我勁樂意咁做囉！因為我失緊眠_-!!!

嘉賢帶破冰，遊戲是「估歌名」。嘉賢把詩歌中其中一句歌詞倒轉讀出來，其他人就要鬥快舉手估出歌名。不過基本上係唔洗爭，因為ｒｕｂｙ同清姐一組，我同阿明一組。佢地係咁答，我地玩手指甲。之後嘉賢就提出再ｇｒｏｕｐ過，我同清姐一組。不過事實之後又係ｒｕｂｙ同清姐搶答。跟住嘉賢巧妙咁改左個玩法成為唱返出黎而唔係答歌名。之後我就答返幾題喇。不過阿明死都唔唱，明明嘉賢已經出左一題係人都知，我地３個都唔答俾佢答既問題，佢都仲係扮ｃｏｏｌ唔唱。之後個破冰就玩完喇！

跟住就由我黎帶破冰。今次我選用左張崇德既《尋見真愛》既《誰是你主》同埋《感激》黎帶。第一次播出黎識唱既跟住唱，第２次用心聽，第３次半清唱。不過我覺得帶到好似詩歌分享咁，好想學下點帶敬拜。帶《誰是你主》既時候兩隻約翰走過黎裝裝下話首歌好熟。（所以下次約翰組敬拜其實真係可以帶呢ｄ好聽ｄ既歌，同埋記住下星期你幫我帶敬拜喎：ｐ）

接住應該係到ｒｕｂｙ帶訊息既，不過因為個訊息與我地無關，所以改做讀經分享。開始大家逐個講下讀經有咩心得，有咩唔明可以問清姐。ｒｕｂｙ就講左好多但我唔係好記得喇！我就講話讀完就覺得唔可以淨係睇馬太福音，嘉賢就好似話冇咩感覺，阿明講既都係?ｄ啦！

之後我開始分享一下我ｓｅｍ　ｂｒｅａｋ時專心靈修覺得好正，每晚成點先開始靈修，歷時幾個鐘，仲係網上分享心得，不過後來因為怕自己領受既唔係正確既，所以就冇再ｓｈａｒｅ。而後來因為開左學同埋返工，於是便差不多沒有靈修，而改為只是在車上讀經。不過有時候因為累所以會寧願睡覺而沒有讀經。而且最近更因為開始想專心讀書而看輕事奉。因為覺得事奉或者ｋｅｅｐ住同神既關係好影響讀書，唔似你講咁樣可以令讀書更順利。跟住ｒｕｂｙ就問其他人有冇好似我咁既掙扎。

跟住嘉賢就開始講佢既心底話。佢話佢都有咁既掙扎，佢覺得因為其他野而令到同小組ｅｖｅｎ教會好生疏。佢跟住就開始諗究竟佢裝備自己有冇做錯到，佢覺得好似好孤單咁樣，同埋佢犧牲左好多野，不過佢明白事實係會咁。佢話佢都有上我地個留言板同埋睇，不過就冇留言，因為佢覺得佢係個板留言會好怪。１來佢覺得同我地有ｄ生疏，２黎佢都冇好想留言既感覺。佢都有睇我地既日記，不過就冇留言咁解o者。同埋佢覺得佢係出面做既野都係幫人，其實都係做緊一個基督徒既本份，只不過佢唔係教會到做，人地唔知道，而且亦都唔似小組組長或者傳道人係教會事奉咁樣得到無限既支持。

我同清姐都表示明白佢既處境同埋心情亦都讚同佢係外面做幫助人既野都係基督徒既本份。我亦補充覺得只係神係嘉賢身上有個不同的計劃，等佢係嘉賢裝備好曬岩神用既時候神就會用佢。而且我已經明白大家唔應該淨係係教會。我地應該係係教會讓靈慢慢成長，之後就係外面做柱子把基督表明出來。

跟住ｒｕｂｙ就話好開心見到大家咁坦白分享心底話，佢覺得好開心。之後就話３號仔果然係咁。跟住清姐又話佢都同２號仔既咩咩咩咩好似。跟住嘉賢又話我係咪ｗｉｎｇ６，跟住清姐又話唔係，ｗｉｎｇ只係左右兩邊‥‥‥

跟住就問阿明學習既時候有冇孤單既感覺。我就話阿明應該係冇感覺架！跟住清姐係度笑住話我衰。阿明話佢好ｅｎｊｏｙ學習既時候，佢唔會覺得孤單‥‥‥（總括而言是佢好理性，混亂既時候佢唔會混亂，佢會行開祈禱，之後再做就可以搞掂。）跟住講到阿明係５號仔啦。

ｒｕｂｙ話個網頁好巧妙，阿明跟住就講解點巧妙法。之後佢又話佢自己好鐘意做ｄ野等人估唔到，但佢有時又會做ｄ野表面上有個意思，但其實內裏又係有另一個意思。佢話前者係因為想做ｄ人地估唔到既野出黎，而後者係因為想人地明白佢而講ｄ表面有意思包含深層意思既野。咁我又話其實係唔係佢表達能力差既問題，佢話的而且確有時佢想人地直接ｇｅｔ既時候講左ｄ好白既說話人地都係ｇｅｔ唔到。咁我就笑住講話咁其實唔洗特登諗ｄ野黎令人ｇｅｔ表面意思啦！（大家笑）。

阿明又話其實係某ｄ情況下佢都會有孤單既時候。跟住ｒｕｂｙ講左個辛苦時候同阿明ｉｃｑ既例子出黎。跟住我話我明白阿明因為以前我講野都會講得好隱悔。而我阿媽就一定唔明阿明，因為佢都唔明我。跟住嘉賢就話如果要估，咁我就寧願唔明ｌｕ。跟住就開始講‥‥‥(總括係「男女大不同」喇)！

最後完左小組同嘉賢ｒｕｂｙ唱隻ｃｄｄ歌，十家都好開心！