今日都醒架啦！６點７就起到身，仲要識得去刷牙仔。點知歡歡仲醒，佢竟然打黎喎！好呀！佢話我都係想聽個４個字姐。我梗係樂意講俾佢聽啦！對於佢咁傻又咁ｇｏｏｄ既做法我忍唔住叫左佢日兩聲「傻豬」呀！幣喇！洩露左太多感情添！佢用人地個電話，所以佢都匆匆收線喇！不過我都已經好開心啦！真係甜到笑出黎，就好似佢同我講生日快樂咁開心！

今朝有時間靈修仲敬拜添！雖然簡簡單單，不過都已經好夠喇！為歡歡祈左個生日禱咁啦！

返到去做３６２個ｌａｂ遲左半個鐘，不過ｏｋ啦因為又係ｍａｔｌａｂ自修，而且今次有同阿ｘｉｎｇ討論下都唔錯喇！食完飯又３８１ｌａｂ喇！做到２點７就走喇！趕住去可立功輔班丫嘛！

係火車站巴士站搭５ｃ去到新莆里直行左轉就到喇！大概要９個字啦！去之前同去到都真係有ｄ緊張，緊張係因為有太多未知之數。不過見到ｄ小朋友又好ｑ好得意喎！好開心呀我！呢個機會幾難得！何姑娘介紹我時，我ｄ學生幾開心我係教佢地，有ｄ唔係我個班既又幾失望，我真係好開心神俾左呢個咁受歡迎既外表我。不過我知道我一定要有內涵黎與心相稱。

玩扑聰明仔，大家玩得幾投入！又可以識下人地ｄ名喎！我都仲記得一ｄ架！馬子浚、何銘恆、曾麗絲、黃盈盈、鄭梓聰、劉雅君‥‥‥差唔多啦！跟住玩心臟病，雖然我地輸左，不過大家都玩得好開心姐！有咩所謂丫。

教佢地功課，ｄ　ｍａｔｈｓ難我唔到既！不過ｄ　ｅｎｇｌｉｓｈ，我真係唔多掂囉！好彩以後都唔洗教英文姐！嘻。我ｄ仔好得意ｄ女又好可愛！我好鐘意佢地呀！真係唔捨得話佢地。希望以後可以好好教到佢地啦！

夜晚同清姐傾左都２個幾鐘，講左好多好多野！似乎ｒｕｂｙ仲未放得低我同佢以前ｄ野咁！不過我已經唔想再理亦唔想再提ｌｕ。亦傾左３個小組既方向同埋可行既發展。又分享左好多我自己既野，補習啦讀書啦個ｄ。同清姐傾計其實都真係好開心，好舒服，真係好似同神父講野咁，講完就好似舒服曬咁。