又要講返尋日先。尋日係星期６，順理成章可以訓晏ｄ，不過原來係約左傅生羅單車既。嘻。

１２點先起身，搞左個電腦一陣就出門口啦！約左２點係寶田等眉花佢地，點知我２點４先去到，佢地等左成２０分鐘。嘻。不過雄華同眉花見到我都係好開心既，係坤華既表情爭ｄ。哈。不過ｏｋ啦！盼恩開左組我地先返到黎，唔知盼恩有冇嬲到呢？

起初有ｄ新人加入，大家都好唔自然，有ｄ排外既ｆｅｅｌ。不過開始左玩扑傻瓜，情況又有ｄ好轉喇！雖然開始既時侯佢地都係叫圍內ｄ人，不過後尾佢地就識叫下對方喇！大家好有講有笑，都好開心呀。

今日盼恩講既訊息好好，安排都好好，好值得我學習一下！只係佢地３個有ｄ唔憤，特別係坤華。佢似乎有ｄ排斥我地所講既野，佢表現得好唔喜歡聽，不過佢對聖經又有ｄ好奇咁揭揭下。今日奉獻時，佢地都有奉獻。雖然佢地唔係好深切知道係咩黎，或者佢地都未經歷到，不過佢地呢個行動就已經讓佢地將來可以經歷一ｄ野。

完左小組就幫佢地入ｍｐ３喇！佢地似乎對電腦真係好好奇，不過坤華仍然未能開放自己，佢仲係好保護自己，或者佢地未信我地係好人啦！或者呢個世界真係太多衰人喇！不過我地要以行動令佢地知道我地屬神既人係點既！之後著浩然佢地開台打乒乓波，搞個聯賽。開頭坤華都仲係咁唔願意，不過後尾安排左喇，佢都肯出場。跟住佢地都打得ｏｋ，我就去左預備小組喇！

預備小組都係５分鐘到，不過５分鐘對於今次都似乎ｏｋ足夠，我相信神係度扶緊我。我安排大家先先用分享靈命近況作開始，大家都唔係分享得好釋放，不過都係ｏｋ架啦。跟住又分享一下大家面對緊既困難同埋問題，大家都分享到一ｄ。跟住大家就互相代禱喇！感覺都好唔錯。之後就開始我地既敬拜，大家都好投入呀！呢個係神自己做既感動工作。我為ｒｕｂｙ代禱，我諗，我真係可以係大家既問題或者係過去既關係上好釋放喇！

之後就ｂｆｉｎｇ，同埋猜包剪泵分組喇！我同ｒｕｂｙ一組，我都係好釋放咁真係問題唔大既。檢討既時候我以大家用表明自己係基督徒既情況同埋感覺去作總結和討論，我知道自己講咩既不過唔知佢地知唔知道呢？

原本係約左大舊返大陸既，不過好彩佢訓過龍，唔洗去其實我好幾開心，因為我仲有好多既野未搞掂，不過最尾我都係冇搞到，同左輝落街食宵夜。同輝好耐冇見啦！見返都有ｄ怪怪地，唯有用我專長「笑」啦！之後都好多時係我講野，佢今次都唔多出聲，可能係佢慢熱ｄｄ啦！不過都唔緊要，我都夠開心架啦！

個電腦無啦啦ｄ聲侄侄地，我係咁裝ｄ　ｄｒｉｖｅｒ又ｕｎｉｎｓｔａｌｌ，搞左成晚，成４點先訓。