄｅｓｉｇｎ，係阿佛既說話上，係學校既經歷上既不如意，我都嘗試一一解答啦！我覺得自己都講得幾有道理架！好多都係係神裏面應該有既態度同角度黎既！佢話同我傾完舒服ｄ喇喎！或者我真係有做輔導既潛質都唔定！因為真係會有好多人搵我傾訴呀！
